Báhppa, Hámmarfeastta buohcciviessu

Buohcciviesus lea iežas báhppa. Báhppabálvalus lea fálaldat pasieanttaide, oapmahaččaide ja bargiide. Buohcciviessobáhpa namma lea Karen Lorentzen.

Loga eanet Báhppa, Hámmarfeastta buohcciviessu

Báhppa, Hámmarfeastta buohcciviessu

Buohcciviesus lea maiddá šiehtadus gávpoga báhpaiguin. Sii sáhttet gohččojuvvot bálvalusaide maiguin ii sáhte vuordi, go buohcciviessobáhppa ii leat buohcciviesus. Galggat álo riŋget vuosttamužžan buohcciviessobáhppii.

Buohcciviessobáhpa Karen Lorentzen
Buohcciviessobáhpa Karen Lorentzen

Ságastallan

Buozalmasvuohta ja eahpesihkkarvuohta dearvvašvuođa ja iežas boahtteáiggi dáfus guoskkaha čiekŋalis ja vuđolaš eallinárvvuid mis. Ii leat eaktun ahte galgá leat ovttaoaivilis girku oskuin deaivvadan dihte báhpain. Ságastallama vuolggasadji sáhttá leat ahte don dárbbašat soapmása guhte sáhttá guldalit, go don leat váttis eallindilis, go háliidat juogadit áššiid mat dus leat váimmu lahka. Báhppa galgá diktit ságastallama ovdánit ságastallanguoimmi eavttuid mielde. Báhpas lea jávohisvuođageasku, ja ságastallan ii muitaluvvo viidásat geasage, iige čállo journálaide.

Girkolaš dagut

Buohcciviessobáhppa dahká girkolaš daguid nu go gásttašeami, eahkedismállásiid ja suttudovddastusaid, ipmilbálvalusaid ja rohkosiid, vihahemiid, liikka geahččamiid, muitobottuid ja hávdádemiid. Báhppa sáhttá ovttas bearrašiin leat mielde rohkosbottus dahje čoahkkaneapmái oanehis áiggi maŋŋá jápmima, ovdal jábmi biddjo gistui.

Lihkohisvuođat ja roasut

Dehálaš oassi báhpabálvalusa doaimmas lea doarjut ja veahkehit pasieanttaid ja oapmahaččaid lihkohisvuođaid ja buozalmasvuođaid oktavuođas. Dát guoská sihke "unnit" lihkohisvuođaide maid birra ii gullo medias, ja stuorát lihkohisvuođaide ja roasuide.

Fágaidrasttildeaddji ovttasbargu

Báhppabálvalus galgá leat resursan ja ovttasbargoguoibmi eará fágajoavkkuide buohcciviesus. Fágaidrasttildeaddji ovttasbargu dáhpáhuvvá oahpahusa, bagadallama ja ságastallamiid bokte. Báhppa lea mielde fágaidrasttildeaddji čoahkkimiin, ja lea miellahttun Klinalaš etihkka-lávdegottis, Finnmárkku dearvvašvuođas.

Eará osku- ja eallinoaidnoservodagat

Pasieanttat guđet gullet eará oskkuide dahje eallinoainnuide go Norgga Girku galget oažžut oktavuođa iežaset servodagain go sii dan dáhttot.
Báhppabálvalus sáhttá veahkehit gaskkustit oktavuođa.

Mo oažžut oktavuođa buohcciviessobáhpain

Buohcciviessobáhppa ii mana buhcciidlanjaide jus ii leat bovdejuvvon. Bargit sáhttet veahkehit váldit oktavuođa báhpain. Sáhtát maiddá ieš váldit oktavuođa báhpain telefovnna bokte dahje su kantuvrras.

Kapealla - jaskes latnja

Dán lanja sáhttet pasieanttat, oapmahaččat ja bargit geavahit. Don leat buresboahtin deike, lea álo rabas. Dáppe sáhtát gávdnat ráfi jurddašit. Sáhtát cahkkehit gintala, lohkat ja rohkadallat. Kapeallas lea buorre piano ja cd-čuojanas. Lanjas mii lea olggobealde lea gullevaš girjjálašvuohta, sálbmagirjjit ja biibalat.

Kapealla lea rabas buohkaide, beroškeahttá oskkus dahje eallinoainnus.

Kapealla lea buohcciviesu vuođđogearddis, gurutguvlui go leat vázzán kaféa meattá. Čuovu galbbaid.

Váldde oktavuođa

deaivvadanbáiki
Báhpas lea kantuvra 2. gearddis Ø soajás
Telefovdna
T 78 42 12 88 | M 911 82 776
Boastačujuhus
Finnmarkssykehuset
Sykehuspresten
Sykehusveien 35
9601 Hammerfest