MNP Kárášjohka – Mánáid- ja nuoraidpsykiatriija poliklinihkka

Mánáid- ja nuoraidpsykiatriija poliklinihkka (MNP) fállá čielggadeami ja divššu mánáide ja nuoraide gaskkal 0-18 jagi.

Loga eanet MNP Kárášjohka – Mánáid- ja nuoraidpsykiatriija poliklinihkka

MNP Kárášjohka – Mánáid- ja nuoraidpsykiatriija poliklinihkka

 

MNP fállá veahki mánáide ja nuoraide geat vásihit hástalusaid mat sáhttet mielddisbuktit váttisvuođaide árgabeaivvis, nugo:

  • Váttis dahje spiehkasteaddji láhtten  
  • Maŋŋonan dahje eahpedábálaš ovdáneami
  • Oahppanváttisvuođaid
  • Váivvi/sierranahttima/lossamiela
  • Balu/ Suhttu/aggrešuvnna
  • Borranváttuid
  • Psykosaid/ traumaid 
  • Váttisvuođaid gárihuhttinávnnasgeavaheami geažil

Mo oaččot veahki?

Mánát ja sin bearrašat geaiguin lea dárbu veahki oažžut sáhttet čujuhusa oažžut fástadoaktára, psykologa dahje mánáidsuodjalusa bokte. Mánát ja nuorat geat vásihit ahte sis leat váttut sáhttet ieža váldit njuolga oktavuođa MNP:in. Dan sáhttet maiddái earát geat leat vuorrástuvvan mánáid dáfus omd. mánáidgárdebargit, váhnemat, oahpaheaddjit.

Mo dáhpáhuvvo dikšu min luhtte

Mánát ja nuorat geat dieđihuvvot MNP:i ožžot terapevtta geas lea ovddasvástádus kártet ja ovttastahttit čielggadandárbbu váttu vuođul masa ohcco dearvvašvuođaveahkki. Dávjá barget iešguhtetge fágajoavkkut fágaid rastá mánáiguin. Fágajoavkkut mat barget MNP:s leat psykologaspesialisttat, doavtterspesialisttat, klinihkalaš sosionomat ja klinihkalaš pedagogat. Dikšu sáhttá dáhpáhuvvat MNP:s dahje ovttas ruovttubáikki veahkkeapparáhtain.

Pasieanta galgá ovttas terapevtan soahpat divššu mihtu ja man dávjá galgaba deaivvadit ja man guhká galgá divššu oažžut. Dát vuolgá das makkár hástalusat pasieanttas leat. Dikšu sáhttá dávjá joatkašuvvot Skype bokte ruovttus. Veahkki MNP:s lea nuvttá.

Friddja dikšofálaldatválga

Norggas lea friddja dikšoválga, dát mearkkaša ahte beasat ieš mearridit gos háliidat divššu ja sáhtát doaktáris bivdit čujuhusa (earret go vuosttašceahkkefálaldagain). SÁNAG lea spesialistadearvvašvuođabálvalus ja mearkkaša ahte mii fállat veahki buohkaide geat dan háliidit. SÁNAG:s lea lassin vel našunála ovddasvástádus fállat veahki dahje divššu sápmelaččaide. Dát mearkkaša ahte SÁNAG mihttu lea fállat giella- ja kulturheivehuvvon dikšofálaldaga sápmelaččaide.

SÁNAG lea organiserejuvvon Finnmárkku buohcciviesu psyhkalaš dearvvašvuođasuddjen ja gárrendilledivššu klinihka vuollái.

Čujuheapmi

SÁNAG Kárášjohka
MNP
Boastaboksa 4
9735 Kárášjohka

 Henvisningsskjema til psykisk helsevern for barn og unge

Elektrovnnalaš čujuhusat olggobeale Davvi Dearvvašvuođa

Čujuhusat sáhttet sáddejuvvot elektrovnnalaččat SÁNAG:i NHN Adreasseregistera bokte. Geavat čujuhusbáikki: Finnmarkssykehuset. – Vuostáiváldi: Distriktspsykiatrisk senter – Finnmarkssykehuset. Čális de dan ovttadaga gosa čujuhus galgá: Psyhkalaš dearvvašvuođasuddjen ja gárrendilledikšu mánáid ja nuoraid (MNP).

MNP ovttadaga organiseren

MNP bargá dávjá fágajoavkkuid bokte fágaidgaskasaččat. Fágajoavkkut geat barget MNP:s lea psykologaspesialista, doavttirspesialista, klinihkalaš sosionoma ja klinihkalaš pedagoga. Dikšu sáhttá dáhpáhuvvot Kárášjogas dahje ovttas pasieantta ruovttugieldda veahkkeapparáhtan.

Johtti bargiidjoavku Gaska/Nuorta-Finnmárku lea čadnojuvvon Kárášjogas ja Girkonjárgga MNP:i. Joavku fállá divššu ja bagadallama mánáid lagasbirrasis. Fálaldat lea mánáid várás geat dárbbašit eanet čuovvoleami go dan maid poliklinihkka nagoda fállat ja dálle jo jándorásahusa fálaldat ii leat dárbbašlaš. Dikšojoavkkus barget psykologa, fágakonsuleanta ja birasterapevta.

MNP sáhttá maid čujuhit viidásat Bearašovttadaga ja NPO dikšofálaldagaide. Dát lea áigeguovdil dalle go poliklinihkalaš dikšu MNP bokte ii leat leamašan ávkkálaš ja gos veardiduvvo dárbbašlaš lagabuš čuovvoleapmái.


Frøydis Nystad Nilsen


Frøydis Nystad Nilsen
Ovttadatjođiheaddji MNP, Medisiinnalašfágalaš ráđđeaddi mánáid ja nuoraid
M 907 94 475 | froydis.nilsen@finnmarkssykehuset.no


Váldde oktavuođa

Telefovdna
78469550
E-boastačujuhus
Boastačujuhus
Finnmárkku buohcciviessu
SÁNAG
MNP Kárášjohka
Poastastobe 4
9735 Kárášjohka
SÁNAG Kárášjohka
Galledanadreassa
Stuorraluohkká 34(Google maps)
9735 Kárášjohka
Telefovdna
78469550

Busseáiggit SÁNAG Kárášjohka

Kioska / buvda / apotehka / kaféa

SÁNAG lea Kárášjoga márkanbáikkis, doppe leat buvddat, apotehka, kioska ja boradanbáikkit.

Pasieantamátkkošteamit

Váldonjuolggadus leat ahte du mátki ovdan ruoktut dikšui gokčojuvvo hálbbimus ruvttosáhtuin.

Eanet Finnmárkku Pasieantamátkkoštemiid birra

Geavatlaš dieđut

Jođaskeahtes fierpmádat

Mis lea jođaskeahtes fierpmádat pasieanttaide ja gussiide buot min dikšobáikkiin. Váldde oktavuođa du ossodagain oažžun dihte sisaloggendieđuid.

Lobiheapme borgguhit

​Ii leat lohpi borgguhit SÁNAG siste iige olgun uvssaid ja vistti lahka.

Vuordinlatnja

​Pasieanttaide ja oapmahaččaide lea vuordinlatnja resepšuvnna buohta 1. gearddis.

Johtti bargiidjoavku Gaska / Nuortahttps://finnmarkssykehuset.no/sa/avdelinger/klinikk-psykisk-helsevern-og-rus/dps-midt-finnmark-sanks/bup-karasjok/ambulant-team-midt-ostJohtti bargiidjoavku Gaska / Nuorta

Gávdnet go dan maid ohcet?

​Eat vástit ruovttoluottadieđuide. Ále sádde persovnnalaš dieđuid, omd. e-boasta, telefovdnanummira dahje persovdnanummira.