Bearašovttadat fállá veahki buot bearrašiidda gos mánás dahje mánáin leat váttisvuođat dovdduiguin ja/dahje láhttemiin ja jus lea heajos gaskavuohta bearrašis.

Mo oaččot veahki

Lea MNP guhte čujuha Bearašovttadahkii ovttas váhnemiiguin (geahča čujuheamibagadallama). Fálaldat heive dalle go Mánáid ja nuoraid poliklinihkalaš (MNP) doaimmat eai leamaš doarvái ávkin, ja lea dárbu dárkilat čuovvoleapmái omd. mii guoská bearraša gaskavuođaide.

Mo dáhpáhuvvo dikšu min luhtte

Mii heivehat dikšofálaldaga nu mo bearrašii heive buoremusat ja buot dáhkko ovttasráđiid bearrašiin. Mii lágidat ee. beaivválaš váhnenságastallamiin, ságastallamiin mánáin ovttas váhnemiiguin, viiddiduvvon bearašságastallamiin (omd. ádjáiguin/áhkuiguin) ja oktagaslaš ságastallamat. Bearrašat bovdejuvvojit maid Meahcceterapiijii, mii lea golmmabeaivásaš dikšomátki. Lagasvuohta lundui oaidnit dehálažžan ja maiddái čalmmustat bearraša árvvuid ja árbevirolaš máhttu. Ovttadagas lea sierra skuvla skuvlamánáide. Skuvlla erenoamášpedagogat ovttasbarget dikšobargiiguin ja sis lea lagas oktavuohta mánáid ruovttuskuvlla oahpaheddjiiguin.

Dábálaččat fállat 4 vahkkosaš divššu. Bearrašat ásset sierra ásodagas, gos ieža dollet dálu. Váhnemat dieđihuvvojit buohccin ja sis lea vuoiggalaš oahpahusruđaide go leat dohkkehuvvon dearvvašvuođaásahusain. Dikšojoavkkus barget psykologaspesialisttat/psykologa ja bearasterapevttat. Ovdal divššu de váldit oktavuođa bearrašiin, suinna gii čujuhii ja ruovttuskuvllain gos muitalat iežamet fálaldaga birra. MNP ja eará veahkkeásahusat čuovvolit bearraša maŋŋil divššu.

Friddja dikšofálaldatválga

Norggas lea friddja dikšoválga, dát mearkkaša ahte beasat ieš mearridit gos háliidat divššu ja sáhtát doaktáris bivdit čujuhusa (earret go vuosttašceahkkefálaldagain). SÁNAG lea spesialistadearvvašvuođabálvalus ja mearkkaša ahte mii fállat veahki buohkaide geat dan háliidit. SÁNAG:s lea lassin vel našunála ovddasvástádus fállat veahki dahje divššu sápmelaččaide. Dát mearkkaša ahte SÁNAG mihttu lea fállat giella- ja kulturheivehuvvon dikšofálaldaga sápmelaččaide.
SÁNAG lea organiserejuvvon Sámi klinihkka, Finnmárkku buohcciviesu vuollái.

Čujuheapmi

Lea MNP guhte ovttasráđiid váhnemiiguin čujuha bearašovttadahkii. Čujuhus veardiduvvo sisaváldinčoahkkimis ja mearrádusa reivve sáddejuvvo jođáneamos lági mielde. Jus ášši veardiduvvo áigeguovdilin de váldá bearašovttadat oktavuođa šiehtadan dihte ovdačoahkkima ja ruovttugalledeami. Maŋŋil orruma de čuovvoluvvo bearaš MNP bokte ja vejolaččat maid eará veahkkeinstánssaid bokte.

Čujuhusat sáddejuvvojit:
SÁNAG Kárášjohka
v/MNP
Boastaboksa 4
9735 Kárášjohka

Čujuhanbagadallan bearašovttadahkii Kárášjohka

Elektrovnnalaš čujuhusat olggobeale Davvi Dearvvašvuođa

Čujuhusat sáhttet sáddejuvvot elektrovnnalaččat SÁNAG:i NHN Adreasseregistera bokte. Geavat čujuhusbáikki: Finnmarkssykehuset. – Vuostáiváldi: Distriktspsykiatrisk senter – Finnmarkssykehuset. Čális de dan ovttadaga gosa čujuhus galgá: Psyhkalaš dearvvašvuođasuddjen ja gárrendilledikšu mánáid ja nuoraid (MNP).

Bearašovttadaga organiseren

Fálaldat heive dalle go Mánáid ja nuoraid poliklinihkalaš (MNP) doaimmat eai leamaš doarvái ávkin, ja lea dárbu dárkilat čuovvoleapmái omd. mii guoská bearraša gaskavuođaide.

Dikšojoavkkus barget psykologaspesialisttat/psykologa ja bearasterapevttat.

Tove Laiti
Ovttadatjođiheaddji bearašovttadagas 
T 78 96 96 94 | M  415 43 375 | tove.kirsti.laiti@finnmarkssykehuset.no 

Govat