HELSENORGE
Medisiinnalaš poliklinihkka, Girkonjárga

Allergitest (prikktest), Girkonjárga buohcciviessu

Čuggeniskkus lea allergiijaiskkus maid mii geavahit čielggadeamis makkár ávdnasiid vuostá dus lea allergiija. Iskkus čájeha reakšuvnnaid liikkis jus mii bidjat daid iešguđetge lágan goaikkanasaid main lea ávdnasat masa olbmot reagerejit, ovdamearkka dihte monni, mielki, soahki ja suoidni.



Álggahus



Čujuhusat ja árvvoštallamat

Lea fástadoavttir gii čujuha du čuggeniskosii mii lea buohccivissui.



Ovdal

  • Vahkku ovdal čuggeniskosa de it galgga geavahit allergiijamedisiinnaid (antihistamiinnaid). Dakkár medisiinnat leat ovdamearkka dihte: Cetirizin, Aerius, Xyzal, Zyrtec, Phenamin ja Loratadin.
  • Don it galgga geavahit kortiisona (eambbogo 10 mg prednisolon) 24 diimmu ovdal iskosa.
  • Iskkusbeaivvi fertet don leat dearvvaš, ii galgga leat nuorvu, feber dahje sullasaš.
  • Garvve geavaheamis bodylotiona gieđaide iskkusbeaivi.
  • Jus geavahat ástmámedisiinnaid, de galggat daid geavahit nu movt dábálaččat, maiddai iskkusbeaivvi.




Vuollel

Čuggeniskkus váldo siskkobealde vuolit oasis gieđas. Okta goaikkanas dain áigeguovdilis ávdnasiin maidda sáhtát reageret goaikkuhuvvo 1 – 2 cm gaskkain liikii nala. Maŋŋelgo goaikkanasat leat biddjon de mii čugget juohke goaikkanasa gitta liikii vuollái. Eatnasat eai vásit dat bávččaga ja lea hárvenaš ahte oaidnit vara, og čuggesteapmi manná dušše liikii olggoža čađa.

Goaikkanasat sihkkojuvvojit báhpiriin, ja 15 minuhta maŋŋel sáhttit mii oaidnit bohtosiid. Jus reageret muhtun ávdnasii, de dat oidno du liikkisgo dat ruvssoda ja bohtana. Sáhttá maiddai sakŋidit.



Maŋŋil

Vejolaš bohtaneamit, ruvssodeapmi ja sakŋideapmi daid iešguđetge goaikkanasaid geažil jávkkoda dábálaččat 1 – 2 diimmu maŋŋel. Jus hui ollu sakŋida de sáhttit mii vuoidat vuoidasa mii láivudahttá dan.



Leage várrogas

Hui hárvenaš háviid sáhttet čuožžilit allergiijalaš reakšuvnnat čuggeniskosa geažil. Dat dáhpáhuvvá goitge iskosa vuolde, ja dan gieđahallet de dearvvašvuođabargit.




Váldde oktavuođa

Biilaguođáhat

​Pasieanttaide ja gussiide lea nuvttá guođđit biilla guođáhahkii njuolga olggobealde buohcciviesu váldouvssa.

Busseáiggit Girkonjárga gávpotguovddáš

Busseáiggit Girkonjárgga buohcciviessu

Mátkkoštanvejolašvuođat ovdan ruoktut Girkonjárgga buohccivissui

Pasieantamátkkošteamit

Váldonjuolggadus leat ahte du mátki ovdan ruoktut dikšui gokčojuvvo hálbbimus ruvttosáhtuin.

Eanet Finnmárkku Pasieantamátkkoštemiid birra

Geavatlaš dieđut

​Váktaortnet- čuorvvuhit báhpa

Váktaortnet- čuorvvuhit báhpa

Mátta-Várjjaga báhpabálvalusas lea váktaortnet gos bargit Girkonjárgga buohcciviesus sáhttet riŋget báhppii, jos muhtin pasieanttas dahje oapmahaččas lea dárbu.

Báhpabálvalus sáhttá fállat:

  • Siellodivššu ja ságastallama
  •  Eahkedismállása
  • Gásta

Ja vel sierra liturgiijaid/ rohkosiid jápmima oktavuođas.

Telefovnna bokte dáhkko šiehtadus báhpain gosa ja goas guoskevaš galgá boahtit. Dábálaččat háliidat mii boahtit buohccevissui. Mii vuoruhat fálaldagaid maid ii sáhte maŋidit.

Telefovdnanummar maid sáhttá geavahit: 78 97 75 70 (searvegoddekantuvra sáhttá geavahit bargoáiggis- dii. 09.00-15.00) 413 74 234 (njuolgga báhppii) "


Apotehka

Leat guokte apotehka Girkonjárggas, okta gávpotguovddážis, ja okta Kirkenes Handelspark gávpeguovddážis.

Kioska / kaféa / vuordinlatnja

Lea kantiidna gurutbeale váldouvssa. Doppe fidnet oastit juoga borran láhkai ja dábálaš kioskagálvvuid. Doppe lea kaféabeavdi ja stuolut gosa sáhtát čohkkedit boradit, jugistit káfe dahje lohkat aviissaid. Doppe lea maid automáhta mas sáhttá oasttit borramuša ja juhkamuša go kantiidna ii leat rabas.

Rahpanáiggit

10:30 – 15:30   vuossárggas bearjadahkii

Lobiheapme borgguhit

Gurut guvlui buohcciviesu váldouvssas lea borgguhanvisttáš.

Guovllus muđui lea lobiheapme borgguhit, sihke siste ja olgun.

Neutrála eallinoaidnu seremoniijalatnja

Vuosttaš gearddis, bargiuskkádaga luhtte gávnnat buohcceviesu neutrála eallinoaidnu seremoniijalanja. Dán lanja sáhttet pasieanttat, oapmahaččat ja bargit geavahit beroškeahttá makkár eallinoaidnu dahje osku sis lea. Deike leat álo bures boahttin, beasat gávdnat ráfi. Buohkat sáhttet geavahit lanja.



 






Oppalaš kárta

 


Resepšuvdna


Resepšuvdna lea olgešguvlui áiddo siskkobealde váldouvssa.

Resepšuvnna rahpanáiggit

Vuossárggas duorastahkii
07:30 – 16:00

Bearjadaga:

07:30 – 15:30.  


Vuordinlatnja

Buohcciviesus leat máŋga vuogas vuordinlanja. Jeara bargiin gos lagamus vuordinlatnja lea. 

Gávdnet go dan maid ohcet?