Dutkan, fága- ja bálvalusovdánahttin

SÁNAG lea dohkkehuvvon našuvnnalaš gealbobálvalus ja galgá njuolggadusaid olis bargat dutkan, fága- ja bálvalusovdánahttin bargguid. Gelbbolašvuođa gaskkusteami ja dutkama ovdánahttinbargguid bokte galgá SÁNAG váikkuhit bajidit gelbbolašvuođa sápmelaččaid erenoamáš dárbbuid birra, nugo oažžut gielalaš ja kultuvrralaš heivehuvvon diagnostihka ja divššu.

SÁNAG publikašuvnnat ja prošeavttat

Máŋggasiin geain leat čanastumit SÁNAG:i leat váikkuhan čállinbargguiguin iešguđetge publikašuvnnaid bokte dahje searvan fága, dutkan ja bálvalusovdánahttinprošeavttaide. Dás gávnnat bajilgova publikašuvnnaid ja prošeavttaid badjel mas leat čanastumit SÁNAG:ii.

Publikašuvnnat

Prošeavttat

Jus dus leat gažaldagat:

DjO-ovttadat

SÁNAG:a dutkan ja ovdánahttinossodat (DjO) koordinere ja áimmahuššá našuvnnalaš gealbobálvalusdoaimma. Gealbobálvalus fátmmasta dutkan ja fágaovdánahttindoaimmaid, hukset ja oassálastit dutkanfierpmádagain, gilvit dutkanbohtosiid, oahpahit, bagadallat ja ráđđeaddit. Ulbmiljoavku lea vuođđo- ja spesialistadearvvašvuođabálvalusa dearvvašvuođabargit, geavaheaddjit, oapmahašagát ja almmolašvuohta. Čális e-boasta: SANKS-FOU@finnmarkssykehuset.no

Djo-stivra

SÁNAG:s lea DjO-stivra mii galgá bearráigeahččat ja ovddidit SÁNAG:a bargguid mat gusket dutkamii ja ovdánahttinbargguide. Stivrra váldobargu lea hálddašit DjO dutkanruđaid bušeahta ja juohkit daid mearriduvvon mihttuid, njuolggadusaid ja čujuhusa ektui.DjO-ovttadat lea stivrra čállingoddi.