RPP Kárášjohka – Rávisolbmuid psykiatriija poliklinihkka

Rávisolbmuid psykiatriija poliklinihkka (RPP) fállá čielggadeami ja divššu olu iešguđet lágan psyhkalaš váttuid ovddas rávisolbmuide geat vásihit moderáhta gitta duođalaš váttisvuođaid.

Loga eanet RPP Kárášjohka – Rávisolbmuid psykiatriija poliklinihkka

RPP Kárášjohka – Rávisolbmuid psykiatriija poliklinihkka

Váldouksa Sámi Klinihkkii, RPP vuolit gearddis dán visttis.

RPP fállá čielggadeami ja divššu psyhkalaš váttuid ovddas nugo:

  • Traumaváttut
  • Garra ballu ja bággováttut
  • Lossamiella, bipolára ja psyhkosaváttut
  • ADHD
  • Gárrenávnnasváttisvuođat ja earálágan darvánemiid váttut
  • Borranváttut
  • Sohkebealiidentitehta váttut

RPP fállá maid divššu eará lágan váttuid ovddas maid.

Sus geas lea dárbu veahkkái min luhtte ferte oažžut čujuhusa. Čujuhusa oažžu doaktáris dahje psykologas. RPP lea poliklinihkka mii mearkkaša ahte mii fállát veahki geavaheddjiid geat eai leat sisačálihuvvon dikšui. Geavaheaddji oažžu jeavddalaš dikšofálaldaga.

Fáhkkáveahke fálaldat

RPP lea maid fáhkkaveahke fálaldat gos gielddadearvvašvuođabálvalus sáhttá váldit oktavuođa RPP:n beaiveáigge jus lea dárbu jođánit oažžut divššu, siskkobeale 24 diimmu. RPP:s lea fáhkkavákta áigi gaskkal dii. 08.00 gitta 15.30 rádjai. Fáhkkaveahke fálaldat lea fálaldat gos jođánit galgá oažžut veardideami ja oanehisáiggedivššu ja lea olbmuid várás geaiguin leat psyhkalaš váttut ja soaitá vel gárrenmirkkováttisvuođat. Leamaid olbmuid várás geat fáhkka hedjonit dahje čuožžilit fáhkka ođđa psyhkalaš hástalusat maid gielddadearvvašvuođabálvalus dahje eará spesialistadearvvašvuođa bálvalus ii sáhte gieđahallat. Fálaldat gálgá fállojuvvot siskkobeale 24 diimmu earret go vahkkoloahpaid ja bassibeivviid. SÁNAG gieđahallá fáhkkacavgilemiid gaskkal dii. 13.00 ja 15.00 vuossárggas bearjadahkii. Čálli vuostáiváldá cavgileami mat bohtet eará áiggiide ja son guhte lea vávttas riŋge ruovttoluotta gaskkal dii. 13.00 ja 15.00. Čálli maid registrere pasieanttadieđuid ja dieđiha geasa čujuheaddji galgá riŋget.


Mo dáhpáhuvvo dikšu min luhtte?

Ovdal go RPP vuostáiváldá pasieantta de galgá čujuheaddji instánsa kártet pasieantta hástalusa, sosiála beliid, ovdalaš buozalmasvuođahistorjjá ja eará beliid mat leat dehálačča go galgá veardidit čujuhusa. Go čujuhus lea joavdan poliklinihkkii de čađahuvvo veardideapmi sisaváldinčoahkkimis gos veardiduvvo galgá go pasieantta oažžut divššu dáppe. Galgá dahkkojuvvot čielggadeapmi ja/dahje dikšu ja man guhká pasieantta ferte vuordit. Pasieantta oažžu de reivve dieđuiguin ja makkár rievttit sus leat. Sáhttá maid oažžut dieđu telefovnna bokte jus lea dárbu oažžut veahki jođánit.

Čielggadanáiggis oažžu pasieantta divššodeaddji. Muhtomin sáhttá dát mielddisbuktit ahte deaivvada iešguđetge fágajoavkkuiguin.  Čielggadeami áigodat vuolgá das makkár hástalusat lea ja sáhttá mielddisbuktit ságastallamiidda dahje maid kártenbarggut. Muhtomin sáhttá pasieantta fas čujuhuvvot gildii gos ávžžuhuvvo ahte pasieantta oažžu eará čuovvoleami. Muhtomin ges fállojuvvo dikšu min luhtte. Mii fállat iešguđet lágan dikšovugiid ja veardidat fárrolaga pasieantan mii heive buoremusat. Dikšu veardiduvvo dávjá ja jus lea dárbu de veahkeha spesialista. Pasieantta galgá beassat hállat spesialistan jus dasa lea dárbu. Divššu loahpaheapmi veardiduvvo ovttas pasieantan ja bargojoavkkuin. Dikšu sáhttá maid dávjá joatkašuvvot Skype bokte.

Friddja dikšofálaldatválga

Norggas lea friddja dikšoválga, dát mearkkaša ahte beasat ieš mearridit gos háliidat divššu ja sáhtát doaktáris bivdit čujuhusa. SÁNAG lea spesialistadearvvašvuođabálvalus ja mearkkaša ahte mii fállat veahki buohkaide geat dan háliidit. SÁNAG lea lassin vel našunála ovddasvástádus fállat veahki dahje divššu sápmelaččaide. Dát mearkkaša ahte SÁNAG mihttu lea fállat giella- ja kulturheivehuvvon dikšofálaldaga sápmelaččaide. SÁNAG lea organiserejuvvon Finnmárkku buohcciviesu psyhkalaš dearvvašvuođasuddjen ja gárrendilledivššu klinihka vuollái.

Čujuhus

SÁNAG Kárášjohka

v/VPP
Ávjovárgeaidnu 182
9730 Kárášjohka 


Elektrovnnalaš čujuhusat olggobeale Davvi Dearvvašvuođa

Čujuhusat sáhttet sáddejuvvot elektrovnnalaččat SÁNAG:i NHN Adreasseregistera bokte. Geavat čujuhusbáikki: Finnmarkssykehuset. – Vuostáiváldi: Distriktspsykiatrisk senter – Finnmarkssykehuset. Čális de dan ovttadaga gosa čujuhus galgá: Rávisolbmuid psykiatriija poliklinihkka (RPP) 

RPP organiseren

RPP lea organiserejuvvon fágaidrasttildeaddji bargojoavkkuid bokte ja bargit leat psykiater, psykologaspesialista, psykologa, psykiátralaš buohccidivššár, klinihkalaš sosionoma ja earát geaiguin leat spesialiserejuvvon dearvvašvuođafágalaš allaskuvlaoahppu. RPP fállá spesialiserejuvvon čielggadeami ja divššu olu iešguđet lágan psŧhkalaš váttuid ovddas mat lea moderáhta gitta duođalačča. RPP johttá maiddái gielddaide geaiguin lea ovttasbargu ja leage ovttasbargu fástadoaktáriiguin ja dearvvašvuođa- ja sosiálabálvalusain gielddaiguin. Poliklinihkka fállá maiddái bagadallama ja oahpu lagaš olbmuide. RPP fállá oahpu ja bagadallama gieldda dearvvašvuođabálvalussii ja psyhkalaš dearvvašvuođasuddjemii fáttáin, main kultuvra ja psyhkalaš dearvvašvuohta gávnnadit.



Tonje Samuelsen 
Gaskaáigásaččat virgáibiddjon ovttadatjođiheaddji

78 94 76 66 | Tonje.Samuelsen@finnmarkssykehuset.no

Váldde oktavuođa

Telefovdna
78 94 76 50
E-boastačujuhus
Boastačujuhus
Finnmárkku buohcciviessu
SÁNAG
RPP Kárášjohka
Ávjovárgeaidnu 182
9730 Kárášjohka
SÁNAG Ávjovárgeaidnu
Galledanadreassa
Ávjovárgeaidnu 182(Kart)
9730 Karasjok

Gávdnet go dan maid ohcet?