Maid dahkat mii?
Sisaváldinjoavku árvvoštallá buot čujuhusaid. Čujuhusat árvvoštallojuvvojit pasieantavuoigatvuođalága mielde, sihke dearvvašvuođaveahki vuoigatvuođa ja vuordináiggi ektui.
Earret doaimmaid mat mis leat árvvoštallamiin, čielggademiiguin ja divššuin leat mis fásta ovttasbargočoahkkimat buot gielddaiguin ja mii johtit maidda gielddaide go pasieantadoaimmaid dáfus lea dárbu. Mii addit bagadallama, konsultašuvnnaid ja oahpahusa gielddaid fágabargiide. Joavkodoaibma bidjá vuođu čielggadussii ja dikšui.
Mii leat plánemin joavkku njuoratmánáide ja smávvamánáide
Min sisaváldinguovlu leat čuovvovaš gielddat: Bearalváhki, Báhcavuotna, Várggát, Čáhcesuolu ja Mátta-Várjjat.
Doaibmabijut maid MNP geavaha
- Johtti joavku mánáide ahkejoavkkus 0 - 14 geavahuvvo go lea dárbu dikšui ruovttus dahje skuvllas. Joavkku sisaváldinguovlu lea Nuorta-Finnmárku. Joavku lea Deanus.
- Prošeakta: Johtti Fágaidrasttildeaddji Nuoraidjoavku (JFN) nuoraide ahkejoavkkus 15 - 30 jagi. Ovttasdoaibmanprošeakta gaskal GPG Gaska-Finnmárkku ja gielddaid Mátta-Várjjat, Deatnu ja Várggát. JFN bargá nuoraiguin geain leat gárrendilleváttisvuođat ja duođalaš psykiátralaš dávda ja geat dárbbašit koordinerejuvvon bálvalusaid. Prošeakta ulbmilin lea ovdánahttit modeallaid ovttasdoaibmamii gaskal geavaheaddji, gieldda ja spesialistadearvvašvuođabálvalusa.
Pasieanta sirdojuvvo MNP:s dahje RPP:s go dakkár bálvalus árvvoštallojuvvo leat ulbmillaš. JFN lea Girkonjárgga buohcciviesus.
Bargit MNP:s
Dikšut/terapevttat bohtet čuovvovaš fágasurggiin: Psykologa/psykologaspesialista, klinalaš pedagoga, erenoamášpedagoga, mánáidpsykiater, mánáidsuodjaluspedagoga, sosionoma/klinalaš sosionoma.
Erenoamáš dilit čujuhusaid oktavuođas
Čujuhus čállojuvvo ain sierra skoviide mat leat ráhkaduvvon MNP-čujuhusaide dahje reivii mas leat dieđut mat vástidit dasa mii jerrojuvvo MNP-skovis.