Mánát riegádan ovdal áhpehisvuođavahkku 37

Lihkku unnoraččain!

Mánát riegádan ovdal áhpehisvuođavahkku 37 mat orrot ovttas etniin mánnáoažžunossodagas, dárbbašit veahá eambbo čuovvoleami.

 

Liekkas

Doalat máná liekkasin.

Du mánná berre dávjá dovdat iežas álás liikki du liikki vuostá, eandalii gokčasa vuolde.

Ane mánás gahpira vai ii masse lieggasa.

Go mánná ii leat du liikki vuostá, de berre dat leat gárvvuid ja ránu siste.

Čižžemielki

Njamahit galggat vuosttaš geardde diimmu sisa maŋŋel riegádahttima. Du mánná galgá njammat juohke goalmmát diimmu miehtá jándora, eandalii dávjjit. Vuosttaš guokte beaivvi dárbbaša mánná liige borramuša lassin dasa go njamahat. Dasa oaččut bargiin veahki. Mii ráhkadit njammanskovi man bokte čuovvut mielde man ollu manná njammá.

Vai lea sihkar ahte doarvái mielki boahtigoahtá, de berre eadni pumpegoahtit iežas farggamusat, ii ge maŋŋel go guhtta diimmu maŋŋel riegádahttima.

Varrasohkkara mihtidit

Vuosttaš jándora sisa maŋŋel riegádeami mihtidit mii máná varrasohkkara. Dan dihte čuggestit mii máná šušmmi. Vuosttaš geardde mihtiduvvo guokte diimmu maŋŋel riegádeami, ja mii dasto čuovvolit mihtidemiid viidáseappot.

Mánáiddoavttir

Mánáiddoavttir iská máná vuosttaš ja goalmmát beaivvi maŋŋel riegádeami.

Deaddu

Mii vihkket máná okte beaivvis, álás ja ovdal go njámmá. Lea dábálaš ahte mánná sáhttá geahpput gitta 7-8 % riegádandeattus.

Ruoktot

Ovdal go vuolgibeahtti ruoktot, de ferte mánná lossugoahtán. Sáhttá gollat viđa beaivvi rájes logi beaivvi rádjái ovdal go dat dáhpáhuvvá. Don berret ruovttubáikki dearvvašvuođaguovddážiin gulahallan ovdal go guođát mánnáoažžunossodaga.

Mii sávvat ođđa bearrašii dearvvuođa!

 Čálit

Oktavuohta

Riegádahttin, Hámmarfeasta