HELSENORGE
Velg språk

Videokonsultasjon

Konsultašuvnnain gos fysalaš iskkadeapmi ii dárbbašuvvo, de sáhtát oažžut fálaldaga atnit videokonsultašuvnna. Mii geavahit “Skype for Business" mii lea dohkkehuvvon adnot pasieantakonsultašuvnnaide buot Gaska-Norgga dearvvašvuođadoaimmahagain. Dán siiddus gávnnat dan maid dárbbašat vai sáhtát oktavuođa laktit ja searvat videokonsultašuvdnii iežat dikšuin.


Álggahus


Videokonsultašuvnnain lea stuora ovdamunni ahte it dárbbaš vuolgit buohccivissui go ii leat dárbbašlaš. Jus lea dárbu iskkadeapmái dahje čuohpadeapmái, de fertet buohccivissui. 
Eai buot min poliklinihkat/ossodagat vuos fála videokonsultašuvnnaid. Jeara iežat dikšus sáhttá go boahtte konsultašuvnna čađahit videos.

Mieđáhus ja e-boastačujuhus

Du dikšu dárbbaša njálmmálaš mieđáhusa dus vai sáhttá atnit videokonsultašuvnnaid. Mieđáhus duođaštuvvo, ja don sáhtát geassit dan ruovttoluotta vaikko goas, itge dárbbaš almmuhit siva dasa, ja dát ii čuoza du dikšui. Jus áiggut ruovttoluotta geassit iežat mieđáhusa, de válddát oktavuođa poliklinihka čálliin gos dus galgá leat videokonsultašuvdna.

Don galggat almmuhit iežat e-boastačujuhusa vai mii sáhttit sáddet dutnje gohččuma videokonsultašuvdnii.

Teknihkalaš gáibádusat sáhttit searvat videokonsultašuvnnaide

  1. Dus ferte leat mátketelefovdna, neahttaduolbbus dahje mátkedihtor (Windows) mii lea laktašuvvon internehttii. Ferte leat stabiila Interneahttaoktavuohta (WIFI/4G)
  2. Sáhttit viežžat ja sajáiduhttit áppa “Skype for Business” mátketelefovdnii dahje neahttadulbosii (mátketelefovnnas “Skype for Business” sáhttá atnit neahttalohkkis). 
  3. Sáhttit lohkat persovnnalaš e-boastta dan ovttadagas maid don áiggut atnit (mátketelefovdna/neahttaduolbbus/mátkedihtor)
Fuomáš: Skype for Business áppa ii doaimma Chromebook:i.

FUOM! Videogova sirdin gáibida ahte dus lea vissis mutto datahivvodat geavahanláhkái.  Jus anát 4G, de ferte báhcán doarvái datahivvodat diŋgojumis vai lea vejolaš čađahit videokonsultašuvnna. Mii rávvet danin atnit Wifi doppe gos dan lea vejolaš dahkat.

Golut

Videokonsultašuvnnat leat bálddastahtton fysalaš boahtimiin dikšu lusa. Don vuostáiválddát fakturá iežasoasi ovddas, seammago fysalaš boahtimis.

Jávohisgeatnegasvuohta ja persovdnasuddjen

Seamma ládje go fysalaš boahtimis, de Dearvvašvuođabargiidlága ja Pasieantavuoigatvuođalága njuolggadusat jávohisgeatnegasvuođa birra leat stivrejeaddjin videokonsultašuvdnii ja dieđuid gieđahallamii ságastallamis. Relevánta ja dárbbašlaš dearvvašvuođadieđut journálii čállojit seamma ládje dego ságastallan livččii dáhpáhuvvan njunnálagaid dahje telefovnna bokte. 

Sihkarvuođa sivaid geažil ii adno “dábálaš” Skype, muhto Skype for Business. Skype for Business atná, krypterejuvvon linjjá, ja ságastallan (jietna ja govva)ii vurkejuvvo internehttii iige min serveriidda. Čovdosis iige leat vejolašvuohta sáddet teakstadieđuid («chat»). 

Lagabut dieđuid dan birra movt du persovdnadieđut gieđahallojit, čuožžu min personsuddjencealkámušas (bija báikkálaš liŋkka).

Jearaldagain sáhttá váldit oktavuođa personsuodjalanáittardeddjiin e-boastta bokte: 
  • Davvi-Trøndelága Dearvvašvuohta: postmottak@hht.no
  • St. Olavs hospital: post@stolav.no
  • Møre ja Romsdal Dearvvašvuohta: postmottak@helse-mr.no


Čujuhusat ja árvvoštallamat


Ovdal

Lea dehálaš don leat oahpásnuvvan min teknologiijii buori áiggis ovdal vuosttaš videokonsultašuvnna. Mii rávvet don geavahat mátketelefovnna dahje neahttadulbosa jus dus lea vejolašvuohta dan dahkat. Lea dehálaš don vieččat áppa “Skype for Business” buori áiggis ovdal videokonsultašuvnna ja oahpásnuvat dasa movt dan galggat atnit.

Mátkedihtoris don it dárbbaš ovdagihtii viežžat “Skype for Business”.

Beroškeahttá áiggut go atnit mátketelefovnna, neahttadulbosa dahje mátkedihtora, de mii rávvet du dárkilit lohkat buot dieđuid vuolábealde mat gusket viežžamii/sajáiduhttimii ja movt lavttat oktavuođa dainna ovttadagain maid háliidat atnit.

Maŋemus cavgileapmi lea ahte fuolat ahte ovttadat leat elrávdnjái laktojuvvon (vej. ahte báhtter lea dievva) ja ahte don čohkkát jaskes lanjas gos lea buorre čuovga). 

Movt válbmet mátketelefovnna/neahttadulbosa videokonsultašuvnnaide?

iPhone/iPad

  1. Mana «App Store». 
  2. Deaddel OZA vuolemusas olgešbeale šearpmas.
  3. Čále SKYPE FOR BUSINESS ohcanfealttas.
  4. Deaddel VIEČČA áppas «Skype for Business».
  5. Maŋŋel sajáiduhttima rabat don áppa «Skype for Business». Don fertet vástidit duođaštemiin (Suova/OK) jearaldahkii ahte áppa beassá du govvenapparáhttii, mikrofovdnii, oktavuođaide jnv. 
  6. Ale logge sisa - gidde áppa.

Android

  1. Maŋa “Play Butikk” iežat mátketelefovnnas.
  2. Čále SKYPE FOR BUSINESS ohcanfealttas bajemusas šearpmas.
  3. Deaddel SAJÁIDUHTE áppas «Skype for Business».
  4. Maŋŋel sajáiduhttima rabat don áppa «Skype for Business». Don fertet vástidit duođaštemiin (Suova/OK) jearaldahkii ahte áppa beassá du govvenapparáhttii, mikrofovdnii, oktavuođaide jnv. 
  5. Ale logge sisa - gidde áppa.

Iskat videokonsultašuvnna mátketelefovnnas/neahttadulbosis

Maŋŋel go leat sajáiduhttán áppa mátketelefovdnii dahje neahttadulbosii, de berret iskat oktiilaktima. E-boastagohččumis maid ožžot buohcciviesus, gávdno liŋka boahtte videokonsultašuvdnii.

  1. Deaddel liŋkii “Deaddel DÁKKO vai searvvat videokonsultašuvdnii”
  2. Deaddel «Searvva guossin»
  3. Čále iežat nama ja deaddel dan stuora alit njuola.
  4. Dál boađát videokonsultašuvnna virtuála lobbyi (vuordinlatnjii). Geahččaleapmi lihkostuvai, ja don loahpahat go deaddelat Botke.

Movt gárvvistit mátkedihtora videokonsultašuvnnaide?

Jus dus ii leat Skype for Business sajáiduhtton dihtorii, de lea dárbu sajáiduhttit ovtta “lasáhusa” vai sáhtát čađahit videokonsultašuvnna dihtora neahttalohkkis. 

E-boastagohččumis maid ožžot buohcciviesus, gávdno liŋka boahtte videokonsultašuvdnii. 

Bilde av hvor du skal trykke for å delta i videokonsultasjon.


Deaddel liŋkka «Deaddel DÁKKO vai searvvat videokonsultašuvdnii

Skjermdump av hva du skal trykke for å installere skype
Vállje don áiggut«Sajáiduhttit ja searvat Skype-čoahkkima neahttaáppa bokte
Vállje don áiggut«Sajáiduhttit ja searvat Skype-čoahkkima neahttaáppa bokte».Vállje don áiggut«Sajáiduhttit ja searvat Skype-čoahkkima neahttaáppa bokte».Skjermdump av om du vil installere skype
Go viežžan álgá, de fertet válljet «Sajáiduhte» vai neahttalohkkái sajáiduhtát lasáhusa.
Skjermdump av tekstboks om du vil godta for å bli med i skypemøte
Etter installasjonen: Trykk «Ja» for å bli med i møtet.Maŋŋel sajáiduhttima: Deaddel «Juo» vai searvvat čoahkkimii.
Skjermdump av velkommen-boks
Skriv inn navnet ditt og trykk «Bli med».Čále iežat nama ja deaddel «Searvva mielde».



Sikkerhetsadvarsel

Don sáhtát vásihit ahte oaččut sihkarvuođavárrehusa go leat deaddelan “ Searvva mielde” . Dalle gal fertet válljet "Atte lobi"
Go leat deaddelan Searvva mielde (vej. “Atte lobi”), de boađát videokonsultašuvnna vuordinlatnjii. 

Don leat dál geargan gárvvistit dihtora, ja dalle giddet dán ruvtto dihtoris (deaddel X badjin olgeš čiegas)

Jearaldagat maid dávjá jerret

Manin mun in sáhte atnit Chromebook videokonsultašuvdnii?

Odne lea nu ahte Android - veršuvdna Skype for Business áppas ii doaimma 100 % Chromebooka operatiivavuogádagas (ChromeOS). Vuordimis boahtá sierra veršuvdna áppas ChromeOS:i, muhto dassážii dat dáhpáhuvva, de ii sáhte atnit Chromebook videokonsultašuvdnii Skype for Businessain.

Máksá go maidege viežžat dahje atnit áppa “Skype for Business”?

Lea nuvttá sihke viežžat ja atnit dán áppa. Jus don anát mátketelefovnna (4G), de diehtojohtolat váldo du diŋgojumis dábálaš vuogi mielde. Mii rávvet don geavahat Wifi jus dus lea vejolašvuohta dan dahkat.

Mun in sáhte viežžat áppa mátketelefovdnii.

Iskka don leat laktojuvvon WIFi:ai, ja ahte leat loggen sisa iežat App Store/Google Play kontui.

Mun in oaččo johtui appa Androidas.

Muhtin mátketelefovnnain leat sihkarvuođaválljemat mat dagahit don it beasa bidjat johtui Skype for business. Geahččal oaidnit ihtet go dieđut šearpmas maid fertet vástidit.

Mun in oaččo video doaibmat

Mana válljemiidda/settings mátketelefovnnas, gávnna Skype for business listtus. Deaddel dan ja iskka leat go kámeralobi áppii addán.

Mun in oaččo jiena doaibmat

Mana válljemiidda/settings mátketelefovnnas, gávnna Skype for business listtus. Deaddel dan ja iskka leat go mikrofovdnalobi áppii addán.

Makkár geavaheaddjinama/beassansáni galggan mun atnit go mátketelefovnnas/neahttadulbosii galggan logget Skype for Business-áppii?

Don it galgga válljet molssaeavttu “Logge sisa” Skype for Business:i, muhto “Searvva guossin”. Dalle it dárbbaš geavaheaddjinama/beassansáni, muhto čálát dušše iežat nama ja deaddelat dasto dan alit njuola vai lavttát oktavuođa.

Mun lean deaddelan “Searvva guossin”, ja ihttá šearbmagovva mas čuožžu “Lihku čoahkkimiin”, muhto alit gierdu dušše jorrá. Maid mun dagan?

Cavgileapmi: 
  1. Jus dán šearbmagovas lea jorran badjel 30 sekundda, deaddel «Botke» ja vállje dasto «Searvva guossin» vel oktii. 
  2. Jus leat laktašuvvon mátketelefovdnanehttii (4G), de sivvan sáhttá leat ahte dus ii leat doarvái datahivvodat geavahanláhkái. Čoavddus: lavtte Wifi oktavuođa.

Movt galggan álggahit videokonsultašuvnna?

Videokonsultašuvnna álggahit go deaddelat liŋkka “Deaddel DÁKKO vai searvvat videokonsultašuvndii” ii lea sisagohččumis maid mii sáddet dutnje e-boasttas. Muhto ovdal go dán dagat, de lea dehálaš ahte don leat lohkan ja čuvvon bagadusa mii guoská viežžamii/sajáiduhttimii ja movt don lavttát oktavuođa dainna ovttadagain maid háliidat atnit. 

Mun in gávnna buohcciviesu gohččuma iežas e-boastabovssas

Dá leat min golbma cavgileami:
  1. Jus leat deaddelan “Dohkket” sisagohččumis, de sáhttá gohččun sirdojuvvon du kaleandarii. Iskka lea go guoskevaš dáhton du kaleandaris.
  2. Jus it gávnna šiehtadusa kaleandaris ge, geahččal ohcat sisagohččuma e-boastabovssas. Oza omd. váldosániin “video”. 
  3. Jus vel it gávnna gohččuma, de váldde oktavuođa buohcciviesu guoskevaš ossodagain vai sii sáhttet dutnje fas sáddet sisagohččuma.

Mun in gula dikšu

Bajit mátketelefovnnas jiena. Jietnaboallu lea dávjá mátketelefovnna gilggas. Iskka maiddái ahte don it leat jiena botken áppas (skájanas ikona). Skájanasa ikona.

Kámera ii čájet mu

Dus lea sihkkarit váldokámera alde mátketelefovnnas. Deaddel muhtun sajis šearpmas ja vállje kámeraikona badjin olgeš bealde mii molsu kámera maid don čájehat.

Mus lea WIFI laktojuvvon oktavuohta, muhto in oaččo kámera johtui

Don leat sihkkarit laktojuvvon almmolaš fierpmádahkii mas leat sihkarvuođaválljemat mii dagaha don dađibahábut it oaččo video johtui.


Vuollel

Konsultašuvdna čađahuvvo dego ságastallan livččii dáhpáhuvvan oktiičalmmiid buohcciviesus. Álggadettiin lea dehálaš ahte buohkat muitalit geat sii leat. Jus dus lea olmmái/oapmahaš mielde ságastallamis, de lea dehálaš ahte muitaluvvo gii son lea ja ahte son lea dikšui oidnosis.

Ná don lavttát iežat ja searvvat videokonsultašuvdnii mátkedihtoriin/neahttadulbosiin.

Čuovo vuolábealde bagadusa jus don juo leat viežžan áppa “Skype for Business” mátketelefovdnii/neahttadulbosii. Jus dan it leat dahkan, de geahča oasis “Movt válbmet mátketelefovnna/neahttadulbosa videokonsultašuvnnaide” badjelis. 

  1. Gávnna sisagohččuma iežat e-poasttas, dahje mátketelefovnna/neahttadulbosa kaleandaris.
  2. Deaddel liŋkii “Deaddel DÁKKO vai searvvat videokonsultašuvdnii”.
  3. Jus ihtet gažaldagat, de vástit duođaštemiin ahte sisagohččun galgá rahppot áppas “Business/Skype for Business”
  4. Šearbmagovas “Buresboahtin Skype for Business:i” válljet don “Searvva guossin” (dehálaš: ale vállje “Logge sisa”). Čále iežat nama ja deaddel dan stuora alit njuola.
  5. Dasto vuorddát lobbys (vuordinlanjas) dassážii dikšu luoitá du sisa konsultašuvdnii.
  6. Go konsultašuvdna álgá, de ii leat kamerá ja mikrofovdna alde (  jáddaduvvon) Vai bijat jiena ja gova ala, de don galggat: 
    1. Deaddelit kámera symbola 
    2. Deaddelit mikrofuvnna symbola
  7. Go videokonsultašuvdna nohká, de deaddelat rukses boalu vai loahpahat dan.

Cavgileapmi: Geahča “Dávjá jerron jearaldagaid” jus vásihat váttisvuođaid oažžut kámera dahje mikrofuvnna doaibmat.


FUOM: Video lea Dearvvašvuođa Møre ja Romsdal ráhkadan, muhto bargovuohki lea seamma beroškeahttá makkár buohcciviesuin dus lea videokonsultašuvdna.

Ná don lavttát iežat ja searvvat videokonsultašuvdnii mátkedihtoriin.

Čuovo bagadusa vuolábealde jus don leat válbmen dihtora. Jus dan it leat dahkan, de geahča teakstaoasi “ Movt válbmet dihtora videokonsultašuvnnaide” badjelis.

  1. Gávnna sisagohččuma iežat e-boasttas. Deaddel liŋkka:  “Deaddel DÁKKO vai searvvat videokonsultašuvdnii."




2. Maŋŋel dán dieđu, de galgá moatti sekundda geažil rahppot ođđa govva, nugo oainnát 3. čuoggás.
 
Jus dat ii iđe automáhtalaččat, deaddel de “Geahččal searvat čoahkkimii ođđasit”





3. Čále iežat nama ja deaddel «Searvva mielde».



4. Sáhttá ihttit dákkár diehtu. Jus dan dahká, de deaddelat "Atte lobi"


5. Dál boađát lobbyi (vuordinlatnjii), gos vuorddát dassážii dikšu álggaha čoahkkima.

6. Go iešalddis konsultašuvdna álgá, de oainnát iežat šearpmas gova/video dikšus.

Iskka ahte dus lea video ja mikrofovdna alde, nie movt govas oainnát.  

Jus lea “sáhcu” symbolaid badjel, de dat mearkkaša ahte video ja/dahje mikrofovdna lea jáddaduvvon. Jus nu lea, de deaddelat oktii symbola vai bijat ala.




7. Go videokonsultašuvdna nohká, de deaddelat rukses boalu vai loahpahat dan.




 




Maŋŋil

Don vuostáiválddát fakturá iežasoasi ovddas, seammago fysalaš boahtimis.


Váldde oktavuođa

Ođasmahttojuvvon 21.09.2020

Gávdnet go dan maid ohcet?