Lávttasbisuheaddji liikedikšu | Kárášjohka

Spesialistadoavttirguovddáš Kárášjogas

Leat ollu liikevigit mat dagahit ahte liiki goiká. Boaresolbmuin laská dađistaga goikeliiki. Dan dihte lea dehálaš vuoidat liikki vai hehtte saŋáža. Liikki nagoda buvttadit láktasa váikko dan vuoidá ge vuoidasiiguin. Goikeliiki sakŋida! Dan ferte eastadit ja dikšut.

1. Ovdal

Buorit rávvagat

Liikki bassan:
Basat loikačáziin, go lieggačáhci laskada saŋáža. Ane sáibbu dakko gokko lea dárbbašlaš ja doidde bures maŋŋel. Ane sáibbuid/šámppuid main pH – árvu lea vuollin ja main ii leat njálggahádja. Go lávggodat ja riššut, de sáhtát bassanvuoidasiid atnit sáibbu sadjái. Bija maid áinnas oljju lávggodančáhcái.

2. Vuollel

Movt galgá lávttasvuoidasiid atnit?

Lávttasvuoidasiin sáhtát vuoidat nu dávjá go du mielas lea dárbu. Áinnas máŋgga geardde beaivái. Okta buorre ráva lea vurkkodit lávttasvuoidasa galmmihanskábes. Galbma vuoiddas hehtte saŋáža. Vuoidda áinnas lávttasvuoidasa njuolga maŋŋel lávggodeami/riššu. Jus galggat dikšut liikki kortison vuoidasiin/sálvvain, de berret dan diktit bures njammasit liikái ovdalgo vuoiddat liikki lávttasvuoidasiin.

Makkár lávttasvuoidasa berret válljet?

Gávdnojit iešguđetlágan lávttasvuoidasat, njárbes vuoidasiid rájes gitta suhkkes sálvvaide ja vuoidasiidda. Muhtumiidda leat biddjon doaibmanávdnasat mat láktadit liikki, earáide fas leat biddjon doaibmanávdnasat maiguin liiki lávttasnákca doalahit láktasa lassána.

 Mii rávvet du válljet lávttasvuoidasiid main ii leat njálggahádja vai hehttet allergiijalaš liikereakšuvnnaid.

Jeara áinnas liikedoaktáris dahje buohccidivššáris ráđiid go galggat válljet lávttasvuoidasa. Apotehkabargiid sáhttet maid veahkehit du.

Deháleamos lea ahte gávnnat lávttasvuoidasa maid du mielas lea álki vuoidat, ja mii seammás gokčá du liikelávttasdikšuma dárbbu.

3. Maŋŋil

Berret joatkit ain vuoidat liikki lávttasvuoidasiin váikko ii leat šat giksi.

Váldde oktavuođa

Spesialistadoavttirguovddáš Kárášjogas
Telefovdna
78 46 60 00 / 78 46 87 70
vuossárga - bearjadat 08:00 – 15:30
Boastačujuhus
Finnmárkku buohcciviessu
Spesialistadoavttirguovddáš / Spesialistlegesenteret
Ráđđeviessogeaidnu
9730 Kárášjohka / Karasjok
Kárášjoga dearvvašvuođaguovddáš
Galledanadreassa
Rådhusgata(Google maps)
9730 Kárásjohka / Karasjok

Biilaguođáhat

​Pasieanttaide ja gussiide lea nuvttá guođđit biilla guođáhahkii mii lea dearvvašvuođaguovddáža olggobealde.

Busseáiggit Kárášjoga dearvvašvuođaguovddáš

Mátkkoštanvejolašvuođat ovdan ruoktut Kárášjoga dearvvašvuođaguovddážii

Pasieantamátkkošteamit

Váldonjuolggadus leat ahte du mátki ovdan ruoktut dikšui gokčojuvvo hálbbimus ruvttosáhtuin.

Eanet Finnmárkku Pasieantamátkkoštemiid birra

Geavatlaš dieđut

Boradanlatnja / kaféa

Dearvvašvuođaguovddáža boradanlatnja lea rabas gaskal 11-12:30. 
FUOM! Sáhttá dušše ruđain máksit - mis ii leat koartaterminála.

Muđui gávdnojit boradanbáikkit Kárášjoga márkanbáikkis.

Jođaskeahtes fierpmádat

Mis lea jođaskeahtes fierpmádat pasieanttaide ja gussiide buot min dikšobáikkiin. Váldde oktavuođa du ossodagain oažžun dihte sisaloggendieđuid.

Kioska / buvda / apotehka

​Dearvvašvuođaguovddáš lea guovdu Kárášjoga márkanbáikki, doppe lea kioska, buvddat ja apotehka.

Lobiheapme borgguhit

​Ii leat lohpi borgguhit dearvvašvuođaguovddáža siste, iige olgun uvssaid ja vistti lahka.

Sámegielat bargit

​Mis leat sámegielat bargit. Dulka sáhttá skáhppojuvvot go lea dárbu.

Samigieldulka

Jus don háliidat hupmat ja gulahallat davvisámegillii dikšuma dahje iskkadeami oktavuođas, de mii áinnas gohččut iežamet sámegiel dulkka boahtit. Vai lea sihkar ahte dulka lea olámuttos, de fertet mii soahpat suinna ovdalgihtii, ja danne livččii buorre jus don dieđihat ahte mii dárbbašit dulkka. Sáhtát ieš soahpat dulkkain telefovnna bokte 915 98 117 (árgabeivviid 07.30-15.00), dahje riŋget dohko gos dus lea diibmu.

Dát guoská maiddái daid pasieanttaide geaiguin lea divššodandiibmu beaivveáigge spesialisttapoliklinihkas Álttás dahje spesialisttadoavttirguovddážis Kárášjogas. Doppe čađahuvvo dulkon videokonferánssa (skype) bokte.

Hámmárfeasta buohcciviesu dulkkas lea maid vejolašvuohta dulkot pasieanttaid ovddas geat leat sisačálihuvvon buohccivissui.

Vuordinlatnja

​Pasieanttaide ja oapmahaččaide lea vuordinlatnja resepšuvnna buohta 2. gearddis.