Finnmárkku buohcciviesu veahkaváldindusten

Finnmárkku buohcciviesus lea veahkaváldindusten Girkonjárggas, Hámmárfeasttas ja Álttás. Dát lea fáhkka fáladat nuoraide geat leat badjel 14 jagi, muhto maiddái nissonolbmuide ja almmáiolbmuide geat maŋimuš vahkkui leat vásihan seksuálalaš illasteami, dahje viggamuš seksuálalaš illasteapmái. Dát fálaldat lea nuvttá ja politiijaváidda ii leat dárbbašlaš. Buot bargiin lea jávohisvuođabággu ja sii leat dáppe veahkehan dihte. Dusten lea buot gielddaide Finnmárkkus. 

Loga eanet Finnmárkku buohcciviesu veahkaváldindustema birra

Finnmárkku buohcciviesu veahkaváldindusten

Finnmárkku buohcciviesu veahkaváldindusten

Bargit main lea erenoamáš gelbbolašvuohta vuostáiváldet du go boađat veahkaváldindustemii. Don mearridat ieš jos háliidat olles dahje dušše oasi fálaldagas. Jos háliidat de oaččut váldit mielde muhtima.

 

Seksuála illasteapmi

Lea seksuála illasteapmi jos bággehalat seksuála ovttastallamii dahje viggamuš seksuála ovttastallamii. Leaš dal veahkaváldin, balddihahtti láhtten dahje jos don ledjet dilálašvuođas gos it sáhttán vuostálastit dáhpáhusa. Dát guoská beroškeahttá jos ledjet čielggus, gárremiin dahje oađđimin go veahkaváldin dáhpáhuvai.  

 

Dustehus fállá:

  • Ságastallama oadjebas birrasis
  • Medisiinnalaš iskkadeami ja divššu čielggadan dihte ahte it leat njommon, lápmašuvvon dahje áhpeheapme.
  • Riektemedisiinnalaš iskkadeami sihkkarastin dihte duođaštusaid, jos áigo váidit maŋŋá
  • Fáhkka heahtedilliráđđeaddin ja diehtojuohkin dábálaš reakšuvnnaide maŋŋá dáhpáhusa. Oaččut maid fálaldaga čuovvulanságastallamii
  • Veahkki váldit oktavuođa veahkkeadvokáhtain, vaikke it leat váidán ášši politiijaide. Dát lea nuvttá sidjiide geat lea vásihan veahkaváldima.
  • Veahkki váldit oktavuođa politiijaiguin jos dáhttu.

 

Dábálaš reakšuvnnat

  • Háliidit riššudit ja molssodit maŋŋá veahkaváldima, muhto dalle sáhttet dehálaš duođaštusat jávkat. Oza veahkki jođáneamos lágii mielde, vaikke leat riššudan.
  • Dus lea dárbu leahkit okto. Lea áddehahtti, muhto lea hui dehálaš háleštit muhtimin dáhpáhusa birra.
  • Máŋggas dovdet sivalašvuođa ja heahpu, muhto veahkaváldin lea dan olbmo ovddasvástádus gii dagai veahkaváldima.

Mánát ja nuorat

Jos mánát leat vásihan veahkaváldima, váldde oktavuođa politiijaiguin, doaktáriin dahje mánáid ja nuoraid alárbma sentrálain, nummar lea 116 111.

 

Veahkaválddálašvuohta sáhttá dáhpáhuvvat juohke ahkásaččaide ja sohkabeliide. Váldde oktavuođa!

 


Váldde oktavuođa

Gávdnet go dan maid ohcet?

​Eat vástit ruovttoluottadieđuide. Ále sádde persovnnalaš dieđuid, omd. e-boasta, telefovdnanummira dahje persovdnanummira.