Váldit CT oaivvis

Vuordináiggit

Loga eanet vuordináiggiid birra (dárugillii) (Helsenorge)

Álggahus

Váldit CT oaivvis lea erenoamáš ávkkálaš go galgá iskat:

vardimiid, aneruismaid (go varrasuonat buljagit), vuoiŋŋamaššattalmasaid ja vuoiŋŋamašvaháguhttimiid.
fuobmát šattalmasaid
dohppehallamiid

Muhtun háviid ferte bidjat kontrásta varrasuonaide, muhto dat lea čadnon dasa maid mii galgat iskat govain.

Čujuhusat ja árvvoštallamat

Doavtterčujuhus buohcciviesus dahje fástadoaktáris/vuođđodearvvašvuođabálvalusas.

Dearvvašvuođabargit

Čujuhusa listu - fástadoavttir dahje earát dearvvašvuođabálvalusas čujuhit guorahallamii

Dearvvašvuođabargit

fástadoavttir dahje earát dearvvašvuođabálvalusas čujuhit guorahallamii

Fástadoavttir dahje eará dearvvašvuođabálvalus čujuha čielggadeapmái
Kreatinin/eGFR ferte devdojuvvot iskkademiin main kontrástaávnnas galgá geavahuvvot.
Čále dáhtona goas iskkus lea váldon.
eGFR ferte rekvirerejuvvot ovddemusat go iskosa váldá. Ii leat šat doarvái rekvireret kreatinina.
Atte čielga dieđu ahte čujuheamis lea sáhka fáhkka veahkis dahje ahte sáhttá go pasieanta gohččojuvvot diibmui.
Fáhkka veahki oktavuođas galgá álot sáddet pasieantta mielde čujuhusa báberhámis, lassin elektrovnnalaš čujuheapmái.
Mii fertet diehtit mii pasieanttain lea šiehtaduvvon.
Merke čujuhusa "lea hoahppu gráda".
Jus pasieanta lea áhpeheapme, de ferte dat boahtit ovdán čujuhusas.
Jus pasieanttas lea dárbu dulkii, de ferte dat namuhuvvot čujuhusas, ja maiddai makkár giela pasieanta hupmá. Dulka ii sáhte leat áhpeheapme.
Čujuhusas fertejit boahtit ovdán:

buorit klinihkalaš dieđut
Oanehis ja dárkilis čilgehus mii váddu lea - maid háliida guorahallot

Das lea mearkkašupmi CT -protokolla válljemii ja ahte govat duođai gokčet dan maid jearrabehtet.

Ovdal

Iskkadeapmái ii dárbbaš moktege ráhkkanit.

Jus geavahat tableahtaid main lea Metformin diabetesa vuostá, de galggat váldit daid nugo dábálaččat jus it oaččo eará dieđu buohcciviesus.

Jus leat váldán bottu geavaheames tableahtaid, de fertet kontrolleret monimašdoaimma guokte beaivvi maŋŋel iskosa fástadoaktára luhtte ovdal sáhtát joatkit tableahtaiguin.

Dábálaččat ii geavahuvvo CT dallego lea áhpeheapme. Jus leat áhpeheapme, de fertet váldit oktavuođa čujuheaddji doaktáriin ja muitalit dan birra buori áiggis ovdal iskkadeami.

Dárkilis dieđut iskosa ráhkkaneapmái sáddejuvvojit dutnje gohččuma mielde dahje addojit ossodagas go diibmu šihttojuvvo.

Vuollel

Iskkadeamis veallát don beaŋkka alde mas lea mutuvrra, mii vuodjá du dan oanehis CT- mašiinna ráigái. CT - mašiinnas leat ráiggit goappaš gežiin.

Beaŋka sirdása dađistaga go mašiidna govve.

Eaŋkilis govvaráidu ádjána dušše moadde sekundda. Muhto dat sáhttá váldit máŋga govvaráiddu. Govva kvalitehta dáfus lea áibbas mearrideaddji ahte veallát áibbas jaska olles iskkadeami vuolde.

Mii árvvoštallat leago dárbbašlaš bidjat røntgenkontrásta varrasuonaide juohke ovttaskas háve. Jus dan dahkat, de biddjo (boahkuhuvvo) kontrástagolggus plastihkkanáluin maid mii bidjat varrasutnii dađistaga.

Dus jerrojuvvo ovdagihtii vejolaš ovddeš reakšuvnnaid kontrástagolgosii, ja allergiijaid, ástmá ja diabetesa birra. Kontrásta dagaha hárve unohisvuođa, muhto oallugat dovdet vássevaš lieggasa rupmaša čađa.

Bargit mannet olggos iskkadanlanjas go govvejit. Mii áicat du láseráiggi ja gullat du mašiinna mikrofuvnna bokte.

Dábálaččat ádjána iskkadeapmi sullii guoktelogi minuhta.

Maŋŋil

Ruovttumátki

Go lea CT - iskkadeapmi mas kontrásta boahkuhuvvo (varrii), de bivdit mii du vuordit 30 minuhta ossodagas maŋŋeliigo kontrásta lea biddjon sisa. Mii váldit nálu olggos go vuordináigi lea nohkan.

Eará pasieanttaide eai guoská makkárge erenoamáš čuovvoleamit.

Iskkadeami boađus.

Røntgendoavttir guorahallá govaid ja ráhkada čálalaš raportta das maid govat čájehit. Raporta sáddejuvvo doaktárii gii čujuhii du.

Govat ja raporta vurkejuvvo min dihtorvuogádahkii.

Fáhkkatlaš dilálašvuođain addojuvvo gaskaboddosaš vástádus njuolga maŋŋel iskkadeami.

Leage várrogas

Dábálaččat ii leat riskabealli čadnon dán iskkadeapmái. CT - iskkadeapmi mielddisbuktá ioniserejeaddji suonjardeami ja iskkadeapmi galgá heivehuvvot nu ahte suonjardosa lea nu vuollingo vejolaš lea.