​Nákkáhallan juovlamánu 11. b. 2009

E-poasta: kevin.sunde.oppegaard@helse-finnmark.no

Kevin Sunde Oppegaard

Oppegaard sohka lea álgoálgosaččat Nordlándda ja Romssa fylkkas eret, muhto vádjoledje Afrihkkái 1900-logu álggus. Son riegádii Kenyas 1967:s ja fárrii Norgii 1981:s. Son gárvii medisiinna ámmátoahpu Oslo Universitehtas 1995:s ja spesialiseregođii riegádahttinveahkis ja nissondávddain 2000:s. Son dohkkehuvvui spesialistan 2006:s. Son jođihii iežas vuosttaš dutkanprošeavtta 2001:s ja bealuštii doavttergrádadutkosa 2009:s

Misoprostol's Preoperative Cervical Ripening Effect

Doavttir ja dutki Kevin Sunde Oppegaard lea buoridan vuogi mo čuohpadit goaŧŧu, nu ahte šaddá nu vuogas go vejolaš nissonii. Áigodagas 2001–2009 lea son jođihan njealje dutkama čoavjehávi dálkkasgeavahemiin - misoprostol - mii litnuda goaŧŧočoddaga. Dálkkasbuvttadeaddji dattetge ii leat dohkkehan geavahit dán dálkasa dan ulbmilii. Microprostol lea hálbi ja oadjebas, ja danne lea leamaš stuorra beroštupmi čadnon dáidda dutkamiidda.

Dutkosis leat Kevin Sunde Oppegaard ja su bargoustibat čájehan ahte vuogit maid ovdal geavahedje eai lean buoremusat. Nissonat sáhttet bidjat tableahtaid viigái ieža ruovttus. Dát litnuda goaŧŧočoddaga johtileabbo ja unnánat liigeváikkuhusaiguin, buohtastahtton dainna ahte njielasta tableahtaid. Nissoniid mielas lea ortnegis bidjat tableahtaid viigái ieža, dát guoská maiddá nissoniidda riikkain Davviriikkaid olggobealde. Oppegaard ja su bargoustibat gávnnahedje ahte misoprostolas lea ávki sihke áhpehis ja ii-áhpehis nissoniidda, muhto ii nissoniidda maŋŋá ahkemolsuma. Jus nissonat maŋŋá ahkemolsuma geavahit nissonlaš sohkabeallehormona viiggás 14 beaivvi, de doaibmá misoprostol maiddá sidjiide. 

Loga dutkosa neahtas