Riegádahttin fálaldat Hámmárfeastta buohcciviesus

Hámmárfeastta buohcciviessu bissehii sisačáliheami buohccivissui golggotmánu 23. beaivvi Covid-19 dili geažil. Lea vejolaš ahte muhtin nissonolbmot riegádahttet buohcciviesus go dat lea šiehtaduvvon.


Hammerfest inngangsparty

Hámmárfeastta buohcciviessu lea bissehan sisačáliheami guokte vahku ovddasguvlui golggotmánu 23. beaivvi rájes, dan dihte go Hámmárfeasttas lea Covid njoammun. Buohcciviesus sáhttá ain oažžut fáhkka dikšumiid. 

Dát guoská áhpehemiide geat galge riegádahttit Hámmárfeastta buohcciviesus lagamuš áiggis:

  • Dain geain lea plánejuvvon keaisárčuohpadeapmi, dahje dain geain lea riegádahttin maid áigot álggahit, sirdojuvvojit eará riegádahttinossodahkii (Girkonjárgii dahje UNN). Dán mearrádusa dahká nissonolmmoš ovttas gynekologain Hámmárfeasttas.
  • Riegádahttinossodat váldá oktavuođa eará áhpehemiin geat galget riegádahttit Hámmárfeastta buohcciviesus. Riegádahttindoavttir dahje jorttamovra bidjá ovttasráđiin nissonolbmuin plánaid eaŋkil nissonii. Jos nisson háliida riegádahttit eará buohcciviesus, de mii veahkehat praktihkalaš bargguiguin maid ovddalgihtii ferte dahkat.
  • Muhtin nissonat ožžot fálaldaga riegádahttit Hámmárfeastta buohcciviesus. Jus riegádahttin dáhpáhuvvu Hámmárfeastta buohcciviesus de ii galgga orrun maŋŋil riegádeami bistit guhká. Jus ii hálit ruoktut sáddejuvvot maŋŋil ovtta jándora, de sáhtát sirdojuvvot ruovttugieldda dearvvašvuođaásahussii, Álttá riegádahttinlatnjii dahje hotellii Hámmárfeasttas. Muhtin nissonat ožžot fálaldaga orrut eará riegádahttinossodagas (Girkonjárggas dahje UNN), jus sis lea dárbu.

Guoibmi sáhttá mielde go aktiivvalaš riegádahttin lea álgán, jus sus eai leat vuoiŋŋahatbohcci dávdamearkkat, ii leat leamaš «rukses» riikkas dahje ii leat leamaš oktavuohta Covid buhcciin. Seamma guoská orrumii maŋŋil riegádeami.

Riegádahttin poliklinihkas lea ain vejolaš čađahit poliklinihkalaš konsultašuvnnaid mat eai sáhte vuordit.

Jos áhpehemiin dahje jorttamovrrain leat gažaldagat mat gusket dáid áššiide, váldde oktavuođa gynekologain čuovvovaš nummaris: 982 98 165, nummarii sáhttá riŋget birra jándora.