Røntgen – rádiologiija, Hámmarfeasta

Røntgenossodat čađaha buot dábálaš røntgeniskkademiid dákterikkis, geahppáin, čoavjjis/čoliin, gužžajohtasiin, ja MR-iskkademiid.

Loga eanet Røntgen – rádiologiija, Hámmarfeasta

Røntgen – rádiologiija, Hámmarfeasta

Čađahuvvo ultrajietna, CT ja dasa lassin dahkkojuvvojit ultrajietnabagadalli biopsiijat ja punkšovnnat. 

Mis lea čađačuovganrøntgen nefrostomiijaide, rtg colon, rtg øsofagus, birasčoallerøntgen ja eará čađačuovganiskkadeamit.

Ossodat čađaha maiddá MR-iskkademiid, dábálepmosit nevroiskkademiid oaivvis ja columnas, ja deahkke-/dákteriggeiskkademiid.

Mii čađahat maiddá MRCP, eará iskkadeamit thoraxas ja abdominála orgánain eai dahkko dáppe.

Mii eat čađat mammografiija, dat čađahuvvo Čižžediagnosalaš guovddážis UNN:s.

Mis lea rádiologa geas lea subspesialiseren mánáidrádiologiijas.

Dábálaš røntgeniskkadeamit thoraxas ja dákterikkis fállojuvvojit maiddá Álttá spesialistadoavttirguovddážis ja Kárášjoga spesialistadoavttirguovddážis. Govat sáddejuvvojit elektronalaččat Hámmarfeastta røntgenossodahkii gos rádiologat guorahallet daid.

Soames álkes dákteriggeiskkademiid ja rtg thorax sáhttá váldit drop-in-diibmun, mearkkaša ahte pasieanta sáhttá boahtit čujuhusain njuolga røntgenii sihke Hámmarfeasttas ja Álttás go lea rabas.

Rahpanáiggit:

Árgabeivviid 07:30 – 15:00

Rádiográfa lea sajis 22:00 rádjai árgabeivviid ja lávvardagaid 08 – 16, sotnabeivviid 09 – 17.

Rádiologafákta lea sajis 16:30 rádjai árgabeivviid ja 08 – 12 lávvardagaid.

Eará rahpanáiggit go leat basit ja geassi.

Váldde oktavuođa

deaivvadanbáiki
Røntgen 2. gearddis NØ soajás.
Telefovdna
Røntgen: 78 42 11 52 | MR-iskkademiide: 78 42 11 59
vuossárga - bearjadat 08 – 10 ja 12 – 13
Boastačujuhus
Finnmarkssykehuset
Radiologi
Sykehusveien 35
9601 Hammerfest
Hámmarfeastta buohcciviessu
Galledanadreassa
Sykehusveien 35(Google maps)
9601 Hammerfest
Galledanáiggit
vuossárga - bearjadat 06 – 22
lávvardat - sotnabeaivi 07:30 – 22
Fáhkkabuhcciid ossodat lea rabas birra jándora
Telefovdna
78 42 10 00

Busseáiggit Hámmarfeastta buohcciviessu

​Busse johtá gaskal buohcciviesu váldouvssa ja Hámmarfeastta leaktofanaskáija gávpotguovddážis, dat korrespondere VargsundXpressen:in mii johtá ovdan ruoktut Áltái vuossárggas bearjadahkii.
Joavdá Hámmarfeastta buohccivissui sullii 08:40
Vuolgga buohcciviesus dii. 16:15

Vuordinsadji Fuglenes luoddaearru lea sullii 300 mehter buohcciviesus

130 Bybuss Hammerfest
(ii guoskka geassemánnu 20. b - borgemánnu 20. b)
130 Bybuss Hammerfest
(geasset geassemánnu 20. b - borgemánnu 20. b)
132 Ringrute Strømsnes - Hammerfest - Forsøl

Busseáiggit Hámmarfeastta gávpotguovddáš

Fanasruvttot Hámmarfeastta gávpotguovddážis

Hámmarfeastta leaktofanaskáija lea Hámmarfeastta gávpotguovddážis, 2,5 kilomehtera Hámmarfeastta buohcciviesus eret.

330 VargsundXpressen Áltá - Hámmarfeasta - Áltá 350 MåsøyXpressen 380 SørøysundXpressen

FUOM! Geaidnobarggut Skáiddis

​Dál leat geaidnobarggut gaskal Skáiddi ja Fálesnuori, dat sáhttet dagahit ahte johtolat maŋŋona. Jus áiggut dán gaskka meattá johtit go leat jođus Hámmarfeastta buohccivissui, de berret rehkenastit liige diibmobeali mátkkoštanáigin vai leat sihkkar ahte joavddát diibmui buohccivissui.

Hámmárfeasta buohcciviesu parkerenbáiki

Buohkat geat bisánit buohcciviesuguvlui galget parkeret galbejuvvon bisánansajiide.

Haddi kr. 18,- jándoris – Tákstajoavku 8802

Mátkkoštanvejolašvuođat Hámmarfeastta buohccivissui ja buohcciviesus

Pasieantamátkkošteamit

Váldonjuolggadus leat ahte du mátki ovdan ruoktut dikšui gokčojuvvo hálbbimus ruvttosáhtuin.

Eanet Finnmárkku Pasieantamátkkoštemiid birra

Geavatlaš dieđut

Báhppabálvalus

 

Hámmarfeastta buohcciviesus lea iežas báhppa. Báhppabálvalus lea fálaldat pasieanttaide, oapmahaččaide ja bargiide. Buohcciviessobáhpa namma lea Karen Lorentzen. Buohcciviesus lea maiddá šiehtadus gávpoga báhpaiguin. Sii sáhttet gohččojuvvot bálvalusaide maiguin ii sáhte vuordi, go buohcciviessobáhppa ii leat buohcciviesus.

Ságastallan

Buozalmasvuohta ja eahpesihkkarvuohta dearvvašvuođa ja iežas boahtteáiggi dáfus guoskkaha čiekŋalis ja vuđolaš eallinárvvuid mis. Ii leat eaktun ahte galgá leat ovttaoaivilis girku oskuin deaivvadan dihte báhpain. Ságastallama vuolggasadji sáhttá leat ahte don dárbbašat soapmása guhte sáhttá guldalit, go don leat váttis eallindilis, go háliidat juogadit áššiid mat dus leat váimmu lahka. Báhppa galgá diktit ságastallama ovdánit ságastallanguoimmi eavttuid mielde. Báhpas lea jávohisvuođageasku, ja ságastallan ii muitaluvvo viidásat geasage, iige čállo journálaide.

Pasieanttat guđet gullet eará oskkuide dahje eallinoainnuide go Norgga Girku galget oažžut oktavuođa iežaset servodagain go sii dan dáhttot.
Báhppabálvalus sáhttá veahkehit gaskkustit oktavuođa.

Sáhttá váldit oktavuođa buohcciviessobáhpain telefovnna bokte, tlf 78 42 12 88 / 911 82 776

Eanet buohcciviessobáhpa birra

Ii lohpi speallat Pokémon Go

 

Vuhtiiváldin dihte pasieanttaid, bargiid ja gearggusvuođavuojániid ii leat lohpi speallat Pokémon Go buohcciviesu guovllus.

Jođaskeahtes fierpmádat

Sáhtát logget sisa jođaskeahtes fierpmádahkii buot Finnmárkku buohcciviesu dikšobáikkiin.

Fierpmádaga namma: HN-GJEST

It dárbbaš čállit beassansáni

Kaféa

 

Kaféa lea buohcciviesu vuođđogearddis lullioarjji bealde. Dáppe sáhtát návddašit gávpoga buoremus várddu Sállannuorrái dan botta go návddašat káfekohpaža, váffela dahje mállása. Leat dieđusge buresboahtin vaikke vel it oasttege maidige borran- dahje juhkanláhkai.

Kaféa lea álo rabas.

Borramuš guossuhuvvo

Árgabeivviid
08:00 – 13:30

Lávvardagaid, sotnabeivviid ja bassebeivviid
11:45 – 12:30 

Kapealla - jaskes latnja

 

Dán lanja sáhttet pasieanttat, oapmahaččat ja bargit geavahit. Don leat buresboahtin deike, lea álo rabas. Dáppe sáhtát gávdnat ráfi jurddašit. Sáhtát cahkkehit gintala, lohkat ja rohkadallat. Kapeallas lea buorre piano ja cd-čuojanas. Lanjas mii lea olggobealde lea gullevaš girjjálašvuohta, sálbmagirjjit ja biibalat.

Kapealla lea rabas buohkaide, beroškeahttá oskkus dahje eallinoainnus.

Kapealla lea buohcciviesu vuođđogearddis, gurutguvlui go leat vázzán kaféa meattá. Čuovu galbbaid.​

Kioska

Buohcciviesu váldofeaskáris lea Narvesen kioska. Dáppe fidnet oastit dábálaš kioskagálvvuid, ja iešguđetge dárbbašlaš dávviriid nu go bátnekustta, sisbiktasiid jna. - ja dieđusge vaikke guđelágan lohkamušaid. 

Rahpanáiggit

Vuossárggas – bearjadahkii
07:30 – 20:00
Lávvardaga
10:00 – 17:00
Sotnabeaivvi
11:00 – 17:00

Lobiheapme borgguhit

​Lea borgguhanvisttáš nurkkis nuortta bealde buohcciviesu váldouvssa.

Guovllus muđui lea lobiheapme borgguhit, sihke siste ja olgun.

Oppalaš kárta

 

Pasieantaveahkit

Pasieantaveahkkeortnet Hámmarfeastta buohcciviesus lea ovttasbargu gaskal Finnmárkku buohcciviesu ja Hámmarfeastta eaktodáhtolaš guovddáža.

Pasieantaveahkit leat resepšuvnna "guhkiduvvon giehta" váldofeaskáris. Sii veahkehit pasieanttaid ja gussiid deaivat poliklinihkaide ja eará dikšobáikkiide Hámmarfeastta buohcciviessus, ja mieđuštit sin gosa sii galget. Pasieantaveahkit sáhttet maiddá veahkehit fidnet juvlastuolu ja hoigat sin geat dárbbašit veahki dohko gosa galget.

Gávnnat pasieantavehkiid sin "stašuvnnas" váldofeaskáris ja muđui veahá gosge buohcciviesus. Lea álki dovdat geat pasieantaveahkit leat, sis leat mariidnaalit uniforpmat, ja sis lea álo nammagalba. Pasieantavehkiid olahat telefovdnanummara 904 12 756 bokte.

Samigieldulka

Jus don háliidat hupmat ja gulahallat davvisámegillii dikšuma dahje iskkadeami oktavuođas, de mii áinnas gohččut iežamet sámegiel dulkka boahtit. Vai lea sihkar ahte dulka lea olámuttos, de fertet mii soahpat suinna ovdalgihtii, ja danne livččii buorre jus don dieđihat ahte mii dárbbašit dulkka. Sáhtát ieš soahpat dulkkain telefovnna bokte 915 98 117 (árgabeivviid 07.30-15.00), dahje riŋget dohko gos dus lea diibmu.

Dát guoská maiddái daid pasieanttaide geaiguin lea divššodandiibmu beaivveáigge spesialisttapoliklinihkas Álttás dahje spesialisttadoavttirguovddážis Kárášjogas. Doppe čađahuvvo dulkon videokonferánssa (skype) bokte.

Hámmárfeasta buohcciviesu dulkkas lea maid vejolašvuohta dulkot pasieanttaid ovddas geat leat sisačálihuvvon buohccivissui.

Vuordinlatnja pasieanttaide ja oapmahaččaide

 

Siskkimuččas boradanlanjas gávnnat vuordinlanja gos leat vuogas stuolut, doppe sáhtát vuoiŋŋastit dan bottago vuorddát beassát dikšui ja iskkadeapmái, dahje go vuorddát sáhtu.

Čoavjerøntgen | Hámmárfeastahttps://finnmarkssykehuset.no/sa/behandlinger/coavjerontgen-hammarfeastaČoavjerøntgen | HámmárfeastaCČoavjerøntgenRøntgen mageRøntgen mageRøntgen mage
CT av hodet | Hammerfesthttps://finnmarkssykehuset.no/sa/behandlinger/ct-av-hodet-hammerfestCT av hodet | HammerfestCCT-undersøkelse av hodet (caput)CT-undersøkelse av hodet (caput)CT-undersøking av hovudet (caput)CT of the head (caput)
CT av hodet | Kirkeneshttps://finnmarkssykehuset.no/sa/behandlinger/ct-av-hodet-kirkenesCT av hodet | KirkenesCCT-undersøkelse av hodet (caput)CT-undersøkelse av hodet (caput)CT-undersøking av hovudet (caput)CT of the head (caput)
CT av magen | Hammerfesthttps://finnmarkssykehuset.no/sa/behandlinger/ct-av-magen-hammerfestCT av magen | HammerfestCCT-undersøkelse av magen (abdomen)CT-undersøkelse av magen (abdomen)CT-undersøking av magen (abdomen)CT abdomen
CT av magen | Kirkeneshttps://finnmarkssykehuset.no/sa/behandlinger/ct-av-magen-kirkenesCT av magen | KirkenesCCT-undersøkelse av magen (abdomen)CT-undersøkelse av magen (abdomen)CT-undersøking av magen (abdomen)CT abdomen
CT av nyrer og urinveier | Hammerfesthttps://finnmarkssykehuset.no/sa/behandlinger/ct-av-nyrer-og-urinveier-hammerfestCT av nyrer og urinveier | HammerfestCCT-undersøkelse av nyrer og urinveierCT-undersøkelse av nyrer og urinveierCT-undersøking av nyrer og urinvegarCT-undersøkelse av nyrer og urinveier
CT thorax (lunger) | Hammerfesthttps://finnmarkssykehuset.no/sa/behandlinger/ct-thorax-lunger-hammerfestCT thorax (lunger) | HammerfestCCT-undersøkelse av lunger (thorax)CT-undersøkelse av lunger (thorax)CT-undersøking av lunger (thorax)CT-undersøkelse av lunger (thorax)
CT-undersøkelse | Hammerfesthttps://finnmarkssykehuset.no/sa/behandlinger/ct-undersokelse-hammerfestCT-undersøkelse | HammerfestCCT-undersøkelseCT-undersøkelseCT-undersøkelseCT-undersøkelse
Dákterikki røntgen | Hámmárfeastahttps://finnmarkssykehuset.no/sa/behandlinger/dakterikki-rontgen-hammarfeastaDákterikki røntgen | HámmárfeastaDDákterikki røntgenRøntgen av skjelettRøntgen av skjelettRøntgen av skjelett
Geahppáid røntgen | Hámmárfeastahttps://finnmarkssykehuset.no/sa/behandlinger/geahppaid-rontgen-hammarfeastaGeahppáid røntgen | HámmárfeastaGGeahppáid røntgenRøntgen av lungeneRøntgen av lungeneRøntgen bryst (thorax)
MR-undersøkelse | Hammerfesthttps://finnmarkssykehuset.no/sa/behandlinger/mr-undersokelse-hammerfestMR-undersøkelse | HammerfestMMR-undersøkelseMR-undersøkelseMR-undersøkingMR-undersøkelse
Røntgenundersøkelse | Hammerfesthttps://finnmarkssykehuset.no/sa/behandlinger/rontgenundersokelse-hammerfestRøntgenundersøkelse | HammerfestRRøntgenundersøkelseRøntgenundersøkelseRøntgenundersøkelseRøntgenundersøkelse
Ultralyd av hjertet | Hammerfesthttps://finnmarkssykehuset.no/sa/behandlinger/ultralyd-av-hjertet-hammerfestUltralyd av hjertet | HammerfestUEkkokardiografiUltralyd av hjertetUltralyd av hjertetEkkokardiografi
Ultralydundersøkelse | Hammerfesthttps://finnmarkssykehuset.no/sa/behandlinger/ultralydundersokelse-hammerfestUltralydundersøkelse | HammerfestUUltralydundersøkelseUltralydundersøkelseUltralydundersøkelseUltralydundersøkelse