Dikšu addo pasieanttaide medisiinnalaš ossodagas, kirurgiija/ortopediija ja riegádan/gynekologiija, fáhkkabuhcciid ossodagas ja veajuiduhttimis.

Fysioterapevttain leat lanjat vuosttaš gearddis ja ergoterapevttain goalmmát gearddis. Doppe leat mis kantuvrrat ja dikšunlanjat. Dasa lassin lea mis lášmmohallansála vuosttaš gearddis, ja hárjehallangievkkan kealláris gos ovdal lei kantiidna.

Terapevttaid bargu lea iskkadit ja dikšut pasieanttaid, árvvoštallat makkár veahkeneavvuid- ja heivehemiid sii dárbbašit, veahkehit diehtojuohkimiin ja bagadallat pasieanttaid ja oapmahaččaid, oahpahit studeanttaid ja eará dearvvašvuođabargiid, ja iešguđetge fágaovddidandoaimmaid.

Ovttadagas lea lagaš fágaidrasttildeaddji ovttasbargu doaktáriiguin, divššáriiguin ja eará buohcciviesu bargiiguin. Terapevttain lea maiddá oahpahus pasieanttaide ja oapmahaččaide Oahppama ja hálddašeami guovddážis.

Fysioterapiija, ergoterapiija ja biebman ovttadagas addit váldonjuolggadussan dikšofálaldaga čuovvovaš ulbmiljoavkkuide:

• Gáldnanvihki ja eará nevrologalaš váttut
  
• Traumáhtalaš oaiveváddu
• Váibmo- ja varrasuotnadávda
• Geahpesdávda
• Demeansa
• Borasdávda
• Lymfaødem
• Olbmot geat leat duođalaččat buohcamin ja jápmimin
• Njuoratmánát ja eatnit
• Ortopedalaš ja kirurgalaš pasieanttat
• Deahkke- ja dákteriggeváttut
• Intensiivapasieanttat

Giehtaváddopoliklinihkka

Mii fállat fágaidrasttildeaddji iskkademiid iešguđetge giehtaváttisvuođaid oktavuođas. Fálaldaga ulbmiljoavku lea váldonjuolggadussan pasieanttat geat leat čujuhuvvon kirurgalaš dahje medisiinnalaš poliklinihkkii, vahágiin dahje váttuin gieđas.
Fálaldat sisttisdoallá ahte ergoterapevta iskkada ja dikšu, dasa lassin gaskkusta dieđuid. Váldoulbmil lea nannet pasieantta vai nagoda iežas lášmmodahttit ja hehttet váttisvuođaid, spesialiserejuvvon čuovvoleami bokte.

Ergoterapevta čađaha čuovvovaš doaimmaid:

• Kognitiiva doaimmaid kárten ja lášmmodahttin
• Álkit ortosaid hábmen ja heiveheapmi ja giehtalášmmodahttinprográmma, sihke sisačálihuvvon ja poliklinihkalaš pasieanttaide.
• Árgabeaivvi doaimmaid kárten ja lášmmodahttin.
• Ruovttudilálašvuođaid kárten ja ergonomalaš heiveheapmi.
• Veahkkeneavvuid diŋgon, heiveheapmi ja hárjehallan daid geavahit.

Fysioterapevta čađaha čuovvovaš doaimmaid:

• Iskkadeapmi ja dikšu pasieanttain geain lea gáldnanvihki, oaiveváddu, Parkinson dávda, MS ja eará nevrologalaš váttut.
• Iskkadeapmi ja dikšu maŋŋá čibbe- ja spiralgoanstalahttuoperašuvnna.
• Diehtojuohkin ja lášmmodahttin pasieanttaide geain lea váibmodohppehat/leamaš váibmooperašuvdna.
• Geahpesfysioterapiija.
• Diehtojuohkin mánnáoažžuma oktavuođas.
• Njuorasmánáid dikšun geain lea earret eará šlubbojuolgi, torticollis ja plexus brachialiváddu.
• Bagadallan borasdávdda oktavuođas, bávččasdikšu ja lymfaødemdikšu.
• Intensiivaovttadaga pasieanttaid juolggušteapmi ja lášmmodahttin.
• Palliatiiva dikšu.

Pasientii dieđut