Dávdda dovdomearka ja movt dávdda fuobmá  

Lađasgiksi boahtá fáhkka ja addá bákčasiid, bohtaneami ja stirddu lađđasiidda. Dábálaččat eai leat unohasvuođat máŋgga lađđásis oktanaga, muhto dávjjimus boahtá unohasvuohta goappaš boaski lađđasiidda. Go vuolši lea liikkis mii lea lađđasiid birra, de sáhttá dakko leat ruoksat ja bohtás guhkkin eret ieš dan lađđasa lahka. Muhtimiidda sáhttá boahtit illáveaje dovdu, feber, dávdadovdu ja goike gosahat. Go oažžu goikegosahaga, dat muitala ahte lea vuolši geahppáid bohccis ja geahppáid njárččá birra.

Rávssát leat sáhppadat, dovdojit árástuvvon bávččas čuolmmat liiki siste, hui dávjá deahkis čippiid vuolábealde. 

Movt bidjo diagnosa?

Diagnosa bidjo klinihkalaš dávdadovdomearkkaiguin: Lađasvuolši ja bohtanan, sáhpodan čuolmmat liikkis.Røntgeniskan, ja maiddai CT-iskan geahppáin ja geahppáid bohccis, sáhttet čájehit leat go rávssát bohtanan ja leago vuolši geahppáid njárččás. Varraiskosat sáhttet čájehit lea go vuolši mas lea alla njiedjan reakšuvdna ja alla CRP. 

Dávdda sáhttá buoridit go atná dálkasa (NSAID) mii unnuda vuolšši. Dan dálkasa sáhttá dárbbustis mielde atnit. Jus leat dat dábálaš dávdadovdomearkkat, nugo feber, garra lađasvuolššit ja jus unohasvuohta dovdo geahppáin, de sáhttá Prednisolon nammasaš dálkasiin addot dikšu. Kortisondálkasa cirgalit lađđasiidda lea maid okta dikšunvuohki. 

Prognosa

Fáhkka sarkoidose, Løfgrens syndrom, lea ovtta lágan sarkoidose, mii jávká ieš measta buohkain geat ožžot dan dávdda. Eará suorggit dán dávddas sáhttet bisttit guhkit ja dain sáhttet eará váttut vel čuovvut. Eatnasiin bistá fáhkka sarkoidose máŋgga vahkkus gitta máŋgga mánnui. Dálkasiin sáhttá bákčasiid geahppudit. Eatnasat dearvvašmuvvet, ja dávjá dávda ii boađe šat. Jus gávdno sarkoidose geahppatnjárččáin, de ferte geahpesdoavttir dan dárkkistit ja čuovvut mielde.

Čuovvoleapmi dáhkko fástadoaktára (dahje revmatologa) luhtte dassá go dávdadovdomearkkat leat jávkan. Jus geahppáin ain lea dat dávda, de lea čuovvoleapmi geahpesdoaktáris.