Riegádahttin/gyn. Girkonjárga

Ovttadat lea lotnolagaid riegádahttin/mánnáoažžun - ja gynekologalaš ovttadat guvttiin riegádahttinlanjain. Mis leat sullii 200 riegádahttima jahkásaččat ja mii válljet našunála ja regionála válljeneavttuid mielde, mearriduvvon jagiin 2009/2012.

Loga eanet Riegádahttin/gyn. Girkonjárga

Riegádahttin/gyn. Girkonjárga

Bargiidveagas leat jorttamovrat ja mánáiddivššárat, guđet barget buot joavkkuin. Mis leat 4 gynekologa čadnon ossodahkii. Mis leat vihtta seaŋgga ossodagas, juhkkojuvvon gaskal mánnáoažžunsajiid ja gynekologalaš sajiid. Dáppe leat maiddá áhpeheamit geat áicojuvvojit. Mii dustet riegádahttimiid 35 vahkku rájes - ovdal dan sáddejuvvot Hámmarfestii dahje Romsii, jus lea plánejuvvon ahte riegádahttin galgá dáhpáhuvvat dáppe. Sivvan dasa lea go mis ii leat fásta mánáiddoavttir dáppe.

Riegádahttinlanjaid oktavuođas lea mis latnja gos lea lávgungárri, man lea vejolaš atnit riegádahttima rádjai go leat ávttat.

Riegádahttimii gávdnojit molssaevttolaš ja dálkkaslaš bávččasváidudeamit:

  • Ruvven, liegga lávggodeapmi/riššun, lieggagovččas, akupunktuvra (addojuvvo sis geain lea rivttes oahppu dasa)
  • Steriilačáhcepapler, lystgássa, bávččasváidudeaddji sprøyta, epiduraljámálgahttin

Dahkkojuvvojit sihke plánejuvvon ja fáhkka keaisárčuohpadeamit go dasa lea dárbu.

Mánnáoažžunosssodat jođihuvvo Eadni-mánná ustitlaš prinsihpaid vuođul. Dat mearkkaša ahte mii addit juohkehažžii heivehuvvon veahki ja bagadallama, dutnje ja du njuoratmánnái, maiddá njamaheami dáfus. Lea dehálaš ahte eadni ja mánná leaba ovttas nu ollu go vejolaš, ja ahte eadni beassá oahpásmuvvat mánáinis ráfis. Mii bargat maid dan ovdii ahte áhčči ja oappát/vieljat besset oahpásmuvvat ođđa unnoraččain. Sii sáhttet leat ossodagas measta olles beaivvi.

Mis lea okta bearašlatnja, gos okta mieđušteaddji sáhttá leat etniin ja mánáin maŋŋá riegádahttima, ferte máksit orruma ja borrama ovddas.

Mánáiddoavttir boahtá Hámmarfeasttas juohke mánu. Jortamovra iskkada ja áicá máná maŋŋá riegádeami. Buot mánát iskkaduvvojit ovdal galget ruoktut, lea juogo mánáiddoavttir dahje min gynekologa guhte iskkada.

Eanaš eatnit válljejit vuolgit ruoktut sullii 3 jándora maŋŋá dábálaš riegádahttima. Mii ávžžuhat ođđa etniid geavahit áiggi dáppe min luhtte alcces ja mánnái, ja váldit vuostá daid fálaldagaid mat mis leat buori álgui váhnendillái.

Buot mánáin váldojuvvo varraiskkus 48 diimmu maŋŋá riegádeami, gohčoduvvo Følling:n (guorahallat ávnnasmolsuma: fenylketonuri ja vejolaš váilevaš guoggomasráksahormona). Min sávaldat lea ahte dat dahkko ovdal vulgojuvvo ruoktut, muhto lea vejolaš šiehttat ruovttugielddain ahte iskkus dahkko doppe.

Girkonjárgga Buohccivissui leat ollu našunaliteahtat čadnon, earret eará go mii gokčat Čáhcesullo báhtareddjiid vuostáiváldima, ja go leat lagasbuohcciviessu riikkaide rájáid rastá. Danne leat riegádahttinklinihkas iešguđetge dieđut iešguđetge gielaide:

  • tamiila
  • india
  • serbokroáhtalaš
  • kurdalaš
  • ruoššagiella
  • sámegiella
  • suomagiella

Mii geavahat maiddá dulkonbálvalusa, sihkkarastin dihte ahte sihke eadni ja mánná oažžuba rivttes dieđu, ja viidásat čuovvoleami.

Gos don galggat riegádahttit?

​Finnmárkku buohcciviesus lea riegádahttinlatnja Álttás ja riegádahttinossodat Hámmárfeasttas ja Girkonjárggas.

Ii leat dušše dat gos don orut mii mearrida gos don galggat riegádahttit. Finnmárkku buohcciviessu oassin Davvi Dearvvašvuođas árvvoštallá áhpehis nissoniid dihto válljeneavttuid vuođul sihkkarastit dorvvolaš riegádahttima, ja čujuha rievttes riegádahttinbáikái dan vuođul.

Válljeneavttut gustojit plánejuvvon riegádahttimiidda. Dakkaviđe veahkke- dilálašvuođaid árvvoštallat oktagaslaččat.

Loga enaet válljeneavttuid birra

Váldde oktavuođa

Telefovdna
78 97 32 35
Boastačujuhus
Finnmarkssykehuset
Kirkenes sykehus
Føde/gyn
Dr. Palmstrøms vei 15
9900 Kirkenes
Girkonjárgga buohcciviessu
Galledanadreassa
Skytterhusveien 2(Kart)
9900 Girkonjárga / Kirkenes
Galledanáiggit
vuossárga - sotnabeaivi 08.00 - 20.00
Fáhkkabuhcciid vuostáiváldin lea rabas birra jándora
Telefovdna
78 97 50 00

Biilaguođáhat

​Pasieanttaide ja gussiide lea nuvttá guođđit biilla guođáhahkii njuolga olggobealde buohcciviesu váldouvssa.

Busseáiggit Girkonjárga gávpotguovddáš

Busseáiggit Girkonjárgga buohcciviessu

Mátkkoštanvejolašvuođat ovdan ruoktut Girkonjárgga buohccivissui

Pasieantamátkkošteamit

Váldonjuolggadus leat ahte du mátki ovdan ruoktut dikšui gokčojuvvo hálbbimus ruvttosáhtuin.

Eanet Finnmárkku Pasieantamátkkoštemiid birra

Geavatlaš dieđut

​Váktaortnet- čuorvvuhit báhpa

Váktaortnet- čuorvvuhit báhpa

Mátta-Várjjaga báhpabálvalusas lea váktaortnet gos bargit Girkonjárgga buohcciviesus sáhttet riŋget báhppii, jos muhtin pasieanttas dahje oapmahaččas lea dárbu.

Báhpabálvalus sáhttá fállat:

  • Siellodivššu ja ságastallama
  •  Eahkedismállása
  • Gásta

Ja vel sierra liturgiijaid/ rohkosiid jápmima oktavuođas.

Telefovnna bokte dáhkko šiehtadus báhpain gosa ja goas guoskevaš galgá boahtit. Dábálaččat háliidat mii boahtit buohccevissui. Mii vuoruhat fálaldagaid maid ii sáhte maŋidit.

Telefovdnanummar maid sáhttá geavahit: 78 97 75 70 (searvegoddekantuvra sáhttá geavahit bargoáiggis- dii. 09.00-15.00) 413 74 234 (njuolgga báhppii) "


Apotehka

Leat guokte apotehka Girkonjárggas, okta gávpotguovddážis, ja okta Kirkenes Handelspark gávpeguovddážis.

Jođaskeahtes fierpmádat

Sáhtát logget sisa jođaskeahtes fierpmádahkii buot Finnmárkku buohcciviesu dikšobáikkiin.

Fierpmádaga namma: HN-GJEST

It dárbbaš čállit beassansáni

Kioska / kaféa / vuordinlatnja

Lea kantiidna gurutbeale váldouvssa. Doppe fidnet oastit juoga borran láhkai ja dábálaš kioskagálvvuid. Doppe lea kaféabeavdi ja stuolut gosa sáhtát čohkkedit boradit, jugistit káfe dahje lohkat aviissaid. Doppe lea maid automáhta mas sáhttá oasttit borramuša ja juhkamuša go kantiidna ii leat rabas.

Rahpanáiggit

10:30 – 15:30   vuossárggas bearjadahkii

Lobiheapme borgguhit

Gurut guvlui buohcciviesu váldouvssas lea borgguhanvisttáš.

Guovllus muđui lea lobiheapme borgguhit, sihke siste ja olgun.

Neutrála eallinoaidnu seremoniijalatnja

Vuosttaš gearddis, bargiuskkádaga luhtte gávnnat buohcceviesu neutrála eallinoaidnu seremoniijalanja. Dán lanja sáhttet pasieanttat, oapmahaččat ja bargit geavahit beroškeahttá makkár eallinoaidnu dahje osku sis lea. Deike leat álo bures boahttin, beasat gávdnat ráfi. Buohkat sáhttet geavahit lanja.



 






Oppalaš kárta

 


Resepšuvdna

Resepšuvdna lea olgešguvlui áiddo siskkobealde váldouvssa.

Resepšuvnna rahpanáiggit

Vuossárggas duorastahkii
08:00 – 17:00

Bearjadaga:

07:30 – 15:30.  


Vuordinlatnja

Buohcciviesus leat máŋga vuogas vuordinlanja. Jeara bargiin gos lagamus vuordinlatnja lea. 

Dødfødsel | Kirkeneshttps://finnmarkssykehuset.no/sa/behandlinger/dodfodsel-kirkenesDødfødsel | KirkenesDDødfødselDødfødselDødfødselDødfødsel
Fødsel og barsel | Kirkeneshttps://finnmarkssykehuset.no/sa/behandlinger/fodsel-og-barsel-kirkenesFødsel og barsel | KirkenesFFødsel og barselFødsel og barselFødsel og barselFødsel og barsel
Graviditet - overvåkning av barn i mors mage | Kirkeneshttps://finnmarkssykehuset.no/sa/behandlinger/graviditet-overvakning-av-barn-i-mors-mage-kirkenesGraviditet - overvåkning av barn i mors mage | KirkenesGGraviditet - Overvåkning av barn i mors mageGraviditet - Overvåkning av barn i mors mageGraviditet - Overvåkning av barn i mors mageGraviditet - Overvåkning av barn i mors mage
Hysterektomi - fjerning av livmor, ikke kreft | Kirkeneshttps://finnmarkssykehuset.no/sa/behandlinger/hysterektomi-fjerning-av-livmor-ikke-kreft-kirkenesHysterektomi - fjerning av livmor, ikke kreft | KirkenesHHysterektomi - fjerning av livmor - ikke kreftHysterektomi - fjerning av livmor - ikke kreftHysterektomi - fjerning av livmor - ikke kreftHysterektomi - fjerning av livmor - ikke kreft
Igangsetting av fødsel | Kirkeneshttps://finnmarkssykehuset.no/sa/behandlinger/igangsetting-av-fodsel-kirkenesIgangsetting av fødsel | KirkenesIIgangsetting av fødselIgangsetting av fødselIgangsetting av fødselIgangsetting av fødsel
Keisersnitt | Kirkeneshttps://finnmarkssykehuset.no/sa/behandlinger/keisersnitt-kirkenesKeisersnitt | KirkenesKKeisersnittKeisersnittKeisersnittKeisersnitt
Urinlekkasje hos kvinner | Kirkeneshttps://finnmarkssykehuset.no/sa/behandlinger/urinlekkasje-hos-kvinner-kirkenesUrinlekkasje hos kvinner | KirkenesUUrinlekkasje hos kvinnerUrinlekkasje hos kvinnerUrinlekkasje hos kvinnerUrinlekkasje hos kvinner

Gávdnet go dan maid ohcet?

​Eat vástit ruovttoluottadieđuide. Ále sádde persovnnalaš dieđuid, omd. e-boasta, telefovdnanummira dahje persovdnanummira.