Finnmárkku buohcciviessu álgá fas doaibmat dábálaččat

Čakčamánu 1.beaivvi rájes jávká fitnangáržžádus buohcciviesuin, ja Finnmárkku buohcciviessu álgá doaibmat fas nu go lávii. Lihkká leat muhtin koronadoaimmat ain doaimmas. 

Joakim Haugnes, Securitas ja Ole Martin Olsen, Doaibma- ja opmodathoavda. Govva: Eirik PalmJoakim Haugnes, Securitas ja Ole Martin Olsen, doaibma- ja opmodathoavda. Govva: Eirik Palm

Duogáš dasa manne buohcciviesut ja klinihkkat dál álget doaibmat fas nu go lávii, lea go álbmot boahkkun lea lassánan geasseáigodagas (ja ovdáneapmi njoammundilis obbalaččat).

Dilálašvuođa njuolggadusat

Rievdan dábálaš doibmii mearkkaša buohcciviesut leat fas rabas oapmahaččaide ja gussiide, lassin pasieanttaide, ja poliklinihkain álggahuvvo dábálaš ollislaš doaibma. Dát guoská plánejuvvon doibmii maid.

- Dál ii leat šat bággu doalahit mehtera gaska go leat ollislaččat boahkuhuvvon, dadjá dálkkaslaš fágajođiheaddji Finnmárkku buohcciviesus, Harald G. Sunde.

- Lihkká lea jierpmálaš doalahit dili mielde njuolggadusaid, lasiha son. Finnmárkku buohcciviessu čuovvu ain mehter gaska njuolggadusa vuordinlanjain, vaikko dat njuolggadus leage heaittihuvvon ja ollislaš boahkuhuvvon olbmot sáhttet leat seamma lanjas - nugo kantiinain- de mii ávžžuhit goitge čájehit doahttaleami nuppi nubbái. Sii geat eai leat boahkuhuvvon, dahje leat vuosttáš boahkkuma bijahan, fertejit ain doalahit mehtera gaska. 

Pasieantaguossástallan galgá ain šihttojuvvot seaŋgaovttadagain ovdagihtii, ja ossodagat jotket čállimis gussiid namaid vai njoammuma sáhttá čuovvut. Finnmárkku buohcciviessu álggaha guossástallanáiggiid, muhto árvvoštallojit sierra njuolggadusat sidjiide geain oapmahaččat fertejit leat fárus earenoamáš diliset geažil.

Dasa lassin álget  pasieanttaverddet fas doaimmahit bargguset, nu go dáhke ovdal go pandemiija bissehii sin doaimma.

Bassandoaimmat mat leat álggahuvvon vuollel koronapandemiija, jotkojuvvojit, seamma ládje go giehtabuhtisteapmi. 

Ii leat logahallan

Pasieanttaide, gussiide ja bargiide fuomášuvvo maid ahte goziheaddjit váldouvssain jávket, ja áibmoráidnenbohccit buohcciviesuide váldojuvvojit eret.

-Dát lea leamaš gelddolaš. Mii leat deaivan máŋggalágan olbmuid, eai leat ovtta lágan beaivvit leamaš, ja mii leat ollu oahppan go leat leamaš goziheaddjit, muitala Joakim Haugnes.

Haugnes lea goziheaddji Securitasas, ja sus lea máŋggat goziheaddji bargodiimmut leamaš Hámmárfeastta buohcciviesu váldouvssas.

- Mii geahččalit leat veahkkin pasieanttaide ja bargiide ja geahččalit veahkehit dakko gokko sáhttit. Mii čállit ja veahkehit čálihanautomáhtaiguin ja veahkehit sin gávdnat rievttes ossodagaid, muitala son.

Buoret bearráigeahčču

- Mu mielas lea dát leamaš hui buorre. Securitas ja earát geat leat searvan, leat nanu barggu bargan. Dat lea hástalus leamaš muhtomin, muhto dan áiggis go leat leamaš máŋggas buozanvuođas, de leat mii nagodan doalahit dohkálaš doaimma, dadjá doaibma- ja opmodatjođiheaddji Ole Martin Olsen Finnmárkku buohcciviesus. 

- Makkár erohusat bohtet šaddat Hámmárfeasttas, Girkonjárggas, Álttás ja Kárášjogas?

-Čakčamánu 1.beaivvi lea fas dábálaš doaibma. Nu guhká go mis lea dábálaš doaibma ja dilli, de beassá álbmot váccašit nu go dábálaččat min visttiin, ja dat lea rievtti mielde dat máid mii háliidat, dadjá son

Finnmárkku buohcciviessu lea maid mearridan joatkkit gozihanbálvalusain buohcciviesuin Hámmárfeasttas ja Girkonjárggas.

– Dát šaddá bistevaš bálvalus. Goziheaddjit galget gozihit sihkkarvuođa pasieanttaid ja bargiid gaskkas, ja sii galget maid áimmahuššat buot mii guoská buollimii ja sihkkarvuhtii, dadjá Ole Martin Olsen.