Šliivemobiliseren

Pasieantii dieđut

Eastada geahpesvuolšši ja buorida vuoigŋama

Lunge
 

​Čilgehusat iešguđet doaimmaid birra:

Fysalaš aktivitehta

Lihkadeapmi ja čohkkán-, čuožžun-,veallán- ja vázzinrievdadeamit leat dehálaš doaimmat šliiveluvvemii. Rávvejuvvojit hárjehusat gieđaiguin ja julggiiguin ja molsut gaskkal veallama, čohkkáma, čuožžuma ja vázzima. Hárjehusat maid vásihat lossadin addet buoremus ávkki. Ovdamearkkat dasa leat čibbesojahallan  ja seamma sajis márset gieđaiguin ja julggiiguin. Šliivvi ferte váldit eret dađistaga dahje maŋŋel.

Mini-PEP:

«Njurggon» mii caggá olggos vuoigŋama. Dat rahpá oktii gahččan geahpesgođđosa ja luvve šliivvi. Dat sáhttá maid dagahit ahte šaddá čiekŋaleappot ja hilljáneappot vuoigŋan. «Bossunbohttalis » lea seamma váikkuhus.

Mini-PEP

Čiekŋalis sisa vuoigŋan:

Vuoiŋŋa sisa nu ollu áimmu go nagodat. Jus nagodat de doala vuoiŋŋahaga 1-3 sekundda, ovdal go luoittát vuoiŋŋahaga ja vuoiŋŋat olggos.

Bavssabossun:

Čavge baksamiid go vuoiŋŋadat olggos, seamma ládje go dalle go bosut liegga juhkosa/máli dahje muhtun čuojanasa. Dat sáhttá dagahit ahte šaddá čiekŋaleappot ja hilljáneappot vuoigŋan.

Nordan:

Vuoiŋŋa hilljánit sisa ja vuoiŋŋa olggos rabas njálmmiin ja čoddagiin, seamma ládje go dalle go bosut lásii dahje speadjalii. Guhkes hilljánis nordamat sirdet šliivvi mii lea darvánan vuolemussii vuoiŋŋahatbohcciide ja das bajás guvlui, oanehis garra nordamat leat buoremusat go šliivi lea darvánan badjelii. Nordamat leat eambbo fuolalaččat ja dain lea eambbo ávki go gossat dasa ahte sirdit ja oažžut bajás šliivvi.

Sekveansaevttohus:

  1. Čohkket vuohkkasit seŋgii, seaŋgaravdii dahje stullui.
  2. Njulge čielggi ja luoitte olggiid vulos.
  3. Mini-PEP: 
    10 bossuma x 3. Vuoiŋŋa jaskadit sisa ja olggos njurggona čađa. Olggos vuoigŋan galgá bistit guhkit ja galgá leat garraset go dábálaš vuoigŋan.
  4. Vuoiŋŋa hilljánit ja dábálaččat.
  5. 3–4 čiekŋalis sisa vuoigŋan, doala áinnas vuoiŋŋahaga 2-3 sekundda.
  6. Nordal 3–4 geardde.

Gearddut sekveanssa dássážii go vuoiŋŋahat rahpasa.

sekveanssa

Geahččalatta daid iešguđet lágan teknihkaid dan mielde maid ieš dovddat doibmet dutnje juste dál.

Mii rávvet ahte dagat sekveanssaid mini-PEP:in ja vuoigŋanhárjehusaiguin 4 gearddi beaivái. Áinnas dávjjibut jus dus lea ollu šliivi vuoiŋŋahatbohcciin.

Váldde gulul šliivemobiliseremis – ale huša ja bágge iežat.

Váldde áinnas bottuid main jugat liegga juhkosa ja mas fanahalat gieđaid.

Váccaš veahá ja/dahje daga giehta- ja juolgehárjehusaid.

Movt dustet garra guorsama:

  1. Gávnna buori vuoiŋŋastansajádaga – áinnas čohkkut.
  2. Boso baksamiiguin, dat sáhttá jaskkodahttit guorsama.
  3. Vuoiŋŋa sisa njuniin ja vuoiŋŋa oanehaččat olggos bavssabossumiin.

Evttohusat mot sáhttá vuoiŋŋastit:

vuoiŋŋastit

Čálit gihppaga

Oktavuohta

Ergoterapiija, Hámmárfeasta
Fysioterapiija, Hammárfeasta
Fysioterapiija ja ergoterapiija, Girkonjárga