Ovttadat fállá čielggadeami ja divššu nuoraide geain leat duohta psyhkalaš váttisvuođat nugo:

• Baggojurdagat, ballu ja lossamiella
  
• Iešsorbmenváttut/ iešskáidnen
• Traumat ja psykosat
  
• BI-polára váttut 

Mo oaččot veahki

Lea MNP guhte čujuha nuora dikšui NPO:i (geahča čujuhusbagadallama). Dát lea áigeguovdil dalle go poliklinihkalaš dikšu MNP bokte ii leat leamašan ávkkálaš ja gos veardiduvvo dárbbašlaš lagabuš čuovvoleapmái.

Mo dáhpáhuvvo dikšu min luhtte

Juohke nuorra oažžu sierra dálkkodanfálaldaga mii lea heivehuvvon oktagaslaš dárbbuide. Fállojuvvo birasterapiija, oktagaslaš terapiija, bearašbarggut ja fierpmádatbarggut. Sisačáliheamit deike leat eaktodáhtolaččat. Ovttadat ii váldde vuostá nuoraid geain lea dárbu heahteveahkkái dahje leat bákkus psyhkalaš dearvvašvuođasuddjema vuolde. Ovttadagas leat 6 saji, gos 2 leat dušše sámi nuoraide várrejuvvon.Buot heahteveahkki gullá ain Nuoraidpsykiátralaš juogádassii (UPS) Universitehtabuohcceviesus, Romssas. 

Dálkkodanjoavkkus bargá psykiater, LIS-doavttir, psykologaspesialistta, bearašterapevttat ja  birasterapevttat. Ovttadagas lea maid sierra skuvla gos barget erenoamášpedagogat.

Ovttadagas lea sierra skuvla gos barget spesiálapedagogat. Pedagogat barget ovttas ovttadaga terapevttaiguin ja lea maid ovttasbargu ruovttuskuvlla oahpaheaddjin.

Geahča diehtojuohkkinfilmmažiid NPO birra:

Friddja dikšofálaldatválga

Norggas lea friddja dikšoválga, dát mearkkaša ahte beasat ieš mearridit gos háliidat divššu ja sáhtát doaktáris bivdit čujuhusa (earret go vuosttašceahkkefálaldagain). SÁNAG lea spesialistadearvvašvuođabálvalus ja mearkkaša ahte mii fállat veahki buohkaide geat dan háliidit. SÁNAG:s lea lassin vel našunála ovddasvástádus fállat veahki dahje divššu sápmelaččaide. Dát mearkkaša ahte SÁNAG mihttu lea fállat giella- ja kulturheivehuvvon dikšofálaldaga sápmelaččaide.
SÁNAG lea organiserejuvvon Sámi klinihkka, Finnmárkku buohcciviesu vuollái.

Čujuhus

Čujuhusat NPO:i sáddejuvvojit:
SÁNAG Kárášjohka
v/MNP
Boastaboksa 4
9735 Kárášjohka

Čujuhusbagadus

Elektrovnnalaš čujuhusat olggobeale Davvi Dearvvašvuođa

Čujuhusat sáhttet sáddejuvvot elektrovnnalaččat SÁNAG:i NHN Adreasseregistera bokte. Geavat čujuhusbáikki: Finnmarkssykehuset. – Vuostáiváldi: Distriktspsykiatrisk senter – Finnmarkssykehuset. Čális de dan ovttadaga gosa čujuhus galgá: Psyhkalaš dearvvašvuođasuddjen ja gárrendilledikšu mánáid ja nuoraid (MNP).

NPO ovttadaga organiseren

Fálaldat heive dalle go Mánáid ja nuoraid poliklinihkalaš (MNP) doaimmat eai leamaš doarvái ávkin, ja lea dárbu dárkilat čuovvoleapmái omd. mii guoská bearraša gaskavuođaide.

Dikšojoavkkus barget psykiater, LIS-doavttir, psykologaspesialista, bearašterapevttat ja birasterapevttat.

Arnhild Somby

NPO jođiheaddji

T  78 96 97 13  | Arnhild.Somby@finnmarkssykehuset.no

Govat