Maid mii dahkat:
Poliklinihkka fállá veahki pasieanttaide badjel 18 jagi. Poliklinihkas lea ovddasvástádus addit fálaldagaid rávisolbmuide čuovvovaš gielddain Nuorta Finnmárkkus: Deatnu, Unjárga, Bearalváhki, Báhcavuotna ja Čáhcesuolu. (Girkonjárgga RPP:s ja Deanu RPP:S lea juhkkojuvvon ovddasvástádus Čáhcesullui).
RPP lea fálaldat rávisolbmuide geat dárbbašit veahki psykalaš givssiide, nu mo:
- Traumat, garra ballu, lossamiella ja bággováttut
- Borranváttut
- Persovnnalašvuođa spiehkasteamit
- Psykosaváttut
- Gárrengeavahanváttisvuođat ja earálágan darvánemiid váttut
Poliklinihka addá maiddá bagadallama ovttasbargoguimmiide go jerrojuvvo, ja oahpahusa guoskevaš fáttáid ektui psykiatriijalaš váttisvuođačuolmmaid birra.
Poliklinihkas ja FAPVE:s leat sámegielat terapevttat
Fáhkkabuhcciid psykiatriija veahkkejoavku Nuorta-Finnmárku – FAPVE
Johtti Fáhkkabuhcciid veahkkejoavku rávisolbmuide lea ovttadat mii gullá spesialistadearvvašvuođabálvalussii ja mii galgá dagahit ahte oažžu johtilis árvvoštallama veahkkedárbbus fáhkka psykalaš heahtedilis, johtilis juolggušteami olbmo fierpmádagas ja johtilis juolggušteami dikšofierpmádagas. Dehálaš doaibma lea veahkehit pasieantta vai son joavdá rivttes báikái rivttes áigái. Dikšu ja árvvoštallan sáhttá fállojuvvot pasieantta iežas ruovttus ja birrasis.
Ulbmiljoavkkus leat olbmot geain leat psykalaš váttut, leat badjel 18 jagi ja gullet min sisaváldingielddaide (Bearalváhki, Báhcavuotna, Deatnu, Unjárga, Várggát, Čáhcesuolu, Mátta-Várjjat)
Veahkkejoavkku bargiin lea iešguđetlágan fágalaš duogáš, bargit leat Deanus ja Girkonjárggas.
Galgá váldit oktavuođa veahkkejoavkkuin telefovnna bokte Deanu RPP:s rahpanáiggis - geahča dás vuolábealde.
Erenoamáš dilit čujuhusaid oktavuođas
Čujuhus galgá mannat doaktára bokte ja sáddejuvvot elektronalaččat dahje bábirohcamušain. Čujuhusat árvvoštallojuvvojit sisaváldinčoahkkimis. Árvvoštallan dahkko pasieantavuoigatvuođalága mielde, sihke dearvvašvuođaveahki vuoigatvuođa ja vuordináiggi ektui.