Diabetes tiipa 2, Hámmarfeasta

Kursa, 27.10.2016-28.10.2016, Oahppan ja hálddašeapmi, Hámmarfeasta

Hálddašankursa olbmuide geain lea diabetes tiipa 2

​Oahppofálaldat joavkkuide mii bistá guokte beaivvi. Lágideaddjin lea Oahppama ja hálddašeami guovddáš ja medisiinnalaš ossodat. Oapmahaččat leat buresboahtin searvat kursii.

Goas ja gos

Dáhton
27.10.2016-28.10.2016 
Diibmu
08:00-15:00 
Báiki
Hámmarfeastta buohcciviessu
  
Lágideaddji
Oahppan ja hálddašeapmi, Hámmarfeasta
 

Kurssat leat máŋgga fáttá birra:

  • Mii lea diabetes? Maid sáhtát ieš dahkat?
  • Jahkásaš iskkadeapmi?
  • Varrasohkarmihtideapmi - dárbbašlaš "bahá"? Maid dagat vástádusaiguin?
  • Lihkadeapmi
  • Vahágat mat bohtet maŋit áiggis
  • Borran go lea tiipa 2 diabetes
  • Tiipa 2 diabetesa dikšun (varrasohkar, BT ja kolesterola)
  • Árgabeaivi diabetesmovttiidemiin?

Kurssa fágaovddasvástideaddji lea medisiinnalaš ossodaga váldodoavttir ovttas diabetesbuohccidivššáriin, guhte maid lea oahpaheaddjin kurssas ovttas eará fágaolbmuiguin nu go doaktáriin, fysioterapevttain ja borramušfysiologain.

Mii fállat kursasaji fástadoaktára dahje buohcciviessodoaktára čujuheami vuođul. Váldde oktavuođa iežat doaktáriin ja bivdde ahte sáddejuvvo čujuheapmi.

Buohcciviessu sádde gohččuma juohkehažžii go kurssa lágideapmi lahkonišgoahtá.

Oahpahusfálaldat ollašuhttá gáibádusaid mat leat Pasieantavuoigatvuođalágas § 2-6, ja Buhcciidsáhtostallannjuolggadusaid (Syketransportforskriften) § 3b ja § 11d, namalassii ahte vuoigatvuođat leat seamma go dábálaš poliklinihkalaš doavtterkonsultašuvdna buohcciviesus.

Oassálastit fertejit máksit dábálaš iežasmávssu nu mo dahket doavtterkonsultašuvnnas ge. Iežasmáksu biddjojuvvo automáhtalaččat Iežasmáksokortii. 

Váldde áinnas oktavuođa
diabetesbuohccidivššáriin
Gunn Kristin Aftret Langvoll
T 78 42 14 45
oažžun dihte eanet dieđuid.

Birgit Klykken
OHG-koordináhtor Hámmarfeasta buohcciviessu
T 78 42 11 32 | Birgit.klykken@finnmarkssykehuset.no