Prosedyrat ja rutiinnat

Deike čohkket mii hálddahuslaš ja fágalaš rutiinnaid min ovttasdoaibmanguimmiide vuođđodearvvašvuođabálvalusas.

Ovttasdoaibmanspiehkastat gielddas Finnmárkkus

Oppalaš ovttasbargošiehtadusas gaskal Finnmárkku buohcciviesu ja gielddain fylkkas lea ovttaoaivilvuohta ahte galget hábmejuvvot sierra rutiinnat mo gieđahallat eahpesávahahtti ovttasdoaibmandáhpáhusaid.

Dáhpáhusat mat spiehkastit dain mearriduvvon bálvalusšiehtadusain ja njuolggadusain mat leat čadnon ovttasdoaibmamii galget dieđihuvvot Finnmárkku buohcciviesu ovttasdoaibmanovttadahkii ja gieldda jođiheapmái.

Ulbmil dieđihanortnegiin lea sihkkarastit buori gieđahallama eahpesávahahtti dáhpáhusain. Go spiehkastagat dieđihuvvojit de mearkkaša ahte mii sáhttit kártet hearkkes osiid doaimmas, ja lea ávkin midjiide eastadit ahte dat geardduhuvvojit ja vuolida logu eahpesávahahtti dáhpáhusain. Mii geavahat maiddá spiehkastatdieđáhusaid iežamet buoridandoaimmas sihke dan ovttadagas mas lea ovddasvástádus spiehkastahkii, juogo guoská gielddain dahje Finnmárkku buohcciviesus.

Ale sádde pasieantadieđuid elektronalaš spiehkastatdieđáhussan.

Muitte ahte persondieđut leat sensitiiva dieđut ja daid II galgga sáddet elektronalaččat. Danne it galgga čállit pasieantadieđuid mat sáhttet muitalit gii olmmoš lea dán skovvái. Jus lea dárbu dákkár dieđuide (namma, riegádandáhton, diagnosa) gieđahallat spiehkastatdieđáhusa, sáhttá oažžut daid dieđuid telefovdnaságastallamis maŋŋágo Finnmárkku buohcciviessu lea ožžon elektronalaš spiehkastatdieđáhusa.

Muitte maiddá ahte dát skovvi galgá dušše geavahuvvot dieđihit ovttasdoaibmanspiehkastagaid - namalassii dáhpáhusaid go ovttasdoaibmanšiehtadus gaskal Finnmárkku buohcciviesu ja gielddaid ii leat čuvvojuvvon ulbmila mielde.

Jus baicce háliidat deavdit spiehkastatdieđáhusa báhpáriin ja sáddet poastta mielde, sáhtát viežžat spiehkastatskovi dáppe.

Oktavuohta

Dáppe gávnnat telefovdnanummariid ja e-poastačujuhusaid

Šiehtadusat gielddaiguin

Geatnegahttin dahkat oppalaš ovttasbargošiehtadusaid gaskal gielddaid ja dearvvašvuođadoaimmaid lea vuođđuduvvon Gielddalaš dearvvašvuođa- ja fuolahusbálvalusaid láhkii. Dát geatnegasvuohta guoská sihke gielddaide ja dearvvašvuođadoaimmahahkii.

Ovttasdoaibmanreforpma šiehtadusain

• Oppalaš ovttasbargošiehtadus
• Bálvalusšiehtadus 1:
  Ovttaoaivilvuohta gaskal gieldda ja Finnmárkku Buohcciviessu bealálaččaid ovddasvástádusa dáfus mat gusket dearvvašvuođa- ja fuolahusdoaimmaide ja doaibmabijuide maid bealálaččat galget čađahit.
• Bálvalusšiehtadus 2:
  Njuolggadusat ovttasbargui mii lea čadnon sisačáliheapmi, olggosčáliheapmái, oahppama- ja hálddašanfálaldagaide pasieanttaide geain lea dárbu návccaiduhttin- ja veajuiduhttinbálvalusaide.
• Bálvalusšiehtadus 3:
  Ovddasvástádus- ja doaibmajuohkin pasieanttaid čujuheami ja sisačáliheami oktavuođas surggiin somatihkka, gárrendilledikšu ja psykalaš dearvvašvuođasuddjen.
• Bálvalusšiehtadus 4:
  Ovttasbargu čilget gielddaid fálaldagaid jándororruma birra fáhkkaveahkki oktavuođas, gielddalaš dearvvašvuođa- ja fuolahusbálvalusaid lága mielde, § 3-5 goalmmát lađas.
• Bálvalusšiehtadus 5:
  Ovddasvástádus- ja doaibmajuohkkin pasieanttaid orruma, ja olggosčáliheami oktavuođas spesialistadearvvašvuođabálvalusas.
• Bálvalusšiehtadus 6:
  Njuolggadusat guovttebealat máhtosirdimii ja diehtolonuhallamii, ja fágalaš fierpmádagaide ja hospiteremii.
• Bálvalusšiehtadus 7:
  Ovttasbargu dutkama, oahpahusa, bargohárjehallama ja oahppoáiggi birra.
• Bálvalusšiehtadus 8:
  Ovttasbargu jortamovrabálvalusas.
• Bálvalusšiehtadus 8-1:
  Čuovvolanbálvalus ja dárbbašlaš gearggusvuohta áhpehemiide geain lea guhkes mátki riegádahttinásahussii.
• Bálvalusšiehtadus 9:
  Ovttasbargu IKT-čovdosiid dáfus báikkálaččat.
• Bálvalusšiehtadus 10:
  Ovttasbargu eastadeamis.
• Bálvalusšiehtadus 11:
  Šihttojuvvon gearggusvuođaplánat ja plánat mat gullet fáhkkabuhcciid suorgái.

Ovttasbargoorgánat

Oppalaš ovttasbargoorgána gaskal Finnmárkku buohcciviesu ja Finnmárkku gielddaid (OOO)

OOO lea oppalaš ráđđeaddi orgána mas leat oasálaččat gielddain ja Finnmárkku buohcciviesus. OOO sáhttá váldit mearrádusaid buot gielddaid ja Finnmárkku buohcciviesu bealis áššeduovdagiin mat leat ráddjejuvvon Oppalaš Ovttasbargošiehtadusas, daid ráddjejumiiguin mat čuvvot lága ja láhkaásahusaid mielde. Doaibmabijut main leat mearkkašahtti ekonomalaš dahje struktuvrralaš váikkuhusat, ja mat leat olggobealde dan fápmudusa mii oasálaččain lea, fertejit meannuduvvot dábálaš vuogi mielde gielddain ja dearvvašvuođadoaimmahagas.

Báikkálaš fágalaš ovttasbargoorgánat

Báikkálaš fágalaš ovttasbargoorgánat leat biddjon oktii oasálaččain, leat báikkálaš ráđđeaddi orgánat gaskal gielddaid ja Girkonjárgga buohcciviesu.

Loga eanet báikkálaš fágalaš ovttasbargoorgánaid birraBáikkálaš ovttasbargoorgána Oarje-Finnmárkkus Báikkálaš ovttasbargoorgána Nuorta-Finnmárkkus