Sámi álbmoga geavaheapmi ja vásáhus elektrovnnalaš gulahallamis psyhkalaš dearvvašvuođasuodjalusas

Sámi oaidnu

Prošeavtta ulbmil lea iskat mo sámi pasieanttat geavahit ja vásihit elektrovnnalaš gulahallama psyhkalaš dearvvašvuođasuodjalusas. 2020:s galgá prošeakta iskat mo pasieanttat vásihit bálvalusa gos besset lohkat iežas elektrovnnalaš journála helsenorge.no portálas, mii lea nátionála dearvvašvuođaportála.

Ovddeš dutkanbarggut čájehit ahte go fállá elektrovnnalaš journála geahčadeami pasieanttaide, de dat váikkuha mo dearvvašvuođabargit čállet journálaid, ja dat sáhttá čuohcat pasieanta ja bargi gaskavuhtii.Gávdnojit unnán dieđut dán fáttá birra. Dán váilevašvuođa háliida Nasjonalt senter for e-helseforskning ja Sámi našuvnnalaš gealbobálvalus – psyhkalaš dearvvašvuođasuddjen ja gárrendilledikšu (SÁNAG) deavdit.


Mii diehtit maid ahte olbmo dearvvašvuođa, buozalmasvuođa ja divššodeami ferte veardádallat ovttaskas divššohasa kultuvrralaš oktavuođas. Mii áigut maid guorahallat váikkuhit go sámi árvvut, norpmat, dábit ja giella olbmo vásáhussii journála geahčadeami bálvalussii. Bálvalus ii leat gielalažžat ja kultuvralažžat heivehuvvon sámiide. Mii fertet sámi oainnun geahččat čuolmmaid mat leat čatnon psyhkalaš dearvvašvuhtii ja journála geahčadeapmái.

Mihttu

Čohkket vásáhusaid journála geahčadeami bálvalusa geavaheamis psyhkalaš dearvvasvuođasuodjalusas geavaheddjiin geain lea sámi identitehta.

Metoda

Semistrukturerejuvvon jearahallamat sámi pasieanttaiguin geain lea vásáhusat psyhkalaš dearvvašvuođasuodjalusas ja elektrovnnalaš journála geahčadeamis.

Prošeavtta bargit

Eli Kristiansen, prošeaktajođiheaddji, tel:  97 16 23 11
Asbjørn Johansen Fagerlund, dutki, tel:  97 60 47 09
Paolo Zanaboni, seniordutki, tlf:  91 55 46 36
Renathe Aspeli Simonsen, olgguldas prošeaktaoasálaš, SÁNAG, tel:  93 40 00 52

Eambbo dieđut

Ruhtadeapmi: Sámi našuvnnalaš gealbobálvalus- psyhkalaš dearvvašvuođasuddjen ja gárrendilledikšu (SÁNAG). 


Gávdnet go dan maid ohcet?