(Deaddil gova, de ihtá stuorát veršuvdna govas)
Klinihkkahoavda Jørgen Nilsen
T 78 42 12 27
Klinihkkahoavdda bargoveagas lea klinihkkaráđđeaddi ja fágakonsuleanta.
Biila- ja fanasambulánsa
Mis leat 30 biilla juhkkojuvvon 17 stašuvdnii, ja okta várrejuvvon ambulánsafanas Ákšovuonas.
Biilaambulánsa Gaska-Finnmárku
Ossodatjođiheaddji Are Nedrejord
M 911 49 562
Gaska-Finnmárkkus leat mis ambulánsastašuvnnat Honnesvágis, Kárášjogas, Guovdageainnus, Gilivuonas, Leavnnjas ja Donjevuonas.
Biilaambulánsa Oarje-Finnmárku
Ossodatjođiheaddji Richard Hustad
T 78 42 11 30
Oarje-Finnmárkkus leat mis ambulánsastašuvnnat Álttás, Hámmarfeasttas, Ákŋoluovttas, Ávanuoris ja Ákšovuonas. Ávanuoris lea maiddá ambulánsafanas.
Biilaambulánsa Nuorta-Finnmárku
Ossodatjođiheaddji Jan Arne Moen
T 78 97 30 19
Nuorta-Finnmárkkus leat mis ambulánsastašuvnnat Bearalvágis, Báhcavuonas, Girkonjárggas, Deanus, Čáhcesullos ja Várggáin.
Girdiambulánsa
Ossodatjođiheaddji Stig Aksel Opgård
T 78 43 36 41
Girdiambulánssas leat guoktá bása. Okta Girkonjárggas ja okta Álttás. Finnmárkkus leat golbma ambulánsagirdi, guokte girdi Álttás ja okta girdi Girkonjárggas, girdiin lea gearggusvuohta birra jándora. Ambulánsagirdit leat oassin našunála resurssas ja leat AMK UNN ja Girdikoordinerenguovddáš mii gullá Girdiambulánsabálvalusa ANS Romssa vuollái mat stivrejit girdiid mat gullet Finnmárkui.
AMK Finnmárku
Ossodatjođiheaddji Agneta Jensen
T 78 97 32 04
Finnmárkku Fáhkkabuhcciid ossodaga gulahallanguovddáš (AMK) lea Girkonjárgga buohcciviesus. AMK-operatevrrat leat buohccidivššárat dahje ambulánsabargit geat leat ožžon erenoamáš oahpahusa mo hálddašit heahtedilleságastallamiid. Sii stivrejit maiddá guhte galgá čađahit ja goas ambulánsadoaimmat galget čađahuvvot, ja sii bidjet hoahppodási juohke ambulánsadoibmii. Leat maiddá sii geat koordinerejit dieđuid stuorát lihkohisvuođaid oktavuođas, vai rivttes dearvvašvuođaresursa geavahuvvo rivttes áigái. AMK:s lea oktavuohta politiijaiguin ja čáskadandoaimmahagain ja vejolaččat eaktodáhtolaš bargiiguin stuorát ja unnit lihkohisvuođaid oktavuođas go máŋga etáhta leat mielde.
Eará resurssat
Eará resurssat mat maid sáhttet geavahuvvot min bálvalusas, mat eai gula njuolga min vuollái, lea Sea King helikopter ja Gádjunfatnasat. Dábálepmosit lea Davvi-Norgga Váldogádjunguovddáš (DNV, dárugillii HRS) mii rekvirere daid, go AMK lea bivdán dan.
Gádjunhelikopterbásas Banak girdihápmanis Leavnnjas lea Finnmárkku buohcciviesus gearggusvuohta anestesiijadoaktáriin. Doavttir lea oassin bargoveagas mii lea Sea King gádjunhelikopteris, Suodjalusa 330-skvadrovnnas lea gádjunhelikopter gearggusvuođas birra jándora. Gádjunhelikopterat čađahit girdiambulánsadoaimmaid dearvvašvuođadoaimmahagaid našunála girdiambulánsabálvalusa ovddas. Váldodoaimmat leat ohcan ja gádjun, muhto rádjá dasa makkár doaimmaid ambulánssat sáhttet dahkat sirddaša.