Álttá Jándorovttadat

Álttá Jándorovttadat addá spesialistadearvvašvuođabálvalus 7 gildii Oarje-Finnmárkkus. Sisaváldingielddat leat Áltá, Ákŋoluokta, Láhppi, Fálesnuorri, Hámmarfeasta, Davvenjárga ja Muosát.

Loga eanet Álttá Jándorovttadat

Álttá Jándorovttadat

Álttá jándorovttadagas leat 10 seaŋgasaji.

Jándorovttadat lea oanehis- ja heahtedilleseaŋgalanjat. Dáppe addit mii differensierejuvvon dikšofálaldagaid mas čuovvovaš áššit leat erenoamážit guovddážis:

  • Heahtedilleintervenšuvdna
  • áican ja čielggadus
  • čuovvoleapmi maŋŋá intox/suicidal dagu

Álttá Jándorovttadat sáhttá addit heahteveahki 24 diimmu siste. Jándorovttadat lea rabas ja sisačálihemiid vuođus ferte leat eaktodáhtolašvuohta.

Jándorovttadagas lea latnja gos lea láhččojuvvon nu ahte suddjejuvvo erenoamážit birrasis muđui.

Sáhttá leat sisačálihuvvon 1-2 jándora áicojuvvot/heahtedili hálddašit dahje nu guhká go 12 vahkku oažžun dihte čielggadeami/divššu.

Sisačáliheamit dáhpáhuvvet álgovuolggalaččat beaivet čujuhusa vuođul. Muhttin eavttuid duohken sáhttá jándorovttadat váldit vuostá pasieanttaid heahtedilis eahkedis/ihkku. Dat mii ráddje heahtedillesisačáliheami lea leago sadji ja ahte ii galgga sisačálihuvvot bákkus.

Jándorovttadat lea Álttá gávpotguovddážis. Lea lahka almmolaš kantuvrraide/bálvalusaide, sáhttui, vuoiŋŋastanvejolašvuođaide, dearvvašvuođafálaldagaide ja aktivitehtadoaimmaide mat leat erenoamážit heivehuvvot eksponerenhárjehallamii.

Dikšofálaldat

Jándorossodat lea viiddis dábálašpsykiátralaš fálaldat mii sisttisdoallá earret eará čuovvovaš váttuid:

  • Dilit baluin
  • Miellalági-váttut
  • Psykosaváttut
  • Dilit jorbbodemiin
  • Bággováttut
  • Pasieanttat geain leat iešguđetge psykalaš váttut ja seammás gárrendilleváttisvuođat

Dasto addo čuovvovaš dikšofálaldat:

  • Čielggadus, diagnosa ja dikšu
  • Birra jándora áicca guhkit áiggi badjel dahkko earret eará sihkkarastit medisiinnalaš divššu kvaliteahta ovttas psyikateriin, ja maiddá gozihit eará dehálaš dilálašvuođaid maid gielddat eai govčča.
  • Vejolašvuohta váldit oktavuođa jándorossodaga birasbargiiguin maŋŋá go lea čálihuvvon olggos:
  • Pasieanttain lea fálaldat riŋget jándorossodahkii.
  • Ovttasbargu ja ovttasdoaibman buot sisaváldingielddain ja UNN:in, dása gullá maiddá individuála plána vuolggaheapmi ja hábmen
  • Plánejuvvon johtti doaibma masa gullet ovddasvástádusjoavkočoahkkimat, ovttasbargočoahkkimat báikkálaš veahkkeapparáhtain, oahpahallan ja bagadallan gielddaid diŋgojumi mielde ja galledit pasieanttaid ruovttuin ja čuovvulahttit sin poliklinihkalaččat.

Jándorossodat lea aktiiva ovttasbargoguoibmi guhkesáiggi prošeavttain mat leat dan birra mo lea go pasieanttat čálihuvvojit ruovttugielddaide - sihke UNN:s, gárrendilleásahusain muhto maiddá iežas jándorossodagas.

  • Birasterapiija mas lea psykodynamálaš vuolggasadji ja mas kognitiiva teknihkat adnojuvvojit. Dehálaš elemeanttat dáppe leat gaskavuođaid huksen, doarjjaságastallamat, eksponerenterapiija, rumašlaš doaimmat, DÁ-hárjehallan (doaimmat árgabeaivvis) ja sosiála hárjehallan.
  • Joavkoterapiija
  • Fysioterapiija / ergoterapiija / sosionomabálvalus
  • Fierpmádatdoaibma / oapmahašdoaibma
  • Ovdadikšu, eastadeapmi ja joatkkadikšu

Ráddjejumit otná dikšufálaldagas:

  • Dihto tiippat persovnnalašvuođaheađuštusat
  • Olbmot geat geavahit gárrenmirkkuid mat dagahit ahte eai leat dan dilis ahte sáhttet váldit vuostá divššu
  • Mášohis/suhttan vuorasolbmot geain lea senil demeansa, lossamiella ja dilit jorbbodemiin.
  • "Olbmot geain lea menodahkes ja veahkaválddálaš láhtten ja dárbbašit leat giddejuvvon ossodagas
  • Olbmot geain leat váttut mat leat nu hárvenaččat ahte čielggadus ja dikšu ferte guovdduštuvvot seailluhan dihte doarvái hárjáneami addin dihte dohkálaš fálaldaga (ovdamearkka dihte psykohtalaš bealjehemiid, olbmuid geain leat viiddis somáhtalaš váttut mat dagahit ahte ii livčče leat dohkálaš addit jándordivššu GPG:s." (Sitáhta GPG-bagadalli s. 32.)

Erenoamáš dilit čujuhusaid oktavuođas

Pasieanttat sáhttet čujuhuvvot elektronalaččat dahje reive bokte.

Váldde oktavuođa

Telefovdna
78 48 39 60
Ovttadatjođiheaddji 78 48 39 61 | Telefáksa 78 48 38 01
Álttá dearvvašvuođaguovddáš
Galledanadreassa
Dr. Kvammes vei 21(Google maps)
9510 Alta
Galledanáiggit
vuossárga - bearjadat 08 – 15:30
vuossárga - bearjadat 08 – 15:30

Biilaguođáhat

Lea biilaguođáhat goappašiid bealde vistti.

Guođđit biilla biilaguođáhahkii máksá ru. 12 juohke diibmui gaskal 10:00 ja 17:00, muđui lea nuvttá.

Busseáiggit Álttá dearvvašvuođaguovddáš

Bussevuordinsadji lea 50 mehtera váldouvssas eret.

Gávpotbusses lea vuolgga juohke diibmobeali dii. 06:00 rájes – juohke kvártta gaskal 07:00 ja 09:00:
140 Gávpotbusse Áltá

Girdibusse vuodjá viđa geardde beaivái:
261 Girdibusse Áltá

Busseáiggit Álttá gávpotguovddáš

Mátkkoštanvejolašvuođat ovdan ruoktut Álttá dearvvašvuođaguovddážii

Pasieantamátkkošteamit

Váldonjuolggadus leat ahte du mátki ovdan ruoktut dikšui gokčojuvvo hálbbimus ruvttosáhtuin.

Eanet Finnmárkku Pasieantamátkkoštemiid birra

Geavatlaš dieđut

Apotehka

​Lagamuš apotehka leat 100 mehtera dobbelis - justa nuppi bealde geainnu váldouvssas.

Jođaskeahtes fierpmádat

Mis lea jođaskeahtes fierpmádat pasieanttaide ja gussiide buot min dikšobáikkiin. Váldde oktavuođa du ossodagain oažžun dihte sisaloggendieđuid.

Kioska / buvda / kaféa

​Álttá gávpotguovddáš lea 100 mehtera eret, doppe leat gávpeguovddážat ja kaféat.

Lobiheapme borgguhit

Váldouvssa olggobealde lea sierra borgguhanguovlu.

Guovllus muđui lea lobiheapme borgguhit, sihke siste ja olgun.

Samigieldulka

Jus don háliidat hupmat ja gulahallat davvisámegillii dikšuma dahje iskkadeami oktavuođas, de mii áinnas gohččut iežamet sámegiel dulkka boahtit. Vai lea sihkar ahte dulka lea olámuttos, de fertet mii soahpat suinna ovdalgihtii, ja danne livččii buorre jus don dieđihat ahte mii dárbbašit dulkka. Sáhtát ieš soahpat dulkkain telefovnna bokte 915 98 117 (árgabeivviid 07.30-15.00), dahje riŋget dohko gos dus lea diibmu.

Dát guoská maiddái daid pasieanttaide geaiguin lea divššodandiibmu beaivveáigge spesialisttapoliklinihkas Álttás dahje spesialisttadoavttirguovddážis Kárášjogas. Doppe čađahuvvo dulkon videokonferánssa (skype) bokte.

Hámmárfeasta buohcciviesu dulkkas lea maid vejolašvuohta dulkot pasieanttaid ovddas geat leat sisačálihuvvon buohccivissui.

Vuordinlatnja

​Spesialistapoliklinihkas leat máŋga buori vuordinlanja. Jeara bargiin gos lagamuš vuordinlatnja lea.

Psykisk helsevern – døgnbehandling | Altahttps://finnmarkssykehuset.no/sa/behandlinger/psykisk-helsevern-dognbehandling-altaPsykisk helsevern – døgnbehandling | AltaPPsykisk helsevern - døgnbehandlingPsykisk helsevern - døgnbehandlingPsykisk helsevern - døgnbehandlingPsykisk helsevern - døgnbehandling