Torben Wisborg

Doavttergráda

Improving the spirit – Increasing the chances of survival. Results of multiprofessional training of medical teams in Iraq and Norway.

 

​Nákkáhallan: Hámmarfeasta miessemánu 30. b. 2008

E-poasta: torben.wisborg@finnmarkssykehuset.no

Torben Wisborg

Torben Wisborg lea riegádan Århusas Danmárkkus 1956:s. Son studerii medisiinna Københámmanis ja šattai spesialistan anestesiijas Haukeland Universitetssykehus:s 1989:s. Seamma jagi árvvoštallui son vuosttašamanueansagelbbolažžan UiT:s. Son lea bargan váldodoavttirin anestesiijas Hámmarfeastta buohcciviesus 1990 rájes. 1996 rájes lea Wisborg leamaš jeavddalaččat Davvi-Iráhkas ja iešguđetge norgga buohcciviesuin hárjehallan dihte dearvvašvuođabargiid. Sus lea maiddá leamaš ovddasvástádus oahpahusprográmmii Iranas. Lea Finnmárkku dearvvašvuohta ja Davvi Dearvvašvuohta mii lea ruhtadan dutkama. Wisborg šattai professoran Romssa Universitehtas 2009:s.

Improving the spirit – Increasing the chances of survival. Results of multiprofessional training of medical teams in Iraq and Norway

Wisborg dutkosa vuođđun lea guhkesáiggi hárjáneapmi. 10 jagi čađa lea son oahpahan mo dikšut duođalaš vahágahttimiid, ovttas bargoustibiiguin Vuođđudusas BEST:s: Buoret & Systemáhtalaš Traumadikšu ja Romssa Miidnavahátguovddáš (Tromsø Mineskadesenter). Dutkkus čájeha ahte dearvvašvuođabargit sihke Davvi-Iráhkas ja Norggas dakka maŋŋá oahpahusa váldet ovddasvástádusa viidásat heivehit vugiid ja diehtaga iežaset duohtavuhtii, ja nagodit ovdánahttit fálaldagaid daid álbmotjoavkkuide maid galget gieđahallat.

Loga dutkosa neahtas