Poliklinihkka
Dikšofálaldat
Ollesolbmuid psykiatriija poliklinihkka fállá árvvoštallama, čielggadusa ja divššu olbmuide geain leat psykalaš váttut, čujuhusa mielde man fástadoavttir dahje buohcciviesu doavttir lea čállán. Mii leat fálaldat olbmuide badjel 18 jagi.
Min dikšut leat psykiaterat/veahkkedoaktárat, psykiátralaš buohccidivššárat, klinalaš sosionomat/sosionomat ja psykologaspesialisttat/psykologat. Leat min klinalaš doarjjabargit geat leat min čállit ja lea dávjjimusat nu ahte lea singuin geainna oaččut oktavuođa go válddát minguin oktavuođa juogu min resepšuvnnas dahje riŋget midjiide.
Sisaváldinjoavku árvvoštallá buot čujuhusaid. Árvvoštallan dahkko pasieantavuoigatvuođalága mielde, sihke vuoigatvuođa ektui dearvvašvuođaveahkkái ja vuordináiggi ektui.
Erenoamáš dilit čujuhusaid oktavuođas
Čujuhusat sáddejuvvojit elektronalaččat dahje bábirohcamušain.
Olgguldas bagadallan/oahpahus
Mii addit bagadallama ovttasbargoguimmiide go jerrojuvvot, ja oahpahusa guoskevaš fáttáid ektui psykiatriijalaš váttisvuođačuolmmaid birra.
Čujuhanbagadalli
Fáhkkabuhcciid psykiatriija veahkkejoavku Áltá – FAPVE
FAPVE lea fálaldat mas lea johtilis árvvoštallan ja dikšu oanehis áiggi badjel pasieanttaide geain leat psykalaš váttut, vejolaččat ovttas gárrenváttisvuođaiguin, geat vásihit fáhkka vearráneami dahje fáhkka ođđa givssiid maid gieldda dearvvašvuođa- ja fuolahusbálvalus dahje eará oasit spesialistadearvvašvuođabálvalusas eai sáhte hálddašit.
FAPVE fállá veahki oanehis áiggi badjel, diagnosa bidjama, doarjaga ja divššu olbmuide iežaset ruovttubirrasis. Veahkkejoavku geahččala deaivvadit pasieanttain/oapmahaččain nu johtilit go vejolaš maŋŋá čujuheami, ja sáhttá, go lea dárbu, galledit pasieantta beaivválaččat.
Leat guokte psykiátralaš buohccidivššára olámuttos gaskal 08.00-15.30 vuossárggas bearjadahkii. Psykiater ii leat olámuttos dakkaviđe - sáhttá ádjánit bealle bargobeaivvi dahje ovtta bargobeaivvi oažžut oktavuođa spesialisttain.
Jándorossodat Áltá váldá badjelasas váktatelefovnna olggobealde rahpanáiggiid, dát guoská sihke FAPVE Áltái ja Hámmarfestii. Sii gaskkustit oktavuođa veahkkejoavkkuin boahtte árgabeaivvi.
Veahkkejoavku Álttás gokčá Láhpi, Ákŋoluovtta ja Álttá suohkana. Bargoáigemearrádusaid ja hástaleaddji geografiija geažil ii leat vejolaš boahtit Láhpái ja Ákŋoluktii 4 diimmu siste nu mo livčče sávahahtti. Dan mii buhtadat telefovdnaoktavuođain/telematihkkačoahkkimiiguin nannen dihte gieldda gelbbolašvuođa.