Maid mii dahkat
Min geográfalaš sisaváldinguovlu leat čuovvovaš 7 gieldda Nuorta-Finnmárkkus: Deatnu, Unjárga, Báhcavuotna, Bearalváhki, Várggát, Čáhcesuolu ja Mátta-Várjjat. Mis lea lagaš oktavuohta eará ovttadagaiguin GPG:s (Girkonjárgga RPP, Deanu RPP ja MNP Girkonjárga), ja lagaš ovttasbargu UNN Dábálašpsykiátralaš ossodagain Romssas, mas lea fáhkkapsykiátralaš ovddasvástádus buohcciviesu dásis Finnmárkkus ja Romssa fylkkas.
Jándorovttadat lea dohkkehuvvon eaktodáhtolaš dikšui Psykalaš dearvvašvuođasuddjema lága mielde, muhto váldá vuostá pasieanttaid geain lea bággomearrádus "Bággejuvvon psykalaš dearvvašvuođasuddjen Jándororruma haga" mas Dábálaš psykiátralašossodagas Romssas lea mearrádusovddasvástádus.
Jándorovttadagas lea birasterapevttalaš jurddašanvuohki mas lea lihkadeapmi ja árgabeaivvedoaimmat guovddážin. Mii bargat individuála dikšoplánaid mielde, ja stuorra oassi min barggus lea kognitiiva vugiid mielde, sihke individuálaterapiijas ja joavkodivššus. Bargiin lea gelbbolašvuohta earret eará čuovvovaš surggiin: kognitiiva terapiija, bearaš- ja fierpmádatterapiija, gárrendillegelbbolašvuohta, geriatriija, borranváttut jna.
Divššut maid čađahat leat ovdamearkka dihte:
- Stabiliseren/vearráneami eastadeapmi/dikšut lossamiellaváttuid, garra balu, bipolára gillámušaid, bággováttuid, psykosaváttuid, kronalaš schizofreniija.
- Duppaldiagnosaid, gárrendilleváttisvuođaid, borranváttuid ja persovnnalašvuođa spiehkastemiid dikšun.
- Heahtedillesisačáliheamit, fáhkkaveahkkesisačáliheamit maid sáhttá váldit GPG dásis. Duođalaš/fáhkka suicidála olbmot geat dárbbašit áicojuvvot bistevaččat dikšojuvvojit Dábálaš psykiátralašossodagas Romssas.
- Dálkkasárvvoštallamat: sisačáliheapmi ja áican go álggaha dahje rievdada psykofarmakadivššu.
- Diagnosalaš árvvoštallamat ja čielggadusat.
- Čielggadusat, earret eará doaibmadásis.
Ovdasuddjen ja joatkkadikšu
Jándorovttadagas leat doaimmat ovttas gielddaiguin ovdasuddjema ja joatkkadivššu dáfus maŋŋá go lea olggosčálihuvvon. Mii leat mielde ovddasvástádusjoavkkuin, ja leat searvvis individuála plánaid hábmemis.
Erenoamáš dilit čujuhusaid oktavuođas
Mii váldit vuostá čujuhemiid gielddain (álgovuolggalaččat doaktáris, muhto maiddá buohccidivššárdásis), UNN Dábálašpsykiátralaš ossodagas (dikšogierdu gielddaid dáfus), eará ovttadagain GPG:s (RPP go poliklinihkalaš dikšu ii leat doarvái), giddagasas ja eará GPG:in.