Don válljet ieš guđe giela háliidat geavahit
Finnmárkku buohcciviessus leat olu bargit geat eai hálddaš sámegiela, ja midjiide lea hui dehálaš oažžut rivttes ja vuđolaš dieđuid du dearvvašvuođa birra. Danne lea dehálaš midjiide geavahit dulkka. Min dulkkain lea jávohisvuođageatnegasvuohta. Pasieanttat vásihit oadjebassan geavahit dulkka; go olmmoš lea buozas de lea geahppaseamos hupmat ja muitalit iežas eatnigillii. Fáttát ja sániid mat adnojit buohcciviesus sáhttet leat váddáseabbo ipmirdit go beaivválaš ságastallamis. Jus dus lea sámegiella eatnigiellan, de dus lea riekti sámástit go deaivvadat Earenoamášdearvvašvuođabálvalusain.
Mo oaččut dulkka?
Don sáhtát riŋget njuolga dulkii (geahča sisagohččunreivve), don sáhtát riŋget ossodahkii gosa leat gohččojuvvon, dahje don sáhtát diŋgot dulkka ovdagihtii fástadoaktára bokte. Go ovdagihtii diŋgot de lea álkibut sihkkarastit ahte dulkkas lea áigi. Lea maid vejolaš oažžut dulkka go boađát buohccivissui. Buohcciviessu bargit háliidit fállat sámegiela hálddašanguovllu pasieanttaide dulkoma, muhto muittut sin áinnas jus it oaččo fálaldaga. Bargit maid dávjá eai dieđe guđet pasieanttat háliidit sámástit. Pasieanttat geat ásset olggobealde sámegiela hálddašanguovllu fertejit danne ieža bivdit dulkka.
Finnmárkku buohcciviesus geavahayt iežamet dulkaid. Dulkon gáibida earret eará dearvvasvuođafágalaš doahpagiid. Min dulkkat barget dulka ehtalaš prinsihpaid vuođul ja lea jávohisvuođageasku.
Oktavuohta
Dulkonbálvalus dulko ságastallama gaskkal sámegielhálli pasieantta ja dearvvašvuođabargi.
Pasieanttain main lea šiehtadus dahje sii geat sisačálihuvvot muhtin ossodahkii Finnmárkku buohcciviesus, Norlándda buohcciviesus, Helgelándda buohcciviesus dahje Davvi-Norgga universitehtabuohcciviesus sáhttet oažžut davvisámegiel dulkka gaskal 08:00-22:00 olles vahkku.
Oktavuođadieđut
Pasieanta gii áigo diŋgot dulkka:
Pasieanttat sáhttet váldit njuolgga oktavuođa sámegielhálli dulkkain čuovvovaš nummaris:
91 59 81 17 (dušše beaivet), dahje sii sáhttet jearrat veahki ossodagas/ovttadagas gos lea dahje diŋgot dulkka fástadoaktára bokte.
Go dearvvašvuođabargi áigo diŋgot dulkka:
Dearvvašvuođabargit galget riŋget dulkonbálvalusa oktasaš nummarii.
Eará jearaldagat: