Dieđut Finnmárkku buohcciviesu bargiide

Dán siiddus gávdnet bargit ođasmahtton dieđuid koronavirusa oktavuođas. 

Vuorohuvvon dieđut:

Buot virgelobit bargiide Finnmárkku buohcciviesus geat eai leat vel álgán virgelobiin bissehuvvojit dalán, dat guoská sihke dain geain lea bálká, muhto maiddái geain lea virgelohpi bálkká haga. Dát dahkko go háliidat sihkkarastit dárbbašlaš bargoveaga. Dát ii guoskka sidjiide geain lea váhnenvirgelohpi, fuolahusvirgelohpi ja guhkkit virgelohpi buozalmasvuođa geažil.

Dát maid ii guoskka sidjiide geat leat doavttir ja buohccidivššár alla ámmát oahppovirgelobiin.

Jus dus leat olggosgolut šluhttejuvvon mátkkiid dihtii dahje eará, de máksá Finnmárkku buohcciviessu olggosgoluid dábálaš njuolggadusaid mielde. Mii ávžžuhat bissehit diŋgomiid buori áiggis dahje geavahit dáhkádusaid ráddjen dihtii olggosgoluid.

 

Erren, iskkadeapmi ja bargiid fuolaheapmi 

Goas galgá dearvvašvuođabargi errejuvvot?

Dearvvašvuođadirektoráhta lea mearridan ahte buohkat geat bohtet olgoriikkas Norgii, galget 14 beaivvi leat ruovttuerremis, vaikko vel eai leatge dávdamearkkat.

Doaibmajođiheddjiin lea vejolašvuohta luvvet bargi errennjuolggadusain go lea dárbu, doalahan dihtii dehálaš servodatbálvalusaid dohkálaš dásis. Jus bargi dattege ferte bargat vaikko vel galggašiige leat errejumis, de ávžžuhuvvo čuovvut garra eastadannjuolggadusaid. Bargi galgá geavahit njálbmesuoji go lea lagas oktavuohta pasieanttaiguin, oapmahaččaiguin ja mielbargiiguin, bargi maid galgá doalahit unnit oktavuođa earáiguin bargobirrasis.

Dieđut errema ja sirrema birra (dárogilli) Čiekŋuduvvon ráđit earret eará errema birra (dárogilli) Láhkaásahus errema birra mátkki oktavuođas (dárogilli) Láhkaásahusa čuovvovaš fáttáid birra: erren, sirren ja gielddus orrumii astoáiggeviesus (dárogilli)

Goas galggan orrut ruovttus?

  • Jus leat buozas.
  • Jus dus lea leamaš lagaš oktavuohta ovttain geas lea duođaštuvvon covid-19.
  • Jus muhtin du dálus lea buozas maŋŋil go lea leamaš lagaš oktavuođas olbmuin geas lea duođaštuvvon Covid-19, váldde oktavuođa du jođiheddjiin.
  • Jus leat leamaš mátkkis olggobealde Norgga dan maŋimuš 14 beaivve, de lea dus ruovttuerren 14 beaivve, erren álgá dan beaivvi rájes go ollejit ruoktut, lihkká vaikke eai leat dávdamearkkat. Njukčamánu 17. beaivve rájes guoská ruovttuerren maid jus don leat leamaš Ruoŧas dahje Suomas, ja bohtet ruoktut njukčamánu 17. beaivve dahje maŋŋá dan.
  • Jođiheddjiide: Lea ráhkaduvvon skovvi mii sáhttá du veahkehit veardidit ahte galgá go bargi boahtit bargui vuoi ferte go orrut ruovttus. Skovvi lea koronasiiddu intraneahtas. Don gávnnat boalu ovdasiiddus. 

Iskkadeapmi bargiin


Álbmotdearvvašvuođainstituhta njuolggadusat dadjet ahte čuovvovaš bargit galget iskkadeami oažžut:

Buot bargit geain leat fáhkka vuoiŋŋahatbohcci dávdamearkkat, geat dábálaččat livččejit mannan bargui.
Buot bargit geain lea leamaš lagas oktavuohta olbmuin geas lea duođaštuvvon Covid-19.
Ferte árvvoštallat iskat bargiid geain lea lagas oktavuohta pasieanttain ja bargiid geain leat kritihkalaš doaimmat. Muhto dušše jus vuoiŋŋahatbohcci dávdamearkkat leat bistán badjel 2 jándora.

Bargit geat leat erremis ja ožžot vuoiŋŋahatbohcci dávdamearkkaid galget oažžut iskkadeami 1-2 beaivve ovdal go mannet bargui. Vaikke iskan lea negatiiva, de galget čađahit ruovttuerrema.

Eambbo dieđut iskkadeami ja diagnosa bidjama birra (dárogilli). 

Áhpehis bargit ja bargit risikojoavkkus


Dearvvašvuođadirektoráhta lea ávžžuhan ahte galgá suddjet vuorrasat bargiid ja bargiid geain lea kronihkalaš dávddat. Sin berre suddjet bargguin gos lea njoammunvarra. Dat guoská maiddái áhpehis bargiide.
Bargoaddi galgá ovttasráđiin dutnje láhčit bargodili. 

Loga eambbo dearvvašvuođadirektoráhta siiddus

 

Jávkan, bargoáigi ja luopmu

Bargoáigi

Korona dávdda dihtii leat buohcciviesut lihtodan šiehtadusaid doavtterservviin, Norgga buohccidivššárserviin, ja maid LO- ja YS- servviin. 

Loga eambbo šiehtadusaid NSF, LO ja YS- servviin Spekter neahttasiiddus (dárogilli)Mo praktisere gaskaboddosaš šiehtadusa doavtterservviin (dárogilli)Mo praktisere gaskaboddosaš šiehtadusa NSF, LO ja YS- servviin (dárogilli)

Buozalmasjávkan

Jus leat buozas de gusket seamma njuolggadusat go muđui, ja dus lea gáibádus oažžut buohcanruđa. Jus it leat buozas muhto fertet leat ruovttuerremis (fertet ruovttus), de lea sierra njuolggadusat buohcanruđaide.

Lea dábálaš njuolggadusat jus leat eret go mánát leat buohcci, maiddái jus mánná lea koronavirusiin buohcamin.
Eambbo dieđut jávkama ja du vuoigatvuođaid birra (dárogilli)

Viiddiduvvon iešdieđáhus 

Geahpedan dihtii fástadoaktárkantuvrra lea ráđđehus hásttuhan bargoaddiid dohkkehit viiddiduvvon iešdieđáhusaid daid 16 vuosttaš beivviid jávkamis. 

Loga eambbo Spekter neahttasiiddus (dárogilli) 

Luopmu

Koronavirusa dihtii čuožžilit gažaldagat luomu birra.

  • Makkár vuoigatvuođat lea bargoaddis rievdadit mearriduvvon luomu.
  • Makkár olggosgoluid galgá bargoaddi máksit go luopmu rievdaduvvo? 
  • Lea go bargoaddis vuoigatvuohta rievdadit mearriduvvon luomu? 
  • Sáhttá go gieldit olbmuid mannat mátkkiide dálá dili dihtii? 
  • Goas ferte geavahit luopmobeivviid? 
  • Makkár vuoigatvuođat leat bargis jos buohccá ovdal luomu dahje go lea luopmu? 
  • Mii geavvá mearriduvvon luomuin jos bargi biddjo virgelupmui? 
Vástádusat guovdilis gažaldagaide luomu birra (dárogilli) 

Váhnemiid vuoigatvuohta fuolahanruhtii

Váhnemat ožžot duppalgeardde eambbo fuolahanbeivviid fuolahanruđain. Bargoaddi máksá daid golbma vuosttaš beivviid ovddas. Njuolggadusat fápmuibiddjojedje njukčamánu 13. beaivve ja leat bistevaš olles jagi (2020). Dát guoská ođđa beivviide obbalaččat, ja ii ge dušše jávkan Covid-19 dihtii.

 


IKT, ruovttokantuvra ja videokonsultašuvdna

Veahki bargiide ruovttokantuvra oktavuođas: Ruovttukantuvra, Skype ja Citrix

Olles bargoveaga bargit ja buohcceviesu bargit geain lea vejolašvuohta bargat ruovttus galget dan dahkat. Helse Nord IKT neahttasiiddus gávnnat čuovvovaš dieđuid:

Mo oaččot ruovttukantuvra čovdosa, geavaheaddjibagadus ruovttukantuvrii, Skype:i ja Citrix:i.
Ruovttukantuvra veahkkesiidu (helsenordikt.no) 

Ávkkálaš liŋkkat dearvvašvuođabargiide 





Fant du det du lette etter?