HELSENORGE
Velg språk

Veajuiduhttin, jándorovttadat

Fysikála medisiinna ja veajuiduhttima ovttadat (FMR) lea jándorovttadat mas leat guhtta seaŋgga. Ulbmiljoavku leat rávisolbmot, geain lea gáldnanvihki dahje geain leat váttut maŋŋá oaive- ja čielgeađavahága, geat dárbbašit fágaidrasttildeaddji ja ollislaš lahkoneami.

Loga eanet Veajuiduhttin, jándorovttadat

Veajuiduhttin, jándorovttadat

Jándorossodaga doaimmat leat earret eará

  • Kártet pasieanttaid fysalaš, psykalaš ja sosiála dili
  • Bidjat diagnosa
  • Dikšut
  • Bidjat fágaidrasttildeaddji veajuiduhttindoaibmabijuid johtui

Mii bargat lávga fágaid rástá ja ovttas pasieanttain ráhkaduvvo plána orrumii. FMR bidjá deattu dasa ahte galgá leat lagaš ovttasbargu pasieantta lagamušaiguin ja gielddalaš veahkkeapparáhtain.

Orrumat

Árvvoštallanorrun
Oanehis, eanemusat 14 beaivvi. Čielggadan dihte erenoamáš dárbbuid, árvvoštallat veajuiduhttinvejolašvuođaid jna.

Vuođđohabiliterenorrun
Sullii 4-8 vahkku, lea dan duohken makkár váttisvuođačuolbma lea. Veajuiduhttin árrat maŋŋá go lea vahágahtton. Dávjá deattuhuvvo fas lášmmodahttit funkšuvnnaid.

Sekundárahabiliterenorrun
Sullii 4-8 vahkku, lea dan duohken makkár váttisvuođačuolbma lea. Dá lea veajuiduhttinorrun guhká maŋŋá vahágahttima (vejolaččat jagi maŋŋá). Pasieanttas lea leamaš vahát muhttin áiggi, ja áinnas dáhttu veahkki vai sáhttá searvat dihto doaimmaide dahje bisuhit/fas álgit ođđa rollaiguin.

Ohcan / čujuheapmi

Olbmot geain leat máŋggabealat váttisvuođat ja geat dárbbašit fágaidrasttildeaddji lahkoneami, sáhttet ohcat iežaset doaktára bokte.
Čujuhus ferte boahtit doaktáris.
Ohcamat sáddejuvvojit ossodaga oktasaš sisaváldinjovkui.

Pasientii dieđut

Habiliteren ja veajuiduhttin Finnmárkku buohcciviesus

Veajuiduhttin, jándorovttadat

Pasienter og pleiere spiller boccia utendørs
 
 

Váldde oktavuođa

Biilaguođáhat

​Pasieanttaide ja gussiide lea nuvttá guođđit biilla guođáhahkii njuolga olggobealde buohcciviesu váldouvssa.

Busseáiggit Girkonjárga gávpotguovddáš

Vuordinsadji Kirkenes AMFI senter lea Girkonjárgga gávpotguovddážis, 2,5 kilomehtera buohcciviesus eret.

066 Girkonjárga - Várjjatvuonna - Deanu šaldi - Idjavuotna - Leavdnja - Leaibevuotna - Hámmarfeasta
110 Gávpotbusse Girkonjárga
111 Gierdoruvtto Girkonjárga - Hesseng - Guvžajávri
112 Gierdoruvtto Girkonjárga - Elvenes / Nuvvosguolbba

Busseáiggit Girkonjárgga buohcciviessu

Bussevuordinsadji lea njuolga váldouvssa olggobealde.

111 Gierdoruvtto Girkonjárga - Hesseng - Guvžajávri (juohke diibmobeali gaskal 07 – 17 árgabeivviid, dasto juohke diimmu dii. 23. rádjai)

064 Várggát - Čáhcesuolu - Várjjatvuonna - Deanu šaldi - Girkonjárga 110 Gávpotbusse Girkonjárga 112 Gierdoruvtto Girkonjárga - Elvenes / Nuvvosguolbba

Mátkkoštanvejolašvuođat ovdan ruoktut Girkonjárgga buohccivissui

Dáppe oainnát makkár mátkkoštanvejolašvuođat leat ovdan ruoktut Girkonjárgga buohccivissui

Pasieantamátkkošteamit

Váldonjuolggadus leat ahte du mátki ovdan ruoktut dikšui gokčojuvvo hálbbimus ruvttosáhtuin.

Eanet Finnmárkku Pasieantamátkkoštemiid birra

Geavatlaš dieđut

​Váktaortnet- čuorvvuhit báhpa

​Váktaortnet- čuorvvuhit báhpa

Mátta-Várjjaga báhpabálvalusas lea váktaortnet gos bargit Girkonjárgga buohcciviesus sáhttet riŋget báhppii, jos muhtin pasieanttas dahje oapmahaččas lea dárbu.

Báhpabálvalus sáhttá fállat:

  • Siellodivššu ja ságastallama
  •  Eahkedismállása
  • Gásta

Ja vel sierra liturgiijaid/ rohkosiid jápmima oktavuođas.

Telefovnna bokte dáhkko šiehtadus báhpain gosa ja goas guoskevaš galgá boahtit. Dábálaččat háliidat mii boahtit buohccevissui. Mii vuoruhat fálaldagaid maid ii sáhte maŋidit.

Telefovdnanummar maid sáhttá geavahit: 78 97 75 70 (searvegoddekantuvra sáhttá geavahit bargoáiggis- dii. 09.00-15.00) 413 74 234 (njuolgga báhppii) "


Apotehka

Leat guokte apotehka Girkonjárggas, okta gávpotguovddážis, ja okta Kirkenes Handelspark gávpeguovddážis.

Kioska / kaféa / vuordinlatnja

Lea kantiidna gurutbeale váldouvssa. Doppe fidnet oastit juoga borran láhkai ja dábálaš kioskagálvvuid. Doppe lea kaféabeavdi ja stuolut gosa sáhtát čohkkedit boradit, jugistit káfe dahje lohkat aviissaid. Doppe lea maid automáhta mas sáhttá oasttit borramuša ja juhkamuša go kantiidna ii leat rabas.

Rahpanáiggit

10:30 – 15:30   vuossárggas bearjadahkii

Lobiheapme borgguhit

Gurut guvlui buohcciviesu váldouvssas lea borgguhanvisttáš.

Guovllus muđui lea lobiheapme borgguhit, sihke siste ja olgun.

Neutrála eallinoaidnu seremoniijalatnja

Vuosttaš gearddis, bargiuskkádaga luhtte gávnnat buohcceviesu neutrála eallinoaidnu seremoniijalanja. Dán lanja sáhttet pasieanttat, oapmahaččat ja bargit geavahit beroškeahttá makkár eallinoaidnu dahje osku sis lea. Deike leat álo bures boahttin, beasat gávdnat ráfi. Buohkat sáhttet geavahit lanja.

Oppalaš kárta

​

Resepšuvdna


Resepšuvdna lea olgešguvlui áiddo siskkobealde váldouvssa.

Resepšuvnna rahpanáiggit

Vuossárggas duorastahkii
07:30 – 16:00

Bearjadaga:

07:30 – 15:30.  


Vuordinlatnja

Buohcciviesus leat máŋga vuogas vuordinlanja. Jeara bargiin gos lagamus vuordinlatnja lea. 

Doaibmaárvvoštallan maŋŋel go lea ožžon vuoiŋŋašvigi, sisačáliheapmi https://finnmarkssykehuset.no/sa/diksumat/doaibmaarvvostallan-mannel-go-lea-ozzon-vuoinnasvigi-sisacaliheapmi-Doaibmaárvvoštallan maŋŋel go lea ožžon vuoiŋŋašvigi, sisačáliheapmi D
Doaibmanárvvoštallan maŋŋelgo vuoiŋŋašvigi lea ožžonhttps://finnmarkssykehuset.no/sa/diksumat/doaibmanarvvostallan-mannelgo-vuoinnasvigi-lea-ozzonDoaibmanárvvoštallan maŋŋelgo vuoiŋŋašvigi lea ožžonD
Vuoiŋŋaščaskkástat- veajuiduhttin- sisačáliheapmi https://finnmarkssykehuset.no/sa/diksumat/hjerneslag-rehabilitering-innleggelseVuoiŋŋaščaskkástat- veajuiduhttin- sisačáliheapmi V

Gávdnet go dan maid ohcet?