Sámi nuoraidpsykiatriijajoavku

Sámi nuoraidpsykiatriijajoavku (SNJ) fállá divššu ja lea vuosttašceahkkefálaldat nuoraide ja nuorra rávisolbmuide gaskkal 15-30 jagi geaiguin leat:

- Gárrenmirkko- ja darvánanváttisvuođat

- Iešsorbmenjurdagat



Jurddašat go sorbmet iežat? Jugat go dahje spealat go bearehaga?

Sámi nuoraidpsykiatriijajoavku

Jurddašat go sorbmet iežat? Jugat go dahje spealat go bearehaga?

SNJ fállá veahki ja divššu dutnje geas leat iešsorbmenjurdagat, leat hástalusat čadnojuvvon gárrenmirkkuide nugo alkohola, narkotihka, b-preparahtat. Dahje soitet eará lágan darvánanhástalusat nugo speallamii?

Jenter på brua. Foto: Per Heimly

Čájáhusgovva. Nieiddat šaldi alde. Govven: Per Heimly

Mo oaččot veahki?

SNJ lea vuosttašceahkkefálaldat nuoraide gaskkal 15-30 jagi. Vuosttašceahkkefálaldat mearkkaša ahte sáhtát ieš váldit oktavuođa minguin jus dárbbašat veahki. Váhnemat/ovddasteaddjit, ustibat, oahpaheaddjit ja dearvvašvuođadivššár sáhttet maid oktavuođa váldit. Sáhtát maid oažžut čujuhusa fástadoaktára bokte. SNJ sáhttá oktavuođa váldit telefovnna bokte. Riŋges vuostáiváldimii tlf.nr 784 69550 ja dáhto beassat hállat SNJ:n. Sáhtát maid veahki oažžut jus boađat ieš deike. Sáhtát boahtit vuostáiváldimii ja dáhttut beassat hállat SNJ:n.

Mo dáhpáhuvvo dikšu min luhtte

Jus leat ieš váldán oktavuođa dahje fástadoavttir lea čujuhan du, de veardida SNJ bargojoavku čujuhusa sisaváldinjoavkkus. Joavku veardida čujuhusa ja dat juhkkojuvvo rivttes terapevtii. Terapevta váldá oktavuođa pasieanttan ja šiehtada áiggi. Dábálaš pasieanttačuovvoleamis de galgá čađahuvvot kárten/čielggadeapmi, dikšu ja čuovvoleapmi.

Pasieanta galgá ovttas terapevtan soahpat divššu mihtu ja man dávjá galgaba deaivvadit ja man guhká galgá divššu oažžut. Dát vuolgá das makkár hástalusat pasieanttas leat. Dikšu sáhttá dávjá joatkašuvvot Skype bokte ruovttus.

Friddja dikšofálaldatválga

Norggas lea friddja dikšoválga, dát mearkkaša ahte beasat ieš mearridit gos háliidat divššu ja sáhtát doaktáris bivdit čujuhusa (earret go vuosttašceahkkefálaldagain). SÁNAG lea spesialistadearvvašvuođabálvalus ja mearkkaša ahte mii fállat veahki buohkaide geat dan háliidit. SÁNAG:s lea lassin vel našunála ovddasvástádus fállat veahki dahje divššu sápmelaččaide. Dát mearkkaša ahte SÁNAG mihttu lea fállat giella- ja kulturheivehuvvon dikšofálaldaga sápmelaččaide.

SÁNAG lea organiserejuvvon Finnmárkku buohcciviesu psyhkalaš dearvvašvuođasuddjen ja gárrendilledivššu klinihka vuollái.

Čujuhus

Čujuhusat SNJ:ii sáddejuvvojit:
SÁNAG Kárášjohka
v/SNJ/FSD
Boastaboksa 4
9735 Kárášjohka
T 784 69 550

 

Čujuhanskovvi SNJ

Elektrovnnalaš čujuhusat olggobeale Davvi Dearvvašvuođa

Čujuhusat sáhttet sáddejuvvot elektrovnnalaččat SÁNAG:i NHN Adreasseregistera bokte.

Geavat čujuhusbáikki: Finnmarkssykehuset. – Vuostáiváldi: Distriktspsykiatrisk senter – Finnmarkssykehuset. Čális de dan ovttadaga gosa čujuhus galgá: Psyhkalaš dearvvašvuođasuddjen ja gárrendilledikšu mánáid ja nuoraid (SNJ/FSD).

Ovttadaga SNJ/FSD organiseren

SNJ lea organiserejuvvon ovttas FSD:n ja ovttadaga namma lea SNJ/FSD. SNJ/FSD lea fágaidrasttildeaddji bargojoavku ja bargit leat psykiater, psykologaspesialista, psykologa, psykiátralaš buohccidivššár, klinihkalaš sosionoma ja earát geaiguin leat spesialiserejuvvon dearvvašvuođafágalaš allaskuvlaoahppu. SNJ/FSD fállá spesialiserejuvvon čielggadeami ja divššu dasa mii guoská gárrenmirkkuide/darvánan- ja iešsorbmenhástalusaide.

SNJ/FSD johttá maiddái gielddaide geaiguin lea ovttasbargu ja leage ovttasbargu fástadoaktáriiguin ja dearvvašvuođa- ja sosiálabálvalusain gielddaiguin.

Portrett: May Helen Schance

May-Helen Schanche

Ovttadatjođiheaddji SNJ/FSD
T 78 46 95 80| M 905 31 560 |may.helen.schanche@finnmarkssykehuset.no


Váldde oktavuođa

deaivvadanbáiki
SÁNAG vuostáiváldin
Telefovdna
78469550
E-boastačujuhus
Boastačujuhus
Finnmárkku buohcciviessu
SÁNAG
SNJ / FSD Kárášjohka
Poastastobe 4
9735 Kárášjohka
SÁNAG Kárášjohka
Galledanadreassa
Stuorraluohkká 34(Google maps)
9735 Kárášjohka
Telefovdna
78469550

Busseáiggit SÁNAG Kárášjohka

Kioska / buvda / apotehka / kaféa

SÁNAG lea Kárášjoga márkanbáikkis, doppe leat buvddat, apotehka, kioska ja boradanbáikkit.

Pasieantamátkkošteamit

Váldonjuolggadus leat ahte du mátki ovdan ruoktut dikšui gokčojuvvo hálbbimus ruvttosáhtuin.

Eanet Finnmárkku Pasieantamátkkoštemiid birra

Geavatlaš dieđut

Jođaskeahtes fierpmádat

Mis lea jođaskeahtes fierpmádat pasieanttaide ja gussiide buot min dikšobáikkiin. Váldde oktavuođa du ossodagain oažžun dihte sisaloggendieđuid.

Lobiheapme borgguhit

​Ii leat lohpi borgguhit SÁNAG siste iige olgun uvssaid ja vistti lahka.

Vuordinlatnja

​Pasieanttaide ja oapmahaččaide lea vuordinlatnja resepšuvnna buohta 1. gearddis.

Gávdnet go dan maid ohcet?

​Eat vástit ruovttoluottadieđuide. Ále sádde persovnnalaš dieđuid, omd. e-boasta, telefovdnanummira dahje persovdnanummira.