Signe Hjelen Stige

Doavttergráda

Stabilization groups for heterogeneous samples of trauma clients. Presentation of a new treatment approach, and a hermeneutical-phenomenological analysis of help seeking, treatment participation, and ways to positive change.

Signe Hjelen Stige
 

Signe.Hjelen.Stige@finnmarkssykehuset.no

Signe Hjelen Stige

Signe Hjelen Stige riegádii Oslos 1980:s ja lea bajásšaddan Sandanes Sogn ja Fjordanes. Son gearggai psykologaoahpuin Oslo Universitehtas 2007 giđa, ja lea dan rájes bargan psykologan GPG Gaska-Finnmárkkus. 2010 čavčča rájes lea son leamaš 50% PhD-stipendiáhtavirggis man Davvi Dearvvašvuohta lea ruhtadan, ja gárvii dutkosa 2013 giđa. Son bealuštii dutkosa almmolaš nákkáhallamis Álttás skábmamánu 4. b. 2013:s.

Stabilization groups for heterogeneous samples of trauma clients. Presentation of a new treatment approach, and a hermeneutical-phenomenological analysis of help seeking, treatment participation, and ways to positive change.

Dutkan lea čájehan ahte lea oalle dábálaš vásihit psykologalaš traumaid, ja ahte olusat rahčet traumaváttuiguin máŋga jagi maŋŋá vásáhusaid. Dan botta go traumadikšu čájeha buriid bohtosiid, lea árbevirolaš vuohki organiseret dákkár divššu dagahan ahte traumadikšu joavkkuin ii leat olámuttos traumaklieanttaide olggobealde stuorra gávpogiid. Ođđa dikšulahkoneapmi, mii dagaha vejolažžan fátmmastit klieanttaid geain leat iešguđetlágan traumavásáhusat seamma jovkui, ovdanbuktojuvvo dán dutkosis. 13 klieantta ođđa dikšunlahkoneamis jearahallo kvalitatiiva čiekŋalis jearahallamiin guorahallan dihte klieanttaid vásáhusaid a) proseassas mii dagahii ahte bivde veahki, b) dan ođđa dikšunlahkoneamis, ja c) buorránanproseassain. Dulkojeaddji ja vásáhuslahka dutkanlahkoneapmi geavahuvvui jearahallamis ja analiisaproseassas. Gávdno hui unnán systemáhtalaš máhttu das mo traumaklieanttat vásihit ohcat veahki, traumadivššu ja buorráneami. Dutkkus buktá danne ođđa máhtu klieantageahčastagas dáin proseassain. Gávdnosat čájehit eará beliid áššis, ahte ii leat dušše dat ahte háliidit birget ieža mat leat hehttehussan ohcat veahki, ja čájeha mo veahki ohcan iešalddis sáhttá ovddastit stuorra rievdadeami traumaklieanttaide. Searvat ođđa dikšunlahkoneapmái vásihuvvui sihke lossadin ja addevažžan. Klieantta aktiivvalaš rolla, sihke buorránanproseassas ja divššus, lei juoga maid gávdnosat deattuhedje, ja čájehit mearkkašumi árvvus atnit klieanttaid individuálalaš proseassaid mat leat čadnon ohcat veahki ja buorráneapmái go pláne ja fállá divššu. Gávdnosat čájehit maiddá daid ollu vugiid mo buorráneapmi sáhttá álggahuvvot ja ovttasdoaibmama gaskal daid iešguđetgelágan buorráneamiovddideaddji beliid, ja dainna lágiin man mearkkašuhtti lea ahte lea govda lahkoneapmi buorráneapmái maŋŋá trauma. Proseassat mat leat čadnon oaiviliid hábmemiidda ja dovdduide mat gullet dasa ahte lea ageanta iežas eallimis šadde dehálažžan áddet gávdnosiid mat leat čadnon veahki ohcamii, ja geaidnu man vásihit iešbirgemii ja buorráneapmái. Vaikke gávdnosat oktiibuot čájehit ahte lea potensiála eanet seaguhuvvon traumajoavkkuide, de dárbbašuvvo eanet dutkan ovdal sáhttá konklušuvnna čállit.

Loga dutkosa neahtas