Jándorovttadat psykiatriija, Leavdnja

Jándorovttadat lea fálaldat buot rávisolbmuide geaiguin leat iešguđet lágan psyhkalaš hástalusat ja lagabuš čuovvoleapmi lea dárbbašlaš.

Loga eanet Jándorovttadat psykiatriija, Leavdnja

Jándorovttadat psykiatriija, Leavdnja

Inngang

Váldouksa SÁNAG Leavdnja

Jándorovttadat vuostáiváldá olbmuid geaiguin leat iešguđet lágan psyhkalaš hástalusat nugo:

  • garra ballu ja lossamiella
  • darvánanváttut
  • persovnnalaš spiehkasteamit ja psykosat

Jándorovttadat fállá maid divššu eará lágan hástalusaid vuostá maid.

Mo oaččot veahki

Sus geas lea dárbu veahkkái min luhtte ferte oažžut čujuhusa. Čujuhusa oažžu doaktáris, psykologas dahje du divššodeaddji bokte. Jándorovttadagas oažžu fálaldaga go lea dárbu lagabuidda čuovvolit váttuid. Orrunáiggiid guhkkodat molsašuvvá dan ektui man garrasit olbmot buhcet ja sisačáliheapmi plánejuvvo dárkilit ovttas pasieantan.

Mo dáhpáhuvvo dikšu min luhtte

Ovttadagas barget iešguđet fágajoavkkut geaiguin lea erenoamáš máhttu psyhkalaš dearvvašvuođasuddjemis, gárrendilledivššus ja ergoterapiijas.

Birasterapevttalaš jurddašeapmi lea vuolggasadji go fállat divššu. Ovttasdoaibman bargiid ja divššohasaid gaskkas lea guovddážis veahkehan dihte sin hálddašit beaivválaš doaimmaid. Oassi divššus sáhttá leat: birasterapiija, oktagaslaš doarjjaságastallamat, váhnenságastallamat, sosionomatiibma, dálkkaslaš dikšu, Iešguđet lágan oktasašdoaimmat. Juohkehaš ráhkada iežas oktagaslaš ulbmiliid oktasašdoaimmaid oasálastimii. Orrunáiggiid guhkkodat molsašuvvá dan ektui man garrasit olbmot buhcet ja sisačáliheapmi plánejuvvo dárkilit ovttas pasieanttan. Jándorovttadat sáhttá vuostáiváldit logi pasieanta ain háválassii. Buohkat ožžot sierra lanja gos lea riššu ja hivsset.

Friddja dikšofálaldatválga

Norggas lea friddja dikšoválga, dát mearkkaša ahte beasat ieš mearridit gos háliidat divššu ja sáhtát doaktáris bivdit čujuhusa.

SÁNAG lea spesialistadearvvašvuođabálvalus ja mearkkaša ahte mii fállat veahki buohkaide geat dan háliidit. SÁNAG lea lassin vel našunála ovddasvástádus fállat veahki dahje divššu sápmelaččaide. Dát mearkkaša ahte SÁNAG mihttu lea fállat giella- ja kulturheivehuvvon dikšofálaldaga sápmelaččaide.

SÁNAG lea organiserejuvvon Finnmárkku buohcciviesu psyhkalaš dearvvašvuođasuddjen ja gárrendilledivššu klinihka vuollái.

Čujuhusat

SÁNAG Leavdnja
Jándorovttadat
Helsetunveien 2
9700 Leavdnja

Elektrovnnalaš čujuhusat olggobeale Davvi Dearvvašvuođa

Čujuhusat sáhttet sáddejuvvot elektrovnnalaččat SÁNAG:i NHN Adreasseregistera bokte. Geavat čujuhusbáikki: Finnmarkssykehuset. – Vuostáiváldi: Distriktspsykiatrisk senter – Finnmarkssykehuset. Čális de dan ovttadaga gosa čujuhus galgá: Jándorovttadat.

Jándorovttadaga organiseren

Jándorovttadat lea oassi psyhkalaš dearvvasvuođasuddjen - rávisolbmuid ossodagas. Jándorovttadat ovttasbargá siskkildasat Rávisolbmuid psykiatriija poliklinihkan Leavnnjas. Dáppe barget iešguđetge fágajoavkkut geaiguin lea erenoamáš máhttu psyhkalaš dearvvašvuođasuddjemis, gárrendilledivššus, ergoterapiijas ja rumašlaš lihkadeami mearkkašumis psykalaš dearvvašvuođabarggus.

Jándorovttadat bargá divššohasaid ruovttugielddaid ektui. Lágiduvvojit fásta bargomátkkit sisaváldinguovllu gielddaide gos mii doallat vásttolašjoavkočoahkkimiid, bagadallat, oahpahat ja galledat ruovttuid.  Jándorovttadagas leamaš árbevirolaččat psykodynámalaš dikšunfilosofiija. Dál bargojuvvo maid eanet eklektalaččat go bargit leat ovdánahttán gealbbuset dáin surggiin: gulahallan ja nuppástuhttinbargu (fágaidgaskasaš gulahallan), jurddašeapmi vižžojuvvon gárrendillisuorggis, kognitiiva (biras)terapiijas ja iešveahkke/ birgenperspektiivvas. Bargit lea oahpahuvvon mo rumašlaš doaimmat váikkuhit psyhkalaš dearvvašvuhtii, mii boahtá čalbmosii birasterapiijas. Jándorovttadat vuostáiváldá studeanttaid ja hospitantaid.

Laila Somby Iversen

Laila Somby Iversen

Ovttadatjođiheaddji jándorovttadagas
T 78 46 45 72 | M 97 01 27 81 | laila.somby.iversen@finnmarkssykehuset.no

Govat Jándorovttadagas

Ergoterapirom

Ergoterapiijalatnja/Doaibmalatnja

Uteområde

Olggobealde

Soverom

Oađđinlatnja


Váldde oktavuođa

Telefovdna
78464570 / 78464597
E-boastačujuhus
Boastačujuhus
Finnmárkku buohcciviessu
SÁNAG
Jándorovttadat / Døgnenheten
Helsetunveien 2
9700 Lakselv
SÁNAG Leavdnja
Galledanadreassa
Helsetunveien 2(Google maps)
9700 Lakselv

Geavatlaš dieđut

Jođaskeahtes fierpmádat

Mis lea jođaskeahtes fierpmádat pasieanttaide ja gussiide buot min dikšobáikkiin. Váldde oktavuođa du ossodagain oažžun dihte sisaloggendieđuid.

Kioska / buvda / apotehka / kaféa

​SÁNAG Leavdnja lea Leavnnja márkanbáikkis, doppe leat buvddat, apotehka ja boradanbáikkit.

Lobiheapme borgguhit

​Ii leat lohpi borgguhit SÁNAG siste iige olgun uvssaid ja vistti lahka.

Vuordinlatnja

​Pasieanttaide ja oapmahaččaide lea vuordinlatnja resepšuvnna buohta 2. gearddis.

Psykisk helsevern – døgnbehandling | Lakselvhttps://finnmarkssykehuset.no/sa/behandlinger/psykisk-helsevern-dognbehandling-lakselvPsykisk helsevern – døgnbehandling | LakselvPPsykisk helsevern - døgnbehandlingPsykisk helsevern - døgnbehandlingPsykisk helsevern - døgnbehandlingPsykisk helsevern - døgnbehandlingEMPTY

Gávdnet go dan maid ohcet?

​Eat vástit ruovttoluottadieđuide. Ále sádde persovnnalaš dieđuid, omd. e-boasta, telefovdnanummira dahje persovdnanummira.