Čoavjerøntgen | Áltá

Álttá spesialistadoavttirguovddáš
Røntgena obbalašgovva abdomen

Čoavjerøntgena obbalašgovva lea measta dušše dalle áigeguovdil go galgá fáhkkatlaš iskkademiin geahččat leatgo manahathehttehusat čoliin (čoalleobstrukšuvdna) dahje rabas áimmus, vejolaččat čujuhit rupmašis amas diŋggaid.

Álggahus

Vuovddas leat ollu orgánat, earret eará čoavji/čoavjeseahkka, gahpárus, sáhpus, gassačoalli, vuoivvas, sáhpit, vuovdačolgaráksá, dáđvi, monimat ja gožžaráđit.

fástadoavttir dahje earát dearvvašvuođabálvalusas čujuhit guorahallamii

1. Ovdal

Iskkadeapmái ii dárbbaš erenoamážit ráhkkanit, muhto dábálaččat háliidit ahte pasieanta veallá gurut gilgga alde 10 minuhta ovdal govaid govvejit.

2. Vuollel

Makkár govat govvejuvvojit lea dan duohken makkár váddu lea ja nagoda go pasieanta čuožžut.

Lea ovdamunni ahte pasieanta nagoda doallat vuoiŋŋahaga go govvejuvvo, vai govat eai šaddá seađđasat.

Olgguldas metálladiŋggat nugo boalut, luottolássa, boahkánat, čiŋat jna. fertejit váldot eret dákko gokko galgá iskkaduvvot.

Iskkadeapmi ádjána 5 - 10 minuhta ja dat lea bákčasiid haga.

3. Maŋŋil

Iskkadeapmái ii dárbbaš erenoamáš čuovvoleami. Fáhkkatlaš dilálašvuođain addojuvvo gaskaboddosaš vástádus njuolga maŋŋel iskkadeami.  Iskkadeami bohtosa it sáhte dađibahábut oažžut ovttatmano go govaid galgá røntgendoavttir árvvoštallat.

Váldde oktavuođa

Álttá spesialistadoavttirguovddáš
Telefovdna
78 48 39 00
vuossárga - bearjadat 08:00 – 15:30
Telefáksa 78 48 39 01 | Ossodatjođiheaddji 78 48 39 04
Álttá dearvvašvuođaguovddáš
Galledanadreassa
Dr. Kvammes vei 21(Google maps)
9510 Alta
Galledanáiggit
vuossárga - bearjadat 08 – 15:30
vuossárga - bearjadat 08 – 15:30

Biilaguođáhat

Lea biilaguođáhat goappašiid bealde vistti.

Guođđit biilla biilaguođáhahkii máksá ru. 12 juohke diibmui gaskal 10:00 ja 17:00, muđui lea nuvttá.

Busseáiggit Álttá dearvvašvuođaguovddáš

Bussevuordinsadji lea 50 mehtera váldouvssas eret.

Gávpotbusses lea vuolgga juohke diibmobeali dii. 06:00 rájes – juohke kvártta gaskal 07:00 ja 09:00:
140 Gávpotbusse Áltá

Girdibusse vuodjá viđa geardde beaivái:
261 Girdibusse Áltá

Busseáiggit Álttá gávpotguovddáš

Mátkkoštanvejolašvuođat ovdan ruoktut Álttá dearvvašvuođaguovddážii

Pasieantamátkkošteamit

Váldonjuolggadus leat ahte du mátki ovdan ruoktut dikšui gokčojuvvo hálbbimus ruvttosáhtuin.

Eanet Finnmárkku Pasieantamátkkoštemiid birra

Geavatlaš dieđut

Apotehka

​Lagamuš apotehka leat 100 mehtera dobbelis - justa nuppi bealde geainnu váldouvssas.

Jođaskeahtes fierpmádat

Mis lea jođaskeahtes fierpmádat pasieanttaide ja gussiide buot min dikšobáikkiin. Váldde oktavuođa du ossodagain oažžun dihte sisaloggendieđuid.

Kioska / buvda / kaféa

​Álttá gávpotguovddáš lea 100 mehtera eret, doppe leat gávpeguovddážat ja kaféat.

Lobiheapme borgguhit

Váldouvssa olggobealde lea sierra borgguhanguovlu.

Guovllus muđui lea lobiheapme borgguhit, sihke siste ja olgun.

Samigieldulka

Jus don háliidat hupmat ja gulahallat davvisámegillii dikšuma dahje iskkadeami oktavuođas, de mii áinnas gohččut iežamet sámegiel dulkka boahtit. Vai lea sihkar ahte dulka lea olámuttos, de fertet mii soahpat suinna ovdalgihtii, ja danne livččii buorre jus don dieđihat ahte mii dárbbašit dulkka. Sáhtát ieš soahpat dulkkain telefovnna bokte 915 98 117 (árgabeivviid 07.30-15.00), dahje riŋget dohko gos dus lea diibmu.

Dát guoská maiddái daid pasieanttaide geaiguin lea divššodandiibmu beaivveáigge spesialisttapoliklinihkas Álttás dahje spesialisttadoavttirguovddážis Kárášjogas. Doppe čađahuvvo dulkon videokonferánssa (skype) bokte.

Hámmárfeasta buohcciviesu dulkkas lea maid vejolašvuohta dulkot pasieanttaid ovddas geat leat sisačálihuvvon buohccivissui.

Vuordinlatnja

​Spesialistapoliklinihkas leat máŋga buori vuordinlanja. Jeara bargiin gos lagamuš vuordinlatnja lea.