Manin searvat kursii?
Mihttu min oahppan- ja hálddašankurssaiguin lea ahte don galggat oahppat iežat dávdda birra ja mot don sáhtát hálddašit árgabeaivvi. Go galggat válljet iežat geainnu, de dus ferte leat máhttu sihke dávdda, dikšuma, iežat resurssaid ja eallindábiid rievdadeami birra.
Don deaivvat fágaolbmuid geain lea iešguđetlágan máhttu dávdda birra. Don maiddái deaivvat hárjánan pasieanttaid ja sin oapmahaččaid geat muitalit mot sii ellet iežaset eallimiid dearvvašvuođahástalusaiguin. Kursaoasseváldit juogadit vásáhusaid. Go mii jearrat kursaoasseváldiin mii sidjiide lei deháleamos go kursii serve, de vástida sullii 80% sis ahte "Deháleamos lei deaivat earáid seamma dilis!
Mo searvat kursii?
Čujuhus: Don ferte doaktáris oažžut čujuhusa vai beasat searvat kursii. Čujuhit sáhttá du fástadoavttir dahje du doavttir buohcciviesus. Doavttir sádde čujuhusa dan ossodahkii mii doallá kurssa.
Kurssaid bajilgovva: Finnmárkku buohcciviessu fállá kurssaid Kárášjogas, Hámmerfeastas ja Girkonjárggas. Don sáhtát maid čujuhusa kurssaide eará báikkiin riikkas jus min luhtte ii leat fálaldat. Min neahttasiiddus oainnát sihke báikkálaš, guvllolaš ja nationála kursafálaldagaid. Fertet mannat ovttaskas buohcciviesu neahttasiidduide jus háliidat oaidnit eará buohcciviesuid báikkálaš kursafálaldagaid.
Friddja buohcciviessoválljen: Oahppan- ja hálddašankkurssaid searvan lea oassin friddja dikšunválljema ortnegis.
Vuoigatvuođat: Pasieanttain ja oapmahaččain leat vuoigatvuođat sihke mátke- ja orrungoluid ektui.
Oktavuohta
Kárášjoga oahppama- ja hálddašeamiguovddáš
Sara Biret Anne Gaup
OHG koordináhtor
E-boasta: Sara.Biret.Anne.Gaup@finnmarkssykehuset.no
Telefovdna: 78 94 76 37 | 91 71 23 52
Juohke kurssas leat sierra oktavuođaolmmoš. Oktavuođadieđuid gávdná ovttaskas kurssaid vuolde. Don galggat áinnas váldit oktavuođa iežat buohcciviesu Oahppama- ja hálddašeamiguovddážiin.
Geahča eambbo dieđuid min siidduin:
Oahppan- ja hálddašeapmi Finnmárkku buohcciviesus (dárogillii)
Pasieanta- ja oapmahašoahpahallan