Gallet SÁNAG neahttasiiddu (sanag.no)
SÁNAG fállá čielggadeami ja divššu spesialistadásis psyhkalaš dearvvašvuođa -ja gárrendilledivššus. Dan olis go Norggas lea fridja divššodeamiválga (Fritt behandlingsvalg) de sáhttet buohkat geat háliidit divššu min luhtte oažžut dan.
SÁNAG: leat čieža dikšoovttadaga mat lea Kárášjogas ja Leavnnjas. Dasa lassin lea SÁNAG.s Našunála bargojoavku. Joavku fállá divššu erenoamážit sidjiide geat ásset olggobeale Finnmárkku ja kantuvrra sajit leat Divttasvuonas, Snoasas, Áhkánjárggas, Plassjes ja Oslos. Eanet Našunála bargojoavkku birra.
SÁNAG/ GPG Gaska-Finnmárku
SÁNAG lea guovllu psykiatralaš guoddás Gaska-Finmárkkus (GPG). Bargui gullá spesialista čielggadeapmi ja dikšu, ovttasbargu gielddaiguin ja eará spesialistadearvvašvuođabálvalusaiguin. Bargui gullá maid ráđđeaddit ja bagadit gielddaid. Dan olis go lea GPG de lea erenoamáš ovddasvástádus fállát divššu ássiide gielddaiguin nugo: Kárášjohka, Guovdageaidnu, Porsaŋgu, Deatnu, Davvesiida ja Gáŋgaviika.
Divššuid badjel bajilgovva
Divššuid bajilgovas (vuollelis siddus) de leat čilgehusat divššuid badjel maid mii fállat. Mii leat easka huksemin dán siiddu ja mihttu lea ráhkadit siiddui juohke divššu ovdii maid mii fállat. Jus it gávnna ovta dihto divššu bajilgovas de dat ii mearkkaš ahte eat fála dan. Dás oainnat ovdamearkkaid divššuid badjel maid mii fállat:
- Johttijoavku fállá divššu
- Mánáid-ja nuoraidpsykiatriija
- Bearašterapiija
- Individueallaterapiija ja joavkoterapiija
- Kognitiiva terapiija
- Vuosttašceahkkefálaldat nuoraide
- Birasterapiija
- Poliklinihkkalaš čielggadeapmi
- Psykiatralaš rehabiluteren
- Psykiatralaš čielggadeapmi
- Traumadikšu
- Meahcceterapiija
Orut go Ruoŧas dahje Suomas ja háliidat veahki SÁNAG:s?
SÁNAG vuostáiváldá pasieanttaid geat leat čujuhuvvon Region Jämtland Härjedalen (Region JH) Ruoŧas ja Lappland leanas Suomas (Lapin sairaanhoitoriiri (LSHP)). Dán dahkat ovttasbargošiehtadusa olis.
SÁNAG dagai dearvvašvuođašiehtadusa ja álggahii ovttasbarggu Region Jämtland Härjedalen Ruoŧas jagi 2015. Soahpamuš mielddisbuktá ahte SÁNAG sáhttá fállat divššu pasieanttaide guhte háliidit sámegiella ja kulturheivehuvvondivššu. Dát guoská poliklinihkalaš ja jándordivššu (psykologalaš divššu, psykoterapiija, birasterapiija ja eará guoskevaš guorahallamiid).
2007 dagai Finnmárkku buohcciviessu ja Lapin sairaahoitoriiri ovttasbargošiehtadusa dasa mii guoská spesialistadearvvašvuođabálvalusat Suoma ja Norgga rádjáguovlluide. Šiehtadus galgá buoridit fálaldaga olbmuide geat orro rájá lahka ja erenoamážit sápmelaččaid várás, geaiguin soaitá dárbu dahje dáhttu oažžut sámegiella ja kulturheivehuvvondivššu.
Maid galggan dahkat jus háliidan veahki?
Dárbu dikšui guorahallojuvvo pasieantta gullevaš riikkas. Soahpamušaid olis sáhttá dikšu fállojuvvot go čujuheapmi lea sáddejuvvon Region JH:s. ja LSHP:s. Ruoŧas ferte Landstinget dohkkehit čujuheami ja suomas ges Rovaniemi buohcciviessu. Gielddadoaktárat, rávisolbmuidpsykiatriijas ja mánáid- ja nuoraidpsykiatriijas sáhttet čujuhit.
Pasieanttat geat háliidit divššu/veahki SÁNAG:s, fertejit gohččut doaktára sáddet čujuheami deike:
Čujuhusat mat gusket rávisolbmuid (RPP ja Jándorovttadat) sáddejuvvojit:
SÁNAG Kárášjohka, v/čális guoskevaš ovttadaga nama dákko
Boastaboksa 4, 9735 Kárášjohka
Čujuhusat mat gusket mánáid ja nuoraid (MNP, bearašovttadat, SNJ/FSD ja NPO) sáddejuvvojit:
SÁNAG Kárášjohka, v/čális guoskevaš ovttadaga nama dákko
Boastaboksa 4, 9735 Kárášjohka
Čujuhusat mat gusket FSD psyhkalaš dearvvašvuođa ja darváneami jándorovttadahkii
sáddejuvvojit: Vurderingsteamet Rus, Finnmarkssykehuset HF, v/Jándorovttodat psyhkalaš dearvvašvuohta ja darváneapmi
Postboks 1294, 9505 Alta
Pasienta bagadusat
Psykosadikšun