HELSENORGE
Velg språk

Girkonjárgga RPP

Girkonjárgga Rávisolbmuid psykiatriija poliklinihkka fállá árvvoštallama, čielggadusa ja divššu olbmuide badjel 18 jagi geain leat psykalaš váttut, čujuhusa mielde man leat ožžon fástadoaktáris dahje doaktáris buohcciviesus, ja addet psykiátralaš geahču pasieanttaide geat leat sisačálihuvvon Girkonjárgga buohccivissui, čujuhusa mielde man leat ožžon ossodagain buohcciviesus.

Loga eanet Girkonjárgga RPP

Girkonjárgga RPP

Maid dahkat mii?

Min dikšut leat psykiaterat, doaktárat, psykiátralaš buohccidivššárat, klinalaš sosionomat/sosionomat ja psykologat. Álgovuolggalaččat fállet sii individuála terapiija. Poliklinihkka jođiha maiddá joavkkuid gos dikšot váttisvuođaid aggrešuvnnain/suhtuin ja borranváttisvuođaid. Borranváttisvuođaid joavkku oktavuođas lea mis ovttasbargu Borramušfysiologain Girkonjárgga buohcciviesus. Mis lea rumašterapiijafálaldat man jođihat Rosenvuogi mielde.

Sisaváldinjoavku árvvoštallá buot čujuhusaid. Árvvoštallan dahkko pasieantavuoigatvuođalága mielde, sihke dearvvašvuođaveahki vuoigatvuođa ja vuordináiggi ektui.

Poliklinihka sisaváldinguovlu leat čuovvovaš gielddat: Čáhcesuolu, Várggát ja Mátta-Várjjat

Mis lea sámegielat terapevta ja merkantiila bargi.

Olgguldas bagadallan/oahpahus

Mii addit bagadallama ovttasbargoguimmiide, ja oahpahusa guoskevaš fáttáid ektui psykiatriijalaš váttisvuođačuolmmaid birra.

Erenoamáš dilit čujuhusaid oktavuođas

Čujuhus sáhttá sáddejuvvot elektronalaččat dahje bábirohcamušain.

Váldde oktavuođa

Biilaguođáhat

​Pasieanttaide ja gussiide lea nuvttá guođđit biilla guođáhahkii njuolga olggobealde buohcciviesu váldouvssa.

Busseáiggit Girkonjárga gávpotguovddáš

Vuordinsadji Kirkenes AMFI senter lea Girkonjárgga gávpotguovddážis, 2,5 kilomehtera buohcciviesus eret.

066 Girkonjárga - Várjjatvuonna - Deanu šaldi - Idjavuotna - Leavdnja - Leaibevuotna - Hámmarfeasta
110 Gávpotbusse Girkonjárga
111 Gierdoruvtto Girkonjárga - Hesseng - Guvžajávri
112 Gierdoruvtto Girkonjárga - Elvenes / Nuvvosguolbba

Busseáiggit Girkonjárgga buohcciviessu

Bussevuordinsadji lea njuolga váldouvssa olggobealde.

111 Gierdoruvtto Girkonjárga - Hesseng - Guvžajávri (juohke diibmobeali gaskal 07 – 17 árgabeivviid, dasto juohke diimmu dii. 23. rádjai)

064 Várggát - Čáhcesuolu - Várjjatvuonna - Deanu šaldi - Girkonjárga 110 Gávpotbusse Girkonjárga 112 Gierdoruvtto Girkonjárga - Elvenes / Nuvvosguolbba

Mátkkoštanvejolašvuođat ovdan ruoktut Girkonjárgga buohccivissui

Dáppe oainnát makkár mátkkoštanvejolašvuođat leat ovdan ruoktut Girkonjárgga buohccivissui

Pasieantamátkkošteamit

Váldonjuolggadus leat ahte du mátki ovdan ruoktut dikšui gokčojuvvo hálbbimus ruvttosáhtuin.

Eanet Finnmárkku Pasieantamátkkoštemiid birra

Geavatlaš dieđut

​Váktaortnet- čuorvvuhit báhpa

​Váktaortnet- čuorvvuhit báhpa

Mátta-Várjjaga báhpabálvalusas lea váktaortnet gos bargit Girkonjárgga buohcciviesus sáhttet riŋget báhppii, jos muhtin pasieanttas dahje oapmahaččas lea dárbu.

Báhpabálvalus sáhttá fállat:

  • Siellodivššu ja ságastallama
  •  Eahkedismállása
  • Gásta

Ja vel sierra liturgiijaid/ rohkosiid jápmima oktavuođas.

Telefovnna bokte dáhkko šiehtadus báhpain gosa ja goas guoskevaš galgá boahtit. Dábálaččat háliidat mii boahtit buohccevissui. Mii vuoruhat fálaldagaid maid ii sáhte maŋidit.

Telefovdnanummar maid sáhttá geavahit: 78 97 75 70 (searvegoddekantuvra sáhttá geavahit bargoáiggis- dii. 09.00-15.00) 413 74 234 (njuolgga báhppii) "


Apotehka

Leat guokte apotehka Girkonjárggas, okta gávpotguovddážis, ja okta Kirkenes Handelspark gávpeguovddážis.

Kioska / kaféa / vuordinlatnja

Lea kantiidna gurutbeale váldouvssa. Doppe fidnet oastit juoga borran láhkai ja dábálaš kioskagálvvuid. Doppe lea kaféabeavdi ja stuolut gosa sáhtát čohkkedit boradit, jugistit káfe dahje lohkat aviissaid. Doppe lea maid automáhta mas sáhttá oasttit borramuša ja juhkamuša go kantiidna ii leat rabas.

Rahpanáiggit

10:30 – 15:30   vuossárggas bearjadahkii

Lobiheapme borgguhit

Gurut guvlui buohcciviesu váldouvssas lea borgguhanvisttáš.

Guovllus muđui lea lobiheapme borgguhit, sihke siste ja olgun.

Neutrála eallinoaidnu seremoniijalatnja

Vuosttaš gearddis, bargiuskkádaga luhtte gávnnat buohcceviesu neutrála eallinoaidnu seremoniijalanja. Dán lanja sáhttet pasieanttat, oapmahaččat ja bargit geavahit beroškeahttá makkár eallinoaidnu dahje osku sis lea. Deike leat álo bures boahttin, beasat gávdnat ráfi. Buohkat sáhttet geavahit lanja.

Oppalaš kárta

​

Gávdnet go dan maid ohcet?