Borasdávdapoliklinihkka galgá leat fálaldat sisačálihuvvon ja poliklinihkalaš pasieanttaide Hámmarfeastta buohcciviesus.
Min doaibma lea eanaš hálddašit cytostatika (seallamirkko). Mii addit cytostatika buotlágan borasdávddaide, namalassii medisiinnalaš, kirurgalaš ja gynekologalaš borasdávdadiagnosaide.
Dasa lassin go addit cytostatikadivššu de addit mii ráđiid ja bagadallama givssiid ja dávdamearkkaid birra mat sáhttet boahtit borasdávddain. Sáhttá leat váibmogákkáhat, bákčasat, maid borrat, jna, dahje eará liigeváikkuhusat suonjar- dahje cytostatikadivššu oktavuođas. Jus pasieanta dárbbaša vara dahje intravenøs golgidivššu, de mii sáhttit addit dan poliklinihkalaččat.
Mii addit dieđuid veahkkeapparáhta, doarjjaortnegiid ja vuoigatvuođaid birra mat pasieanttas leat.
Mii fállat maiddá individuála ságastallamiid ja ságastallamiid pasieanttain ja oapmahaččain.
Pasieanttat geat ožžot divššu mii bistá máŋgga beaivvi eai dárbbaš čálihuvvot sisa ossodagaide, muhto ožžot fálaldaga orrut pasieantahoteallas mii lea seamma gearddis go borasdávdapoliklinihkka.
Borasdávdapoliklinihkas lea borasdávddadivššu čielggadeami koordináhtor. Čielggadeami koordináhtor dovdá buohcciviesuid fálaldagaid borasdávdapasieanttaide ja sihkkarastá ahte pasieanttat ožžot buori medisiinnalaš fálaldaga borasdávdda čielggadussii ja dikšui, daid áigerámmaid siskkobealde maid eiseválddit leat bidjan.
Čielggadeami koordináhtorat leat olámuttus pasieanttaide, fástadoaktáriidda ja buohcciviesu bargiide.
Borasdávdda čielggadanáigodat