​Finnmárkku buohcciviessu lea okta viđa dearvvašvuođadoaimmas Dearvvašvuohta Davvin:s ja das lea ovddasvástádus spesialistadearvvašvuođabálvalussii Finnmárkku fylkkas. Finnmárkku buohcciviesus lea Hámmarfeasta hálddahuslaš váldoguovddážin gos maiddá nubbi doaimma guovtti buohcciviesus lea. Nubbi buohcciviessu lea Girkonjárggas. Psyhkalaš dearvvašvuođasuddjen- ja gárrendilledikšu lea hui lávdaduvvon ja lokaliserejuvvon miehtá fylkka.

Doaimmahaga jođiheapmi

Finnmárkku buohcciviesu birra

Finnmárkkus lea bures ásahuvvon lávdaduvvon spesialistadearvvašvuođabálvalus. Mis lea dikšofálaldat Kárášjogas, gos dearvvašvuođabálvalus sámi álbmogii lea erenoamážit guovddážis. Eanaš suohkaniin Finnmárkkus leat buohcciviessosajit – oktiibuot 40 – maid Finnmárkku buohcciviessu ruhtada, ja mat gaskkaid ja olmmošvallji vuođul addet Finnmárkku álbmogii buori ja oadjebas dearvvašvuođafálaldaga doppe lahkosis gos sii orrut.

Fylkka guhkes gaskkaid dihte, lea mearriduvvon bisuhit guokte buohcciviesu gos lea fáhkkabuhcciiddoaibma medisiinnas, kirurgiijas ja riegádahttinfuolahusas. Psykiatriijas leat golbma gáidduspsykiátralaš guovddáža (DPS), mat leat guđa iešguđege báikkis fylkkas. Psykiatriijas lea mis sámi našunála gelbbolašvuođaguovddáš, SÁNAG, mas lea našunála ovddasvástádus fállat ja ovdánahttit dearvvašvuođabálvalusaid sámi álbmogii.

Daiguin gaskkaiguin mat mis leat Finnmárkkus, lea erenoamáš dehálaš ahte lea lagaš ja geatnegahtti ovttasbargu suohkandearvvašvuođabálvalusain.

Árvovuođđu

Pasieantta dárbu lea vuolggasadjin buot dálkkodeapmái, ja váimmus buot divššus. Go mii deaivvadat pasieanttaiguin, oapmahaččaiguin ja olgguldas ovttasbargoguimmiiguin de mii dahkat dan:

Kvaliteahtain – Oadjebasvuođain – Árvvusatnimiin

Organiseren

Finnmárkku buohcciviessu doaibma lea organiserejuvvon njealji klinihkkii ja doarjjadoibmii:

• Prehospitála bálvalusaid Klinihkka
• Klinihkka Girkonjárga
• Klinihkka Hámmarfeasta
• Sámi Klinihkka
• Klinikk Alta

• Bálvaleapmi, jođiheapmi ja opmodat
  
• Fága, dutkan ja ovttasdoaibman
  
• Ekonomiija ja analiisa
  
• Bargit ja organisašuvdna
  
• Stuorideapmi
  
• Hálddahus
  
• Gulahallan
  
  

Geahča ollislaččat organisašuvdnakártta (pdf)

Huksenprošeavttat

Finnmárkku buohcciviesus leat njeallje stuorra huksenprošeavtta 

Gulahallanstrategiija

Finnmárkku buohcciviesu mihttu lea leahkit vuosttašválljejupmi pasieanttaide ja dearvvašvuođabargiide. Fitnodat galgá leat rabas, positiivvalaš ja gulahalli dearvvašvuođafitnodat. Dát galgá geavatlaččat čájehuvvot aktiiva ja olgguldas guvlui gulahallamiin, huksejuvvon rabasvuođa ala.

Finnmárkku buohcciviesus lea earenoamáš ovddasvástádus dasa ahte sámi álbmogii lea dásseárvosaš spesialistadearvvašvuođafálaldat.

Oktavuođadieđut

Telefonguovddáš:

78 42 10 00

Váldopoastačujuhus:

Finnmárkku buohcciviessu / Finnmarkssykehuset HF, Sykehusveien 35, 9601 Hammerfest / Hámmarfeasta
postmottak@finnmarkssykehuset.no

Fáhkka medisiinnalaš heahteveahkki: 113
Telefovdnanummir doavttirfáktii miehtá Norgga lea 116 117

Rabas virggit

Fásta virggit, oasseáiggevirggit ja geassebarggut almmuhuvvojit webcruiter bokte.

Rabas virggit

Media

Gulahallanbargit dustejit buot mediajearaldagaid.
Fáktatelefovdna mii lea rabas birrajándora: 982 62 381

Media

Sosiála mediat

Finnmarkssykehuset

Finnmárkku buohcciviesu stivra

Doaimmahusa ovdáneapmi ja hálddašeapmi gullá stivrra vuollái mas lea ovddasvástádus organiseret fitnodaga ollislaš doaimma duhtadeaddji lági mielde. Lea stivra mii ovttas hálddahusdirektevrrain dagaha doaimmahusa jođiheami. Stivra lea kollegiála orgána mii dahká mearrádusaid stivrračoahkkimiin. Stivrrajođiheaddjis ii leat gohččunváldi stivrralahtuid ektui ja ovttaskas stivrralahtu ii galgga ovddastit dihto beroštumiid dahje joavkkuid. Stivrra bargu galgá jođihuvvot fitnodaga ehtalaš njuolggadusaid siskkobealde. Bargiidválljejuvvon stivrralahtut leat ovttadássásaš stivrralahtut nu go dat eaiggátválljejuvvon stivrralahtut leat, seamma ovddasvástádusain ja vuoigatvuođaiguin. Stivrrajođiheaddji fuolaha ahte stivra bargá mearrediđolaččat ja bures ovttas, ja ahte stivrras lea rabasvuohta ja oadjebasvuohta.

Finnmárkku buohcciviesu stivra

Geavaheddjiid lávdegoddi Finnmárkku buohcciviesus

Geavaheddjiid lávdegoddi lea ráđđeaddi orgána mii lokte áššiid prinsihpalaččat ja oppalačča vuođul. Geavaheddjiid lávdegoddi ii sáhte gieđahallat áššiid mat gusket ovttaskas olbmuide.

Etihkka

Finnmárkku buohcciviessu čuovvu Dearvvašvuohta Davvin njuolggadusaid.

Ruoná buohcciviessu

Finnmárkku buohcciviesu vástádus biras- ja dálkkádathástalusaid hárrái

Olbmuid dearvvašvuhtii ja čálgui lea lunddolaš olgguldas biras dehálaš.  Globálalaš dálkkádat ja biras lea maid mearrideaddji olbmuid eallinvuđđui. Danin leage buot olbmuiguin morálalaš ovddasvástádus gáhttet luonddu ja birrasa.