Veajuiduhttin, jándorovttadat

Pasieanta- ja oapmahaš dieđut

Bures boahtin Veajuiduhttimii, jándorovttadahkii
 

Ovttas duinna du dearvvašvuođa dihte!

Jándorovttadat fállá dearvvašvuođabálvalusaid pasieanttaide geain leat máŋggadáfot váttisvuođat ja geat dárbbašit fágaidrasttildeaddji spesialiserejuvvon veajuiduhttima.

  • Gáldnanvihki
  • Traumáhtalaš oaiveváddu
  • Máŋggabealat traumat, hávvádeamit dáktedoadjima oktavuođas ja eará duođalaš dávddat
  • Kronalaš nevrologaš dilálašvuođat

Dikšu ja oahpahus lea oadjebas ja heivehuvvon birrasis. Ulbmil lea nannet iešbirgejumi, sorjjasmeahttunvuođa ja návccaid hálddašit iežas eallima. Mis lea lagaš oktavuohta gielddadearvvašvuođabálvalusain vai sáhttit nu bures go vejolaš láhčit pasientii maŋŋá olggosčáliheami.

Bistu ja orrun

  • Árvvoštallanorrun - eanemusat 14 beaivvi
  • Vuođđonávccaiduhttin - 4-8 vahkku
  • Sekundáranávccaiduhttin - 2-4 vahkku

Bálvalusfálaldagat

Jándorovttadat leat 6 seaŋgga mas lea fálaldat birra jándora. Sisačáliheami oktavuođas deaivvada pasieanta fágaidrasttildeaddji veahkkejoavkkuin mii veahkeha veajuiduhttimiin. Dearvvašvuođadilli kártejuvvo, ja dan ektui biddjojuvvojit mihtut orrumii.

Fágaidrasttildeaddji veahkkejoavkkus lea oaidnopedagoga, logopeda, fysioterapevta, ergoterapevta, buohccidivššár, dearvvašvuođadivššár ja doavttir. Dasa lassin lea mis dysfagiijaveahkkejoavku, vuodjinkoartaárvvoštallan, nevropsykologalaš árvvoštallan, ja poliklinihkalaš doaibma.

Gos gávnnat min?

Galledanáigi: Mis ii leat biddjon galledanáigi, muhto mii ávžžuhat ahte guossit bohtet maŋŋá dii 16.00 árgabeivviid.

Čujuhus 2015:s: Dr. Palmstrøms vei 15 9900 Girkonjárga

Tlf.: 78 97 31 52 / 78 97 31 57

Buohkat sáhttet váldit oktavuođa minguin jearran dihte ráđiid dahje digaštallat iešguđetge áššiid mat gusket veajuiduhttimii.

Mii fárret ođđa buohccivissui 2017 giđa, čáppa guvlui Stuorrajávrri lahka Skytterhusfjellet:s.

 

Oktavuohta

Veajuiduhttin, jándorovttadat