​

Orgánat sáhttet váldit báikkálaš mearrádusaid buot gielddaid ja "guoskevaš" buohcciviesuid bealis áššeduovdagiin mat leat siskkobealde addon mandáhta ja láidestusaid OOO:s (oppalaš ovttasbargoorgána), ja daid ráddjemiiguin maid lágat ja njuolggadusat bidjet. Doaibmabijut main leat mearkkašahtti ekonomalaš dahje struktuvrralaš váikkuhusat, ja mat leat olggobealde dan fápmudusa mii oasálaččain lea, fertejit meannuduvvot dábálaš vuogi mielde gielddain ja dearvvašvuođadoaimmahagas.

Ulbmil lea nannet ovttasbarggu gaskal gielddaid ja spesialistadearvvašvuođabálvalusa ásahusaid, ásahusaid "fátmmastanguovlluin". Báikkálaš ovttasbargoorgána lea čatnon báikkálaš buohcciviessodoaimmaide ja gielddalaš dearvvašvuođa- ja fuolahusbálvalussii.

Dehálaš fáddásuorggit lávdegottiide leat pasieantageavat, gealbolasiheapmi ja e-dearvvašvuohta (diehtojuohkin- ja gulahallanteknologiija geavaheapmi buoridan dihte beaktilvuođa, kvaliteahta ja sihkkarvuođa dearvvašvuođa- ja fuolahussuorggis) ja eará ovttasdoaibmanprošeavttat.

Lávdegottit galget veahkehit vai bálvalusšiehtadusat leat oahppásat, ja leat veahkkin čuovvolahttit bálvalusšiehtadusaid.

Lávdegottit galget operašonaliseret strategiijaid ja láidestusaid maid OOO lea addán, ja nuppe dáfus áimmahuššat báikkálaš vuoruheami, ovdánahttima ja álgaga.