Fáhkkaveahkki jándorfálaldat gielddain

Gielddat leat 2016 rájes geatnegahtton ásahit fálaldaga mas lea jándororrun fáhkkaveahki oktavuođas. 2016 vuostá galget gielddat dađistaga ásahit fálaldaga mas lea jándororrun fáhkkaveahki oktavuođas. Dearvvašvuođadirektoráhta lea sádden bagadallamiid mat galget veahkehit gielddaid ásaheami oktavuođas.

Bagadallamat sisttisdollet earrát eará fágalaš cealkámušaid, mat galget veahkehit gielddaid ásahit dákkár fálaldaga. Gielddaid fálaldat sáhttá ásahuvvot oassin jo fálaldagain mat gielddas leat, ovdamearkka dihte buhcciidruktui dahje doavtterfáktii. Sáhttá maiddá biddjot oktii gielddalaš fálaldagain ovdal, dan sajis go, ja maŋŋá buohcciviessodivššu. Máŋgga dilálašvuođain sáhttá maiddá leat vuogas ahte máŋga gieldda ovttasbarget.

Fálaldat galgá guoskat pasieanttaide geat dárbbašit fáhkkaveahkki dahje áicojuvvot, muhto geat eai dárbbaš divššu buohcciviesus. Ortnegiin sáhttet sii guđet rahčet guhkesáiggi buozalmasvuođain maid dovdet oažžut buori ja johtilat dearvvašvuođaveahki, lagat iežaset ruovttu, muitaluvvo Dearvvašvuođa- ja fuolahusdepartemeanttas.

Pasieantajoavkkut geat dárbbašit fáhkkaveahkkefálaldaga sáhttet leat ovdamearkka dihte:

  • Kols-pasieanttat geain lea dilli vearránan. Geain ovdamearkka dihte ii leat dárbu čálihuvvot sisa buohccivissui, muhto goitge dárbbašit veahki ja čuovvoleami.
  • Vuorrasat pasieanttat geain leat unohasvuođat/bákčasat čoavjjis. Doavttir árvvoštallá ahte eai leat duođalaččat buohcamin, muhto sin berre áicat ja viidásat čielggadit.
  • Pasieanttat geain dihtet lea angina pectoris ja bákčasat. Vuorrasiidda geat ásset okto ja geain leat dákkár dávdamearkkat lea ávkkálaš orrut jándora sajis olggobealde ruovttus gos ožžot čielggaduvvot leago juoga duođalaš ja gos ožžot dan čuovvoleami man dárbbašit.
  • Borasdávdapasieanttat geain bákčasat vearránit. Olu dáin pasieanttain dárbbašit álkes čielggadeami ja veahki hálddašit bákčasiid.

Gielddat leat jo dál geatnegahtton fállat fáhkkaveahki sidjiide geain lea dárbu dasa. Ođđa láhka gielddalaš dearvvašvuođa- ja fuolahusbálvalusaid birra, lea ahte gielddat galget fuolahit jándororrunfálaldagaid olbmuide geat dárbbašit fáhkkaveahki. Pasieanta galgá čujuhuvvot spesialistadearvvašvuođabálvalussii jus ii sáhtte dikšojuvvot dohkálaččat gielddas.

Dehálaš oassi ovttasdoaibmanreforpmas lea hukset dearvvašvuođafálaldagaid lagabuidda, gos olbmot orrot. Oassin dás ásahuvvui 2016:s gielddalaš geatnegasvuohta ásahit jándororrunfálaldaga fáhkkabuhcciide gielddaide.
Bagadallan mii lea boahtán Dearvvašvuođadirektoráhtas sáhttá vižžot dáppe.