Našunála bargojoavku galgá fállat ovttadássásaš ja kulturheivehuvvon dikšofálaldaga buot sápmelaččaide. Bargojoavku lea oassi SÁNAG poliklinihkalaš doaimmas. Dasa lassin leat bargojoavkkus gelbbolašvuođaleavvan barggut.  Nugo gaskkusteapmi, oahpahus ja bagadallat fágaolbmuid ja earáid, erenoamážit kulturáddejumi fáttas. Našunála bargojoavku bargá fágaidgaskasaččat ja jođaša viidát barggu oktavuođas.

Našunála bargojoavkkus lea čuovvovaš kánturbáikkit Oslos, Plassjes, Snåases, Hábmeris, Tromssas ja Kárášjogas.

Klinihkalaš bálvalusaid

Mii fállat guorahallamiid ja divššu spesialistadearvvašvuođabálvalus dásis. Dábálaččat doallat mii pasieanttadeaivvademiid iežamet kánturbáikkiin. Muhtomin mii mátkkoštat maid gielddaide. Sáhtát maiddái oažžut divššu Skype bokte (govva/jietna). Guorahallan/dikšo čujuhus sáddejuvvo dábálaččat fástadoaktára bokte, muhto sáhtát maiddái minguin váldit oktavuođa jus dárbbašat ráđiid. Geahča oktavuođadieđuid vuollelis dán siiddus.

Bagadallan ja oahpahus:

Mii fállat oahpahusaid vuosttažettiin dearvvašvuođa- ja sosiálabargiid várás guhte deaivvadit sámi geavaheddjiiguin. Bagadallan sáhttá leat oppalaš dásis dahje eaŋkilolbmuid birra, muhto dan ferte soabadit guoskevaš olbmuin vuos.
Mii fállat oahpahusa vuođđo- ja joatkkaoahppodásis. Fállat maid kurssaid ja semináraid fágaolbmuide geaiguin lea beroštupmi mo kultuvrralaš bealit váikkuhit olbmuid dearvvašvuhtii, láhttemii ja gulahallamii. Ovdamearkka dihte fállat mii oahpahusa dan birra maid divššodeaddji berrešii diehtit go deaivvada sámi pasieanttaiguin. Mii oaidnit dávjá ahte dát gelbbolašvuohta lea ávkkálaš maiddái dalle go deaivvada olbmuiguin geaiguin lea eará kultuvrralaš duogáš go sámi. Mii ovttasbargat iešguđetge ásahusaiguin sihke gieldda ja stáhta instánssaiguin, sihkkarastin dihte ahte sámi oaidninbealli váldo vuhtii.

Váldde oktavuođa Našunála bargojoavkkuin

Christina Øvregård 
Kánturbáiki: Kárášjohka
Našunála bargojoavkku ovttadatjođiheaddji 

T 78 96 97 45  | Christina.Ovregard@finnmarkssykehuset.no

Per Martin Westerfjell

Fysioterapevta / terapevta 
Kánturbáiki: Snoasa.

T 78 96 97 42 | M 902 01 065 | Per.Westerfjell@finnmarkssykehuset.no 

Elisabeth Gerhardsen

Psykologaspesialista
Kánturbáiki: Oslo

T 78 96 97 55 | M 984 56 924 | Elisabeth.Gerhardsen@finnmarkssykehuset.no

Hanne Svinsas Magga
Kánturbáiki: Plassje
Psykiátralaš buohccidivššár / terapevta

T 78 96 97 58 | M 915 12 892 | Hanne.Svinsas.Magga@finnmarkssykehuset.no

Anne Silviken

Psykologaspesialista ja dutki
Kánturbáiki: Hábmer (juohke nuppi vahku)

T 78 96 97 41 | M 414 83 043 |Anne.Cathrine.Silviken@finnmarkssykehuset.no

Josef Dahlgren
Psykologaspesialista
Kánturbáiki: Hábmer

T 78 96 97 54 | Edvin.Josef.Dahlgren@finnmarkssykehuset.no

Berit Mølderup
Spesiálabuohccidivššár / terapevta
Kánturbáiki: Hábmer 

T 78 96 97 59 | Berit.Molderup@finnmarkssykehuset.no 

Lill-Tove Veimæl
Gaskaáigásaš psykologaspesialista
Kánturbáiki: Tromsa 

T  78 96 93 38 | Lill-Tove.Veimael@finnmarkssykehuset.no

Lars Robert Helander

Psykologaspesialista
Kánturbáiki: Tromsa 

T 78 96 89 74  | Lars.Robert.Helander@finnmarkssykehuset.no

Janaki Hyldahl

Váldodoavttir 

T  78 96 97 57 | Janaki.Hyldahl@finnmarkssykehuset.no

 Čujuhusdieđut

Čujuhusat min dikšofálaldagaide galget fástadoaktára bokte sáddejuvvot juogo elektrovnnalaččat dahje boastta mielde.

Čujuheaddji instánsa olggobeale Davvi Dearvvašvuođa sáhttet sáddejuvvot SÁNAG:ii NHN adreassaregistera bokte. Adreassaregisteris lea SÁNAG čállojuvvon DPS Midt-Finnmark/SANK namain.

Čujuhusat mánát ja nuorat:

Geavat čujuhanbáikki: Finnmarkssykehuset,- ja dasto man ovttadahkii čujuhat.

• Psykisk helsevern for barn og unge (BUP).
• Psykisk helsevern for barn og unge (PUT/TSB)
  

Čujuhus gieđahallojuvvo dasto oktasaš mánáid ja nuoraid vuostáiváldinjoavkkus SÁNAG:s. Ja čujuhus juhkkojuvvo de rivttes ovttadahkii daid dieđuid vuođul mat čujuhusas bohtet ovdán. Dikšoovttdagaid birra mas dás lea sáhka lea: MNP, SNJ/FSD ja Našunála bargojoavku. Čális áinnas jus háliidat divššu Našunála bargojoavkku bokte.
Čujuheaddji instánsa sáhttá máid ohcat diagnosa vuođul. Registtar ohcá ja evttoha heivvolaš dikšobáikkiid.

Čujuhusat boastta mielde:

SÁNAG Kárášjohka

v/čális ovttadaga gosa čujuhat (MNP, SNJ/FSD)
 Boastaboksa 4 
9735 Kárášjohka

Čujuhusat rávisolbmot:

Čujuhusaid sáhttá sáddet elektrovnnalaččat SÁNAG:ii NHN čujuhusregistara bokte: Geavat čujuhanbáikki: Finnmarkssykehuset,- ja vuostáiváldiin bijat Distriktspsykiatrisk senter – Finnmarkssykehuset. Čális dasto man ovttadahkii čujuhat:

• Psykisk helsevern for voksne (VPP).
• Psykisk helsevern for voksne (Døgnenheten)
• Tverrfaglig spesialisert rusbehandling (TSB)
  
  

Čujuhus gieđahallojuvvo dasto oktasaš čujuhus vuostáiváldinjoavkkus gullevaš Finnmárkku buohccivissui – klinihkka psyhkalaš dearvvašvuohta ja gárrendilledikšu. Vuostáiváldinjoavku juohká čujuhusaid rivttes sadjái čujuhusa dieđuid ektui. Dikšoovttadagaid birra mas dás lea sáhka lea: Rávisolbmuid poliklinihkka, Jándorovttadat, Fágaidrasttildeaddji spesialiserejuvvon gárrendilledikšu, ja Našunála bargojoavku. Čális áinnas jus háliidat divššu Našunála bargojoavkku bokte.
Čujuheaddji instánsa sáhttá máid ohcat diagnosa vuođul. Registtar ohcá ja evttoha heivvolaš dikšobáikkiid.

Boastta mielde:

SÁNAG Kárášjohka

v/čális ovttadaga gosa čujuhat (RPP ja Jándorovttadat)
Boastaboksa 4
9735 Kárášjohka

Mii ja manne lea mis Našunála bargojoavku?

SÁNAG:a servvodatovddasvástádus lea váikkuhit ovdánahttit ovttadássásaš dearvvašvuođabálvalusaid sápmelaččaide Norggas. Dan sivas oinnii SÁNAG dárbbu buoridit klinihkalaš fálaldaga sápmelaččaide mat ásset olggobeale Finnmárkku. 2008 álggahuvvui bargu guorahallat vejolašvuođaid viiddidit ja buoridit daid klinihkalaš bargguid riikaviidosaččat. 2009 ásahuvvui našunála bargojoavku geahččalanprošeaktan golmma jagi badjel. Kantuvrra sajit ledje Oslos, Snoasas, Divttasvuonas ja Bådådjos. Maŋŋil prošeaktaloahpaheami 2012, de mearridedje ásahit bistevaš našunála bargojoavkku SÁNAG:ii mii doaibmagođii 2013.

Našunála bargojoavku bargá fágaidgaskasaččat ja sin bargui gullá jođašeapmi gaskkal daid iešguđetge guovlluid sámis. Ájluokta kantuvra lea julevsámiguovllus ja váldomihttu lea fállat divššodeami mii lea heivehuvvon julevsápmelaččaide. Oslo ja Snoasas lea váldomihttu fállát veahki lullisápmelaččaide ja sápmelaččaide geat ásset Mátta-Norggas. Min mielbargit Finnmárkkus veahkehit min iešguđet sámi guovlluin, ja sámi álbmogin Finnmárkkus, earet go DPS váldosisaváldinbáikkiin. 

2015 ásahii SÁNAG ovttasbargošiehtadusa Härjedalen ja Jämtlándda leanain Ruoŧas. Šiehtadusa mielde sáhttá SÁNAG fállat divššodeami sámi pasieanttaide, bagadit ja oahpahallat dearvvašvuođa ja fuolahusbargiid gullevačča dien guvlui. Našunála bargojoavku lea oassin dán barggus. SÁNAG oaidná stuorra dárbbu Ruoŧas háhkat eanet gelbbolašvuođa vai nagodivčče heivehit dearvvašvuođadeaivvadeami sápmelaččaide sihke gielalaččat ja kultuvrralaččat. SÁNAG lea ilus go sáhttet juohkkit gelbbolašvuođaset mii fas sáhttá váikkuhit buoridit dearvvašvuođabálvalusaid sápmelaččaide Ruoŧas.

Norgga sápmelaččaid birra