Idjadit pasieantahoteallas

Bures boahtin Hammerfeastta buohcciviesu gynekologalaš ja riegádahttinossodahkii

Don sáhtát orrut min pasieantahoteallas 5. gearddis jus fal lea sadji. Mis leat vihtta lanja áhpehis nissoniidda, riegádahttán nissoniidda ja sin mielčuovvuide, ja máná lagamusaide, go mánná lea mánáidossodagas.

 

​Váldde oktavuođa riegádahttinossodagain jus áiggut lanja, ja doppe čálihat sisa ja vieččat čoavdaga.

Áhpeheamit geat vurdet riegádahttit

Dát guoská áhpehemiide geat medisiinnalaš sivaid geažil fertejit orrut riegádahttinossodaga lahka, go ii leat hoteallalatnja fidnemis Hammerfeasttas.

Galgá ráhkaduvvot plána dasa mo riegádahttinossodaga čalbmeeadni galgá čuovvolit áhpehis nissona dili. Don galggat maiddái oažžut gihppaga "Bures boahtin riegádahttin- ja mánnáoažžunossodahkii".

Jus dárbbašat oktavuođa čalbmeetniin, de sáhtát váldit oktavuođa riegádahttinossodagain. Borrat oaččut pasieantahoteallas mánnodagas duorastahkii ja riegádahttinossodagas bearjadagas sotnabeaivái.

Mánnáseaŋggas

Dearvvaš nisu gii lea riegádahttán dearvvaš máná, sáhttá válljet orrut mánnáoažžunossodagas dahje pasieantahoteallas, jus doppe lea sadji. Riegádahttán nisu ferte ieš háhkat dieđuid das mo ossodat čuovvola easkkariegádahttán eatni ja easkkariegádan máná.


Mánná:
O2saturasjon
Gulu iskat
Følling-iskkadeapmi
Vihkket 2. ja 3. beaivvi maŋŋel riegádeami
Mánáiddoavttir iská máná
Eadni:
Čuovvoleapmi maŋŋel riegádahttima
Bagadit njamaheami hárrái
Ságastallan maŋŋel riegádahttima
Olggosčálihanságastallan

Mánná:

  1. O2saturasjon
  2. Gulu iskat
  3. Følling-iskkadeapmi
  4. Vihkket 2. ja 3. beaivvi maŋŋel riegádeami
  5. Mánáiddoavttir iská máná

Eadni:

  1. Čuovvoleapmi maŋŋel riegádahttima
  2. Bagadit njamaheami hárrái
  3. Ságastallan maŋŋel riegádahttima
  4. Olggosčálihanságastallan

Čalbmeeadni dahje mánáiddivššár váldá oktavuođa juohke váktamolsumis, ja muđui sáhtát gulahallat riegádahttinossodagain.

Golut

Go leat medisiinnalaš ákkat dasa ahte áhpehis dahje riegádahttán nissonis lea olmmoš mielde, de orru dat nuvttá. Muđui máksá 455,- kr. jándoris oktan borramušain.

Jus lea sadji, de sáhttá okta lagas olmmoš orrut ovttas etniin mánnáoažžunossodagas. Mii fállat ovtta jándora nuvttá idjadeami riegádahttima oktavuođas. Rehkega idjadeami ovddas sáddet mii poastta mielde.

Go vuolgigoađát, de atte dieđu riegádahttinossodahkii vai besset registreret orruma.

Doavttir mii lea vávttas, mearrida galgá go lagasolmmoš sisačálihuvvot ossodahkii

Buot mánáin mat sisačálihuvvojit mánáidossodahkii, lea vuoigatvuohta oažžut ovtta lagas olbmo leat su luhtte, ja orrut ja borrat nuvttá. Go leat erenoamáš ákkat, de sáhttet áhpeheamit, mánnáoažžut ja pasieanttat gynekologalaš ossodagas oažžut gokčojuvvot orruma ja borrama ovtta mielčuovvu ovddas.

 Čálit

Oktavuohta

Riegádahttin, Hámmarfeasta