Dákterikki røntgen | Kárášjohka

Røntgen, Kárášjohka

Dákterikki røntgen čájeha ovtta dahje máŋga dávtti dahje lađđasa.

Álggahus

Dákterikki iskkadeapmi váldojuvvo go galgá čielggadit leago dáktegođđosis vihki dahje dávda.
Dákterikki iskkadeamis isket maid dávjá goanstalahtuid maid rupmašii leat bidjan sisa, áigahaš dáktedoddjomiid, ovddeš rievdadusaid jna.

Čujuhusat ja árvvoštallamat

Lea du doavttir gii sádde čujuhusa dohko.

fástadoavttir dahje earát dearvvašvuođabálvalusas čujuhit guorahallamii

1. Ovdal

Iskkadeapmái ii dárbbaš moktege ráhkkanit. Ii leat eambbo go jus galget iskkat sealggi ja spiraldávtti mii sáhttá gáibidit ahte leat gurren iežat. Dat variere dan mielde gokko du galget iskkadit. Vejolaš ráhkkaneami birra oaččut dieđu sisagohččunreivves, dahje ossodagas jus leat čálihuvvon dikšui.

Jus leat áhpeheapme, de fertet buori áiggis ovdal iskkadeami addit dieđu midjiide dan birra.

2. Vuollel

Dábálaččat govvejuvvojit 2 njuolggočiehka gova badjálaga guoskevaš rumašsajis. Muhtomin soitet šaddat govvet eambbo govaid, dan duohken gokko vihki ja váttisvuohta lea.   

Metálladiŋggaid ferte váldit eret doppe gos galgá govvet, nu ahte šaddet buorit govat.
Govvema vuolde lea dehálaš doalahit guoskevaš rumašsaji jaska. Muhtomin bivdit du dollet vuoiŋŋahaga.
Iskkadeami guhkkodat molsašuddá 3 min gitta 20 min, dan duohken man ollu govaid galgá govvet.

3. Maŋŋil

Iskkadeapmái ii dárbbaš erenoamáš čuovvoleami. Govaid dulko rádiologa (røntgendoavttir) ja vástádus sáddejuvvo čujuheaddji doaktárii. 

Váldde oktavuođa

Biilaguođáhat

​Pasieanttaide ja gussiide lea nuvttá guođđit biilla guođáhahkii mii lea dearvvašvuođaguovddáža olggobealde.

Busseáiggit Kárášjoga dearvvašvuođaguovddáš

Mátkkoštanvejolašvuođat ovdan ruoktut Kárášjoga dearvvašvuođaguovddážii

Pasieantamátkkošteamit

Váldonjuolggadus leat ahte du mátki ovdan ruoktut dikšui gokčojuvvo hálbbimus ruvttosáhtuin.

Eanet Finnmárkku Pasieantamátkkoštemiid birra

Geavatlaš dieđut

Boradanlatnja / kaféa

Dearvvašvuođaguovddáža boradanlatnja lea rabas gaskal 11-12:30. 
FUOM! Sáhttá dušše ruđain máksit - mis ii leat koartaterminála.

Muđui gávdnojit boradanbáikkit Kárášjoga márkanbáikkis.

Jođaskeahtes fierpmádat

Mis lea jođaskeahtes fierpmádat pasieanttaide ja gussiide buot min dikšobáikkiin. Váldde oktavuođa du ossodagain oažžun dihte sisaloggendieđuid.

Kioska / buvda / apotehka

​Dearvvašvuođaguovddáš lea guovdu Kárášjoga márkanbáikki, doppe lea kioska, buvddat ja apotehka.

Lobiheapme borgguhit

​Ii leat lohpi borgguhit dearvvašvuođaguovddáža siste, iige olgun uvssaid ja vistti lahka.

Sámegielat bargit

​Mis leat sámegielat bargit. Dulka sáhttá skáhppojuvvot go lea dárbu.

Samigieldulka

Jus don háliidat hupmat ja gulahallat davvisámegillii dikšuma dahje iskkadeami oktavuođas, de mii áinnas gohččut iežamet sámegiel dulkka boahtit. Vai lea sihkar ahte dulka lea olámuttos, de fertet mii soahpat suinna ovdalgihtii, ja danne livččii buorre jus don dieđihat ahte mii dárbbašit dulkka. Sáhtát ieš soahpat dulkkain telefovnna bokte 915 98 117 (árgabeivviid 07.30-15.00), dahje riŋget dohko gos dus lea diibmu.

Dát guoská maiddái daid pasieanttaide geaiguin lea divššodandiibmu beaivveáigge spesialisttapoliklinihkas Álttás dahje spesialisttadoavttirguovddážis Kárášjogas. Doppe čađahuvvo dulkon videokonferánssa (skype) bokte.

Hámmárfeasta buohcciviesu dulkkas lea maid vejolašvuohta dulkot pasieanttaid ovddas geat leat sisačálihuvvon buohccivissui.

Vuordinlatnja

​Pasieanttaide ja oapmahaččaide lea vuordinlatnja resepšuvnna buohta 2. gearddis.