Stivre go speallan du árgabeaivvi? Jugat go dahje ruset go bearehaga?
FSD poliklinihkka fállá čielggadeami ja divššu sidjiide gean árgabeaivi stivrejuvvo darvánanváttisvuođaiguin dahje rahčet darvánhástalusaiguin.
Vásihat go hástalusaid mat leat čadnojuvvon gárrenmirkkuide nugo alkohol, narkotihka, b-preparahtat. Dahje soitet eará lágan darvánanhástalusat?
Čájáhusgovva: govven Per Heimly
Mo oaččot veahki?
Sus geas lea dárbu veahkkái min luhtte ferte oažžut čujuhusa. Čujuhusa oažžu doaktáris, NAV:s, gárrenmirkkokonsuleanttas/sosiálakonsuleanttas ja mánáidsuodjalusas. Sáhttá oažžut čujuhusa maiddái spesialistadearvvašvuođabálvalusas ja giddagasdearvvašvuođabálvalusas. FSD lea poliklinihkka mii mearkkaša ahte mii fállát veahki geavaheddjiid geat eai leat sisačálihuvvon dikšui. Geavaheaddji oažžu jeavddalaš dikšofálaldaga.
Mo dáhpáhuvvo dikšu min luhtte?
Go FSD lea ožžon čujuhusa de veardida bargojoavku dán čujuhusa sisaváldinjoavkku bokte. Joavku veardida čujuhusa ja dat juhkkojuvvo rivttes terapevtii. Terapevta váldá oktavuođa geavaheddjiin ja šiehtada áiggi. FSD lea poliklinihkka mii mearkkaša ahte mii fállát veahki geavaheddjiid geat eai leat sisačálihuvvon dikšui. Geavaheaddji oažžu jeavddalaš dikšofálaldaga. Dábálaš pasieanttačuovvoleamis de galgá čađahuvvot kárten/čielggadeapmi, dikšu ja čuovvoleapmi.
Geavaheaddji galgá ovttas terapevtan soahpat dikšu mihttu ja man dávjá galgaba deaivvadit ja man guhká galgá divššu oažžut. Dát vuolgá das makkár hástalusat geavaheaddjis leat. Dikšu sáhttá dávjá joatkašuvvot Skype bokte ruovttus.
Dikšusaji válljen
Go orut Norggas de lea dus riekti válljet dikšusaji, dát mearkkaša ahte don sáhtát válljet gos háliidat divššu.
SÁNAG lea spesialistadearvvašvuođabálvalus ja mearkkaša ahte mii fállat veahki buohkaide geat dan háliidit. SÁNAG lea lassin vel našunála ovddasvástádus fállat veahki dahje divššu sápmelaččaide. Dát mearkkaša ahte SÁNAG mihttu lea fállat giella- ja kulturheivehuvvon dikšofálaldaga sápmelaččaide.
SÁNAG lea organiserejuvvon Sámi klinihkka, Finnmárkku buohcciviesu vuollái.
Čujuhus
Čujuhusat FSD:ii sáddejuvvojit:
Vurderingsteamet Rus, Finnmarkssykehuset HF
v/Tverrfaglig spesialisert rusbehandling Karasjok
Postboks 1294
9505 Alta
T 78 46 58 62| vurderingsteametrus@finnmarkssykehuset.no
Elektrovnnalaš čujuhusat olggobeale Davvi Dearvvašvuođa
Čujuhusat sáhttet sáddejuvvot elektrovnnalaččat SÁNAG:i NHN Adreasseregistera bokte.
Geavat čujuhusbáikki: Finnmarkssykehuset. – Vuostáiváldi: Distriktspsykiatrisk senter – Finnmarkssykehuset. Čális de dan ovttadaga gosa čujuhus galgá: Fágaidrasttildeaddji spesialiserejuvvon gárrendilledikšu (FSD).
FSD ovttadaga organiseren
Ođđa FSD poliklinihkka lea fálaldat olbmuide geain leat váttisvuođat gárihuhttinávnnasgeavaheamiin ja sorjjasvuođain. Ossodat sáhttá maid veahkehit divššohasa bearraša. Dát fálaldat lea oaivvilduvvon divššohasaide geat leat boarráset go 18 jagi. FSD fállá spesialiserejuvvon čielggadeami ja divššu dasa mii guoská gárrenmirkkuide/darvánan- ja iešsorbmenhástalusaide.