Fásta fálaldagat

Sismedisiidna

Sismedisiinna bistevaš váldodoavttir, Marit Heger. Gelbbolašvuohta váibmodávddain ja čoavji-čoalli.

Røntgen 

Beaivit váldo dákterigge- ja geahpesrøntgen. Rádiográfa čađaha iskkademiid ja sádde govaid digitálalaččat røntgenii Hámmarfestii. Doppe leat rádiologat geat dulkojit ja bidjet diagnosa røntgengovaide. Røntgen váldá maid vuostá fáhkkaveahkkepasieanttaid gielddalaš doavttirfávttas beaivit.

Dábálašdoaktárat/fástadoaktárat sáddejit buot røntgenčujuhusaid Klinihkka Hámmarfeastta røntgenossodahkii. Sii bidjet diimmu ja sáddejit gohččunreive pasieanttaide geat galget váldit røntgena Álttás.

Liikeváttut 

Čuovgadikšu: Pasieanttat váldojuvvojit vuostá beaivit juohke beaivvi. Liikespesialista čállá rekvisišuvnna čuovgadikšui. Lea fálaldat pasieanttaide geain leat kronalaš liikeváttut.

• Fállojuvvo UVA ja UVB/universála ja guovlludikšu
• PUVA – dikšu (lávgun + čuovga, vejolaččat tableahtat + čuovga)
• Liiketeasttat - epi teasta + čuokkisiskos
• Hávvedikšu

Dialysadikšu

Dáhpáhuvvá buhcciidsiidda lanjain.

Čalbmevuođđogovvideapmi

Diabetespasieanttaid iskkadeapmi ovttas UNN:in.

Jorttamovra 

Jorttamovra lea virgáduvvon 20 % virggis. Sus leat fálaldagat áhpehemiide ja čađaha screening:id ovttas Klinihkka Hámmarfeastta gynekologaiguin.

Infušovdnadikšu

MS-pasieanttaide, liikepasieanttaide, pasieanttaide geain leat leasmedávddat ja čoavje-/čoallepasieanttaide.

Borramušfysiologa

guokte beaivvi vahkus.

Gulloguovddáš gos lea audiográfa

Gulu čielggadeapmi ja gulloapparáhta heiveheapmi/čuovvoleapmi.

Šiehtadusspesialisttat

Gynekologa - Susanne Woerner

Johtti spesialisttat

(Spesialisttat guđet jeavddalaččat dikšot pasieanttaid eará dikšobáikkis go doppe gos sii dábálaččat barget, gohčoduvvojit johtti spesialistan.)

Kirurgat 

Kirurgat čielggadit, dikšot ja čađahit čuovvolandárkkistemiid ja čuovvolit pasieanttaid geat leat dikšojuvvon kirurgalaččat buohcciviesus. Kirurgain lea poliklinihkka gaskamearalaččat 2 beaivvi mánus.

Dahkkojuvvojit gastroskopiijat ja colonskopiijat, cystoskopiijat, albmáid steriliseren ja smávvakirurgalaš čuohpadeamit mat dahkkojit guovllujámálgahttimiin.

Ortopeda

Ortopeda čielggada, dikšu ja čađaha čuovvolandárkkistemiid ja čuovvola pasieanttaid geat leat čuohpaduvvon buohcciviesus. Ortopedas lea poliklinihkka 6 beaivvi mánus.

Dahkko artroskopalaš kirurgiija guovllujámálgahttimiin 3 beaivvi mánus. Maŋŋá čuohpadeami veallá pasieanta 2 diimmu ossodagas ovdal vuolgá ruoktut.

Gynekologat

Gynekologat čielggadit, dikšot, čuovvolit áhpehemiid ja čađahit čuovvolandárkkistemiid ja čuovvolit pasieanttaid geat leat ožžon divššu buohcciviesus. Gynekologain lea fásta poliklinihkka juohke maŋŋebárgga. Lea lagaš ovttasbargu gaskal gynekologaid ja jorttamovrra guhte bargá poliklinihkas.

Mánáiddoaktárat

Mánáiddoaktárat čielggadit, čujuhit viidásat ja čuovvolit pasieanttaid geat leat ožžon divššu buohcciviesus. Mánáiddoaktáriin lea poliklinihkka dáppe 2 beaivvi mánus ja sáhttet čađahit iešguđetge allergiijaiskosiid ja dahkat spirometriija stuorát mánáin.

Allergologa

Allergologa čuovvola vuosttamužžan pasieanttaid geain lea allergiijalaš váddu man dovdá. Dahkkojuvvojit iešguđetge iskosat vuođđun viidásat dálkkaslaš dikšui. E.e. spirometriija.

Allergologas leat dábálaččat 2 poliklinihkkabeaivvi jahkebealis.

Liikedoavttir

Liikedoavttir čielggada, dikšu dálkkaslaččat ja kirurgalaččat ja čuovvola pasieanttaid geat leat ožžon divššu UNN:s. Liikedoaktáris lea lagaš čuovvoleapmi pasieanttaide geain lea kronalaš liikeváddu ja fásta poliklinihkka juohke gaskavahkku. Áigodagain leat sii dáppe 2 beaivvi vahkkus.

Liikedoaktáris lea lagaš oktavuohta buohccidivššáriiguin go čuovvolit pasieanttaid geat ožžot čuovgadivššu. Dat seamma buohccidivššárat leat liikedoaktárii veahkkin smávvakirurgalaš čuohpademiid oktavuođas ja čađahit iešguđetge liikeiskosiid. Epi-iskos ja čuokkisiskos.

Čalbmedoavttir

Čalbmedoavttir čielggada, dikšu ja čuovvola pasieanttaid geain leat kronalaš čalbmeváttut. Čalbmedoavttir čuovvola pasieanttaid geat leat čuohpaduvvon UNN:s. Čalbmedoaktáris leat gaskamearalaččat 3 poliklinihkkabeaivvi mánnosaččat.

Nevrologa

Nevrologa čielggada ja čuovvola pasieanttaid geain leat kronalaš váttut.
Nevrologas lea 4 beaivvi poliklinihkka sullii 5 gearddi jagis.

Nefrologa

Nefrologa čuovvola pasieanttaid geain leat kronalaš monimušváttut. Nefrologas lea poliklinihkka 1 beaivvi mánus.

Geahpesdoavttir

Geahpesdoavttir čielggada, dikšu ja čuovvola pasieanttaid geain leat kronalaš geahpesváttut. Geahpesdoaktáris leat fásta bargobeaivvi Álttás juohke vuossárgga.